GT vs SRH : స‌న్‌రైజ‌ర్స్ హైద‌రాబాద్‌తో కీల‌క మ్యాచ్‌.. శుభ్‌మ‌న్ గిల్ ఆడ‌తాడా? ఆడ‌డా? గుజ‌రాత్ టీమ్ డైరెక్ట‌ర్ ఏం చెప్పాడంటే

శుక్ర‌వారం న‌రేంద్ర మోదీ స్టేడియంలో స‌న్‌రైజ‌ర్స్ హైద‌రాబాద్‌తో గుజ‌రాత్ టైటాన్స్ జ‌ట్టు త‌ల‌ప‌డ‌నుంది.

Courtesy BCCI

ఐపీఎల్‌ 2025 సీజ‌న్‌లో ప్లేఆఫ్స్ రేసు ర‌స‌వ‌త్త‌రంగా మారింది. ఇప్ప‌టికే చెన్నై సూప‌ర్ కింగ్స్‌, రాజ‌స్థాన్ రాయ‌ల్స్ ఈ రేసు నుంచి త‌ప్పుకోగా నాలుగు స్థానాల కోసం ఎనిమిది జట్లు పోటీప‌డుతున్నాయి. ఈ క్ర‌మంలో శుక్ర‌వారం గుజ‌రాత్ రాష్ట్రంలోని అహ్మ‌దాబాద్‌లోని న‌రేంద్ర‌మోదీ స్టేడియంలో స‌న్‌రైజ‌ర్స్ హైద‌రాబాద్‌తో గుజ‌రాత్ టైటాన్స్ త‌ల‌ప‌డ‌నుంది. ఈ మ్యాచ్ రెండు జ‌ట్ల‌కు కూడా ఎంతో కీల‌కం.

స‌న్‌రైజ‌ర్స్ హైద‌రాబాద్ పై విజ‌యం సాధించి పాయింట్ల ప‌ట్టిక‌లో టాప్‌-2 స్థానానికి చేరుకోవాల‌ని గుజ‌రాత్ భావిస్తోంది. మ‌రోవైపు ప్లేఆఫ్స్ రేసులో నిల‌వాలంటే ఈ మ్యాచ్‌లో విజ‌యం సాధించ‌డం స‌న్‌రైజ‌ర్స్ హైద‌రాబాద్‌కు ఎంతో ముఖ్యం. ఈ క్ర‌మంలో మ్యాచ్ హోరాహోరీగా సాగే అవ‌కాశం ఉంది.

RR vs MI : ఏందిరా అయ్యా.. అంపైర్లు చూడ‌లేదా? లేదా చూసినా వ‌దిలేశారా? రోహిత్ శ‌ర్మ డీఆర్ఎస్ కాంట్ర‌వ‌ర్సీ.. వీడియో వైర‌ల్‌

కాగా.. ఈ కీల‌క మ్యాచ్‌కు ముందు గుజ‌రాత్ టైటాన్స్‌ను ఓ స‌మ‌స్య వేధిస్తోంది. ఆ జ‌ట్టు కెప్టెన్ శుభ్‌మ‌న్ గిల్ ప్ర‌స్తుతం వెన్నునొప్పితో బాధ‌ప‌డుతున్నాడు. దీంతో ఎస్ఆర్‌హెచ్‌తో మ్యాచ్‌లో అత‌డు ఆడ‌తాడా? లేదా? అన్న సందిగ్దం నెల‌కొంది. ఈ క్ర‌మంలో గిల్ గాయంపై గుజ‌రాత్ డైరెక్ట‌ర్ విక్ర‌మ్ సోలంకి కీల‌క అప్‌డేట్ ఇచ్చాడు.

మ్యాచ్‌కు ముందు నిర్వ‌హించిన విలేక‌రుల స‌మావేశంలో సోలంకి మాట్లాడుతూ.. ‘అవును అత‌డు వెన్నునొప్పితో బాధ‌ప‌డుతున్నాడు. మేము నిశితంగా అత‌డిని గ‌మ‌నిస్తున్నాము. అత‌డు ప్రాక్టీస్‌లో పాల్గొంటున్నాడు. నొప్పి ఏ స్థాయిలో ఉంద‌నేది గ‌మ‌నిస్తున్నాము. అత‌డు బాగానే ఉన్నాడ‌నే న‌మ్మ‌కం మాకు ఉంది.’ అని అన్నాడు.

రాజ‌స్థాన్ రాయ‌ల్స్‌తో జ‌రిగిన మ్యాచ్‌లోనే గిల్ వెన్నునొప్పికి గురి అయ్యాడు. ఈ మ్యాచ్‌లో గిల్ 50 బంతుల్లో 84 ప‌రుగులు చేశాడు. దీంతో మొద‌ట బ్యాటింగ్ చేసిన గుజ‌రాత్ నిర్ణీత 20 ఓవ‌ర్ల‌లో 4 వికెట్ల న‌ష్టానికి 209 ప‌రుగులు చేసింది. ఆ త‌రువాత వైభ‌వ్ సూర్య‌వంశీ (101) శ‌త‌కంతో చెల‌రేగ‌డంతో రాజ‌స్థాన్ 15.5 ఓవ‌ర్ల‌లో రెండు వికెట్లు కోల్పోయి ల‌క్ష్యాన్ని అందుకుంది.

RR vs MI : ముంబై చేతిలో ఓట‌మి.. రాజ‌స్థాన్ కెప్టెన్ రియాన్ ప‌రాగ్ కామెంట్స్‌ వైర‌ల్‌.. అందుక‌నే ఓడిపోయాం..

ఈ మ్యాచ్‌లో రెండో ఇన్నింగ్స్‌లో వెన్నునొప్పితో గిల్ ఫీల్డింగ్‌కు రాలేదు. అత‌డి స్థానంలో సీనియ‌ర్ ఆట‌గాడు ర‌షీద్ ఖాన్ స్టాండ్ ఇన్ కెప్టెన్‌గా వ్య‌వ‌హ‌రించాడు.