WPL 2026 : ముంబై ఇండియన్స్ను మళ్లీ ఓడించిన యూపీ వారియర్జ్
మహిళల ప్రీమియర్ లీగ్ 4వ సీజన్లో (WPL 2026) మరోసారి ముంబై ఇండియన్స్ను యూపీ వారియర్జ్ జట్టు ఓడించింది.
- Published By: 10TV Digital Team ,Published On : January 17, 2026 / 06:46 PM IST
WPL 2026 UP Warriorz won by 22 runs against Mumbai Indians
WPL 2026 : మహిళల ప్రీమియర్ లీగ్ 4వ సీజన్లో మరోసారి ముంబై ఇండియన్స్ను యూపీ వారియర్జ్ జట్టు ఓడించింది. 188 పరుగుల లక్ష్యంతో బరిలోకి దిగిన ముంబై ఇండియన్స్ జట్టు నిర్ణీత 20 ఓవర్లలో 6 వికెట్ల నష్టానికి 165 పరుగులకే పరిమితమైంది. దీంతో యూపీ జట్టు 22 పరుగుల తేడాతో గెలుపొందింది.
ముంబై బ్యాటర్లలో అమేలియా కెర్ (49 నాటౌట్; 28 బంతుల్లో 6 ఫోర్లు, 1 సిక్స్), అమన్జోత్ కౌర్ (41; 24 బంతుల్లో 4 ఫోర్లు, 3 సిక్సర్లు) మాత్రమే రాణించారు. కెప్టెన్ హర్మన్ ప్రీత్ కౌర్ (18), హేలీ మాథ్యూస్ (13) లు విఫలమయ్యారు. యూపీ బౌలర్లలో శిఖా పాండే రెండు వికెట్లు పడగొట్టింది. క్రాంతి గౌడ్, సోఫీ ఎకిల్స్టోన్, దీప్తి శర్మ, క్లో ట్రయాన్ తలా ఓ వికెట్ తీశారు.
అంతకముందు తొలుత బ్యాటింగ్ చేసిన యూపీ వారియర్జ్ నిర్ణీత 20 ఓవర్లలో 8 వికెట్ల నష్టానికి 187 పరుగులు సాధించింది. యూపీ బ్యాటర్లలో మెగ్ లానింగ్ (70; 45 బంతుల్లో 11 ఫోర్లు, 2 సిక్సర్లు, ఫోబ్ లీచ్ ఫీల్డ్ (61; 37 బంతుల్లో 7 ఫోర్లు, 3 సిక్సర్లు) దంచికొట్టారు.హర్లీన్ డియోల్ (25), క్లో ట్రయాన్ (21) కూడా రాణించారు. ముంబై బౌలర్లలో అమేలియా కెర్ మూడు వికెట్లు పడగొట్టగా.. నాట్ సైవర్-బ్రంట్ రెండు వికెట్లు తీసింది. నికోలా కారీ, హేలీ మాథ్యూస్, అమన్జోత్ కౌర్ తలా ఓ వికెట్ సాధించారు.
Win on the field. Winning for the cause 🩷
Two wins in a row for the Warriorz! #UttarDega #UPWarriorz #TATAWPL #UPWvMI pic.twitter.com/SOp8hvkVH6
— UP Warriorz (@UPWarriorz) January 17, 2026
కాగా.. ఈ సీజన్లో యూపీ ఇప్పటి వరకు 5 మ్యాచ్లు ఆడగా రెండు మ్యాచ్ల్లో విజయం సాధించింది. ఆ రెండు మ్యాచ్లు కూడా ముంబై పైనే గెలవడం విశేషం. తాజా విజయంతో యూపీ పాయింట్ల పట్టికలో నాలుగో స్థానానికి చేరుకుంది.
