iPhone 16 Price Comparison : ఐఫోన్ 16 కొంటున్నారా? భారత్ కన్నా విదేశాల్లోనే ధర చాలా తక్కువ తెలుసా? ఎంతంటే?
Apple iPhone 16 Series Price Comparison : భారత మార్కెట్లో ఐఫోన్ 16 సిరీస్ ధర చాలా ఎక్కువ. అదే మీరు విదేశాల్లో ఐఫోన్ కొనుగోలు చేస్తే చాలా తక్కువ ధరకే కొత్త ఐఫోన్ సొంతం చేసుకోవచ్చు.
- Published By: 10TV Digital Team ,Published On : September 11, 2024 / 07:28 PM IST
iPhone 16 series price comparison
Apple iPhone 16 Series Price Comparison : ఆపిల్ ఐఫోన్ 16 సిరీస్ కొనేందుకు ప్లాన్ చేస్తున్నారా? అయితే, ఇది మీకోసమే.. భారత మార్కెట్లో ఐఫోన్ 16 సిరీస్ ధర చాలా ఎక్కువ. అదే మీరు విదేశాల్లో ఐఫోన్ కొనుగోలు చేస్తే చాలా తక్కువ ధరకే ఐఫోన్ 16 సిరీస్ సొంతం చేసుకోవచ్చు. అంతేకాదు.. ఈ దేశాల్లో ఐఫోన్ కొనుగోలుపై దాదాపు రూ. 40వేల వరకు ఆదా చేసుకోవచ్చు. రెండు రోజుల క్రితమే ఐటీ దిగ్గజం ఆపిల్ గ్లోటైమ్ ఈవెంట్ సందర్భంగా ఆపిల్ ఐఫోన్ 16 సిరీస్ మొత్తం 4 మోడల్స్ లాంచ్ చేసిన సంగతి తెలిసిందే.
Read Also : iPhone 16 Launch : A18 చిప్‌సెట్‌తో మోస్ట్ పవర్‌ఫుల్ ఐఫోన్ 16.. ఫీచర్లు చూస్తే ఫిదానే.. ధర ఎంతంటే?
అందులో ఐఫోన్ 16, ఐఫోన్ 16 ప్లస్, ఐఫోన్ 16 ప్రో, ఐఫోన్ 16 ప్రో మ్యాక్స్ ఉన్నాయి. ఆపిల్ ఐఫోన్ ప్రో మోడల్స్‌పై ధర తగ్గింపులు, అన్ని వెర్షన్‌లలో పోటీ ధరలతో ఆపిల్ ప్రపంచవ్యాప్తంగా దృష్టిని ఆకర్షించింది. అయితే, ఐఫోన్ ధరలు కొనుగోలు చేసే ప్రదేశాన్ని బట్టి గణనీయంగా మారుతుంటాయి. భారత మార్కెట్లో ఐఫోన్ 16 సిరీస్ ధరలతో పోలిస్తే.. అమెరికా, దుబాయ్, వియత్నాం, ఇతర ప్రధాన ప్రాంతాల్లో ధరలు ఎలా ఉన్నాయో ఇప్పుడు వివరంగా తెలుసుకుందాం.
ఐఫోన్ 16, ఐఫోన్ 16 ప్లస్ :
భారత మార్కెట్లో, విదేశాలలో ఐఫోన్ ధరల మధ్య చాలా వ్యత్యాసం ఉంటుంది. ఐఫోన్ 16 ప్రారంభ ధర రూ. 79,900, ఐఫోన్ 16 ప్లస్ ధర రూ. 89,900 ఉండగా, ఈ రెండు ఐఫోన్ల ధరలు గత జనరేషన్ ఐఫోన్లకు దగ్గరగా ఉంటాయి. కొన్ని బ్యాంకుల నుంచి ఫ్లాట్ డిస్కౌంట్ రూ. 5వేలు వరకు పొందవచ్చు. తద్వారా 128జీబీ ఐఫోన్ 16 ధర రూ. 74,900కి తగ్గుతుంది. భారతీయ మార్కెట్లో సరసమైనదిగా చెప్పవచ్చు.
పోల్చితే, అదే iPhone 16 USలో చాలా తక్కువ ధరలో ఉంది, ఇక్కడ ఇది $799 (సుమారు రూ. 67,000, పన్నులకు ముందు) ప్రారంభమవుతుంది. కెనడాలో కూడా, ఇది రూ. 70,000 లోపు అందుబాటులో ఉంది. దుబాయ్ వంటి ఇతర ప్రాంతాలు ఐఫోన్ 16ని AED 3,399 (సుమారు రూ. 78,000)కు అందిస్తోంది, వియత్నాంలో దీని ధర VND 22,999,000 (దాదాపు రూ. 78,000). స్పష్టంగా, బేస్ ఐఫోన్ 16 మోడల్‌లో సేవ్ చేయాలనుకునే కొనుగోలుదారులకు US ఉత్తమమైన డీల్‌ను అందిస్తుంది.
ఐఫోన్ 16ప్రో సిరీస్ :
గ్లోబల్ మార్కెట్‌లలో ఐఫోన్ల ధరలో గణనీయమైన వ్యత్యాసం కనిపిస్తోంది. భారత మార్కెట్లో ఐఫోన్ 16 ప్రో ప్రారంభ ధర రూ. 1,19,900కు లభిస్తోంది. వాస్తవానికి, ఐఫోన్ 15 ప్రో కన్నా ధర చాలా తక్కువగా ఉంది. ఇదే ధరకు ఐఫోన్ కావాలంటే విదేశాల నుంచి కొనుగోలు చేయడం బెటర్. అమెరికాలో ఐఫోన్ 16 ప్రో మోడల్ ధర 999 డాలర్లు (పన్నులకు ముందు సుమారు రూ. 83,891)గా ఉంది. భారత మార్కెట్లో కన్నా దాదాపు రూ. 36వేలు తక్కువగా ఉంటుంది.
దుబాయ్‌లో ఐఫోన్ 16 ప్రో ధర AED 4,299 (సుమారు రూ. 97వేలు) అంటే.. భారత మార్కెట్లో కన్నా చాలా చౌకగా ఉందని చెప్పవచ్చు. చైనా, కెనడాలో కూడా ఐఫోన్ 16ప్రో ధర రూ. లక్ష కన్నా తక్కువ ధరకే అందిస్తున్నాయి. చైనా ధర ముఖ్యంగా రూ. 94,351 వద్ద ఆకర్షణీయంగా ఉంది. విదేశాలలో ఐఫోన్ 16 ప్రోని కొనుగోలు చేస్తే భారీగా డబ్బులు ఆదా చేసుకోవచ్చు.
ఐఫోన్ 16ప్రో మ్యాక్స్ :
ఆపిల్ ఐఫోన్ 16ప్రో మ్యాక్స్ అనేది బిగ్గెస్ట్ రిచ్ ఫోన్.. భారత మార్కెట్లో 256జీబీ వేరియంట్‌ ధర రూ. 1,44,900 నుంచి ప్రారంభమవుతుంది. ఇదే మోడల్ అమెరికాలో 1,199 డాలర్లు (సుమారు రూ. 1,00,686)కి అందుబాటులో ఉంది. భారత మార్కెట్లో కన్నా దాదాపు రూ. 40వేలు తక్కువ అనమాట.
దుబాయ్‌లో ఐఫోన్ కొనుగోలు చేసేవారికి ఐఫోన్ 16ప్రో మ్యాక్స్ ధర AED 5,099 (దాదాపు రూ. 1,32,000) అంటే.. దాదాపు రూ. 12వేలు ఆదా అవుతుంది. అలాగే, వియత్నాం, చైనాలో కూడా ఐఫోన్ ప్రో మాక్స్‌ను ఆకర్షణీయమైన ధరలకు అందిస్తున్నాయి. రెండోది అదే మోడల్‌కు దాదాపు ధర రూ. 1,17,942 నుంచి ప్రారంభమవుతుంది.
అంతర్జాతీయ vs భారతీయ ఐఫోన్ వేరియంట్లు :
విదేశాల నుంచి ఐఫోన్ 16 లేదా ఐఫోన్ 16 ప్రో మాక్స్ కొనుగోలు చేయొచ్చు. కానీ, కొన్ని ముఖ్యమైన అంశాలను తప్పక తెలుసుకోవాలి. ఉదాహరణకు.. అమెరికాలోని ఐఫోన్లు ఫిజికల్ సిమ్ కార్డ్ స్లాట్‌లను కలిగి ఉండవు. ఎందుకంటే.. ఆ దేశాల్లో ఇప్పుడు (eSIM)లకు మాత్రమే సపోర్టు ఇస్తున్నాయి.
Apple iPhone 16 Series Price Comparison
అయితే, భారతీయ వేరియంట్లు నానో-సిమ్ కార్డ్ స్లాట్, ఇసిమ్ సపోర్ట్‌తో వస్తాయి. అదనంగా, నిర్దిష్ట మార్కెట్‌లలో కొనుగోలు చేసిన నెట్‌వర్క్-లాక్ చేసిన ఐఫోన్లు భారతీయ టెలికం నెట్ వర్క్‌లతో పనిచేయకపోవచ్చు. కాబట్టి విదేశాలలో కొనుగోలు చేసిన ఏదైనా ఐఫోన్ అన్‌లాక్ చేసిందా? లేదా అని తెలుసుకోవడం తప్పనిసరి.
ఈ దేశాల్లో ఐఫోన్ కొంటే రూ. 10వేలు ఆదా :
స్వదేశంలో ఐఫోన్ 16 సపోర్టు సమస్యలను నివారించడానికి అంతర్జాతీయ కొనుగోలుకు ముందు ఈ అంశాలను జాగ్రత్తగా పరిశీలించాలి. మీరు భారత్ లేదా విదేశాలలో ఐఫోన్ 16 కొనుగోలు చేయాలా? వద్దా అనేది నిర్ణయించుకోవాలి. మీరు ఐఫోన్ 16ప్రో లేదా ప్రో మ్యాక్స్ కోసం చూస్తున్నట్లయితే.. అమెరికా, దుబాయ్ లేదా చైనా వంటి దేశాల నుంచి కొనుగోలు చేయడం ద్వారా భారతీయ ధరలతో పోలిస్తే.. 10వేలు ఆదా చేయవచ్చు.
ఐఫోన్ 16, ఐఫోన్ 16 ప్లస్ కూడా యూఎస్, కెనడాలో సరసమైన ధరకే పొందవచ్చు. అయితే, కొనుగోలుదారులు కొన్ని ప్రాంతాలలో (eSIM-only) పరిమితి గురించి తెలుసుకోవాలి. భారతీయ క్యారియర్‌లతో సపోర్టు చేసేలా డివైజ్ అన్‌లాక్ చేసిన వేరియంట్‌ను మాత్రమే కొనుగోలు చేయాల్సి ఉంటుంది.
