Amberpet SI Gun Missing : అంబర్‌పేట్ ఎస్ఐ గన్ మిస్సింగ్.. సస్పెండ్.. విచారణ షురూ..
Telangana : హైదరాబాద్ అంబర్‌పేట్ ఎస్ఐ తుపాకీ మిస్ అయింది. ఎస్ఐ భానుప్రకాశ్ గన్‌ను తాకట్టు పెట్టినట్లు అనుమానాలు వ్యక్తమవుతున్నాయి.
- Published By: 10TV Digital Team ,Published On : November 26, 2025 / 08:38 AM IST
Amberpet SI Gun Missing
Amberpet SI Gun Missing : హైదరాబాద్ అంబర్‌పేట్ ఎస్ఐ తుపాకీ మిస్ అయింది. ఎస్ఐ భానుప్రకాశ్ గన్‌ను తాకట్టు పెట్టినట్లు అనుమానాలు వ్యక్తమవుతున్నాయి. భానుప్రకాశ్ తాకట్టుపెట్టిన గన్‌ను ఉన్నతాధికారులు రికవరీ చేశారు. చోరీ కేసులో రికవరీ సోమ్ముకూడా వాడుకున్నట్లు, బంగారంను తాకట్టు పెట్టినట్లు భానుప్రకాశ్ పై ఆరోపణలు ఉన్నాయి. దీంతో ఎస్ఐను సస్పెండ్ చేశారు. భానుప్రకాశ్‌పై అంబర్‌పేట్ పోలీస్ స్టేషన్ లో కేసు నమోదు చేశారు. ప్రస్తుతం ఆయన్ను టాస్క్‌ఫోర్స్ పోలీసులు అదుపులోకి తీసుకొని విచారిస్తున్నారు.
అంబర్ పేట్ ఎస్ఐ భానుప్రకాశ్ తన గన్‌ను తాకట్టు పెట్టినట్లు తెలిసింది. గత కొద్దిరోజుల క్రితం ఈ ఘటన చోటు చేసుకోగా.. ఉన్నతాధికారులు అంతర్గతంగా విచారణ జరపడంతో పలు కొత్త విషయాలు వెలుగులోకి వచ్చాయి. భాను ప్రకాశ్ ఓ కేసుకు సంబంధించి రికవరీ చేసిన సుమారు ఐదు తులాల బంగారాన్ని సొంతంగా వాడుకున్నట్లు తెలిసింది. దీంతోపాటు అతనికి సంబంధించిన సర్వీస్ రివాల్వర్ కూడా మిస్ అయినట్లుగా గుర్తించారు. ఆ రివాల్వర్ ను ఉన్నతాధికారులు గుర్తించారు. అయితే, అతను ఆర్థిక ఇబ్బందులతో సర్వీస్ రివాల్వర్ నుసైతం తాకట్టు పెట్టినట్లు భావిస్తున్నారు.
సర్వీస్ రివాల్వర్ మిస్సింగ్, తాకట్టు పెట్టిన బంగారంపై సంబంధించి అధికారులు పలుమార్లు ఎస్ఐను ప్రశ్నించినప్పటికీ సరియైన సమాధానం చెప్పలేదు. దీంతో అతన్ని విధుల నుంచి సస్పెండ్ చేశారు. అంబర్ పేట్ పోలీసులు భానుప్రకాశ్ పై కేసు నమోదుచేశారు. ప్రస్తుతం ట్రాస్క్‌ఫోర్స్ పోలీసులు భాను ప్రకాశ్ ను అదుపులోకి తీసుకొని విచారిస్తున్నారు.
