భారత్ నుంచి స్మార్ట్ఫోన్లు, ల్యాప్‌టాప్‌ల ఎగుమతులపై ట్రంప్ టారిఫ్‌ల ప్రభావం ఇప్పట్లో ఉండదు.. ఎందుకంటే?
ఈ గడువుకు ముందు మినహాయింపుల కొనసాగింపుపై లేదా ఉపసంహరణపై నిర్ణయం తీసుకునేందుకు వాషింగ్టన్‌లో అధికారులు సమీక్షా సమావేశం నిర్వహించనున్నారు. ఈ సమీక్ష అమెరికా ట్రేడ్ ఎక్స్‌పాంషన్ చట్టం సెక్షన్ 232 కింద జరుగుతుంది.
- Published By: 10TV Digital Team ,Published On : July 31, 2025 / 09:08 PM IST
అమెరికా అధ్యక్షుడు డొనాల్డ్ ట్రంప్ 25 శాతం టారిఫ్ ప్రకటించినప్పటికీ దాని ప్రభావం భారత్ నుంచి అమెరికాకు ఎగుమతయ్యే స్మార్ట్ఫోన్లు, ల్యాప్‌టాప్‌లు, టాబ్లెట్‌లపై ప్రస్తుతం పడదని సంబంధిత వర్గాలు తెలిపాయి.
ఈ ఎలక్ట్రానిక్స్ విభాగాల్లో అదనపు టారిఫ్‌లు విధించకుండా అమెరికా 90 రోజుల మినహాయింపు ఇవ్వగా, అధిక టారిఫ్‌ల భారం లేకుండా భారత్ వస్తువులను ఎగుమతి చేసింది. ఈ మినహాయింపులు ఈ సంవత్సరం ప్రారంభంలో ప్రారంభమై, ఆగస్టు 14తో ముగియనున్నాయి.
Also Read: కాళేశ్వరం కమిషన్ రిపోర్ట్‌లో ఏముందోనని బీఆర్ఎస్‌లో కలవరం.. ఏం జరుగుతోంది?
ఈ గడువుకు ముందు మినహాయింపుల కొనసాగింపుపై లేదా ఉపసంహరణపై నిర్ణయం తీసుకునేందుకు వాషింగ్టన్‌లో అధికారులు సమీక్షా సమావేశం నిర్వహించనున్నారు. ఈ సమీక్ష అమెరికా ట్రేడ్ ఎక్స్‌పాంషన్ చట్టం సెక్షన్ 232 కింద జరుగుతుంది.
బుధవారం ట్రంప్ ప్రకటించిన టారిఫ్‌ల ప్రకారం.. భారతదేశంపై కనీసం 25 శాతం టారిఫ్ ఆగస్టు 1 నుంచి అమలులోకి వస్తుంది. ఉక్రెయిన్‌లో యుద్ధం నేపథ్యంలో రష్యాను ఒంటరిని చేయాలన్న ప్రపంచ ఒత్తిళ్లను భారత్ నిర్లక్ష్యం చేసిందని.. రష్యా ఎనర్జీ, మిలిటరీ పరికరాల దిగుమతిని కొనసాగించిందని ట్రంప్ విమర్శించారు.
“దీంతో భారత్ ఆగస్టు 1 నుంచి 25 శాతం టారిఫ్, పైగా దీనిపై పెనాల్టీని చెల్లించాల్సి ఉంటుంది” అని ట్రంప్ పేర్కొన్నారు. అదే సమయంలో రెండు దేశాల మధ్య చర్చలు కొనసాగుతున్నాయని కూడా తెలియజేశారు.
