Cricket Australia: మళ్లీ పర్యటనకు రెడీ అయిన ఆసీస్ క్రికెటర్లు
ఐపీఎల్ 14వ సీజన్ అర్ధాంతరంగా ముగియడంతో ఇంటి బాట పట్టారు ఆస్ట్రేలియా ప్లేయర్లు. ఇదిలా ఉంటే బీసీసీఐ లంక పర్యటనకు టీమిండియాను రెడీ చేసినట్లుగానే.. వెస్టిండీస్ తో మ్యాచ్ లకు క్రికెట్ ఆస్ట్రేలియా ప్లేయర్ల లిస్టు తయారుచేసింది.
- Published By: 10TV Digital Team ,Published On : May 17, 2021 / 10:22 PM IST
Auastralia Cricket
Cricket Australia: ఐపీఎల్ 14వ సీజన్ అర్ధాంతరంగా ముగియడంతో ఇంటి బాట పట్టారు ఆస్ట్రేలియా ప్లేయర్లు. ఇదిలా ఉంటే బీసీసీఐ లంక పర్యటనకు టీమిండియాను రెడీ చేసినట్లుగానే.. వెస్టిండీస్ తో మ్యాచ్ లకు క్రికెట్ ఆస్ట్రేలియా ప్లేయర్ల లిస్టు తయారుచేసింది.
జులై 10 నుంచి విండీస్‌తో ప్రారంభం కానున్న పరిమిత ఓవర్ల సిరీస్‌ కోసం 23 మందితో కూడిన బృందాన్ని క్రికెట్ ఆస్ట్రేలియా(సీఏ) సోమవారం ప్రకటించింది. ఇటీవల న్యూజిలాండ్‌ పర్యటనకు దూరమైన స్టార్‌ క్రికెటర్లు స్టీవ్‌ స్మిత్‌, మిచెల్‌ స్టార్క్‌, జోష్‌ హేజిల్‌వుడ్‌, డేవిడ్‌ వార్నర్‌, పాట్‌ కమిన్స్‌ తిరిగి జట్టులోకి తీసుకుంది.
ఈ పర్యటన నిమిత్తం ఆస్ట్రేలియా సెలెక్షన్‌ కమిటీ నలుగురు స్పిన్నర్లను పరిగణనలోకి తీసుకుంది. ఆరోన్‌ ఫించ్‌ కెప్టెన్సీలోని ఆసీస్ టీం విండీస్‌ పర్యటనలో 5 టీ20లు, 3 వన్డేలు ఆడనుంది. సంవత్సరం చివర్లో భారత్‌లో జరగబోయే టీ20 ప్రపంచ కప్‌ నేపథ్యంలో క్రికెట్ ఆస్ట్రేలియా జంబో జట్టును ప్రకటించింది.
ఆస్ట్రేలియా జట్టు వివరాలు: ఆరోన్‌ ఫించ్‌(కెప్టెన్‌), ఆస్టన్‌ అగర్‌, జేసన్‌ బెహ్రెరెన్డార్ఫ్‌, అలెక్స్‌ క్యారీ, పాట్‌ కమిన్స్‌, జోష్‌ హాజిల్‌వుడ్‌, మోసిస్‌ హెన్రిక్స్‌, మిచెల్‌ మార్ష్‌, గ్లెన్‌ మ్యాక్స్‌వెల్‌, రిలె మెరిడిట్, జోష్‌ ఫిలిప్‌, కేన్‌ రిచర్డ్‌సన్‌, జై రిచర్డ్‌సన్‌, తన్వీర్‌ సంఘా, డి షార్ట్‌, స్టీవ్‌ స్మిత్‌, మిచెల్‌ స్టార్క్‌, మార్కస్‌ స్టోయినిస్‌, మిచెల్‌ స్వెప్సన్‌, అండ్రూ టై, మాథ్యూ వేడ్‌, డేవిడ్‌ వార్నర్‌, ఆడమ్‌ జంపా
