Cheapest 5G Plans : జియో, ఎయిర్‌టెల్, వోడాఫోన్ 4G, 5G చీపెస్ట్ ప్లాన్లు ఇవే.. వ్యాలిడిటీ, ధర ఎంతంటే? ఫుల్ డిటెయిల్స్
Cheapest 5G Plans : ఎయిర్‌టెల్, జియో, వోడాఫోన్ ఐడియా 4G, 5G ప్లాన్లను ఆఫర్ చేస్తోంది. ఈ ప్లాన్ ధర, వ్యాలిడిటీ వివరాలు ఇలా ఉన్నాయి.
- Published By: 10TV Digital Team ,Published On : August 21, 2025 / 07:17 PM IST
Cheapest 5G Plans
Cheapest 5G Plans : టెలికం కంపెనీలు వినియోగదారులకు వరుస షాకులిస్తున్నాయి. గత రెండు రోజులుగా ఎయిర్‌టెల్, జియో రెండూ బేస్ చౌకైన ప్లాన్లను (Cheapest 5G Plans) తొలగించాయి. దాంతో వినియోగదారులు ఇప్పుడు రీఛార్జ్ కోసం అధిక ధర చెల్లించాల్సి వస్తుంది. ఈ రెండు టెల్కో దిగ్గజాలు రోజుకు 1GB డేటా, అన్‌లిమిటెడ్ కాలింగ్, ఇతర బెనిఫిట్స్ అందించే వారి రూ. 249 ప్లాన్‌ను రద్దు చేశాయి.
ఇప్పుడు, రెండు టెల్కో దిగ్గజాల బేస్ ప్లాన్లు మారాయి. ఆసక్తిగల వినియోగదారులు ఏదైనా ప్లాన్ ఎంచుకోవచ్చు. ఫ్రీ 5G డేటాతో ఎంట్రీ-లెవల్ ప్లాన్‌లతో సహా జియో, ఎయిర్‌టెల్, Vi నుంచి అనేక బేస్ ప్లాన్లను అందిస్తున్నాం. ఇందులో 4G, 5G డేటా బెనిఫిట్స్‌తో పాటు Airtel, Jio, Vi ప్రీపెయిడ్ ప్లాన్లు అందుబాటులో ఉన్నాయి.. అవేంటో ఓసారి లుక్కేయండి..
Cheapest 5G Plans ఎయిర్‌టెల్ ప్రీపెయిడ్ ప్లాన్లు :
ఎయిర్‌టెల్ రూ.299 ప్రీపెయిడ్ ప్లాన్‌ను అందిస్తుంది. రోజుకు 1GB డేటా, అన్‌లిమిటెడ్ STD, లోకల్, రోమింగ్ కాల్స్, రోజుకు 100 SMS, ఫ్రీ హెలోట్యూన్‌లను అందిస్తుంది. అన్‌లిమిటెడ్ 5G డేటాను పొందాలంటే రోజుకు 2GB 4G డేటాతో పాటు అన్‌లిమిటెడ్ 5G డేటా, వాయిస్ కాలింగ్‌ను అందించే రూ.379 ప్రీపెయిడ్ ప్లాన్‌ను ఎంచుకోవాలి. ఈ ప్లాన్ ఇతర ఫీచర్లు బేస్ ప్లాన్ మాదిరిగానే ఉంటాయి.
జియో ప్రీపెయిడ్ ప్లాన్లు :
రోజుకు డేటాతో రూ.239కి చౌకైన జియో ప్రీపెయిడ్ ప్లాన్. రోజుకు 1.5GB డేటా, 22 రోజుల వ్యాలిడిటీ, అన్‌లిమిటెడ్ కాలింగ్, రోజుకు 100 SMS, JioTV, JioAICloud యాక్సెస్ అందిస్తుంది. నెలవారీ ప్లాన్ కోసం రూ.299 ప్లాన్‌ను ఎంచుకోవచ్చు.
గతంలో 28 రోజుల వ్యాలిడిటీతో అదే బెనిఫిట్స్ అందిస్తుంది. ట్రూ 5G ఔత్సాహికులు రోజుకు 2GB 4G డేటాను అందించే కనీసం రూ.349 ప్రీపెయిడ్ ప్లాన్, ట్రూ అన్‌లిమిటెడ్ 5G, JioTV, JioAICloud, JioHotstar మూడు నెలల ఫ్రీ సబ్‌స్క్రిప్షన్‌తో ఫోన్‌లను రీఛార్జ్ చేసుకోవాలి.
Vi ప్రీపెయిడ్ ప్లాన్లు :
వోడాఫోన్ ఐడియాలో రూ.249 బేస్ ప్లాన్ ఎంచుకోవచ్చు. అన్‌లిమిటెడ్ కాలింగ్, రోజుకు 1GB 4G డేటా, రోజుకు 100 SMSలతో పాటు 24 రోజుల వ్యాలిడిటీని అందిస్తుంది. ఇప్పుడు టెల్కో చౌకైన 5G ప్లాన్ రూ.299కి పెరిగింది. ధర పరంగా వోడాఫోన్ ఐడియా ఇతర టెల్కోలను అధిగమించింది. అన్‌లిమిటెడ్ 5G డేటా, కాలింగ్, రోజుకు 1GB 4G డేటా, రోజుకు 100 SMS, 28 రోజుల వ్యాలిడిటీతో వస్తుంది.
