Hyderabad Drug Case : హైదరాబాద్ డ్రగ్స్ కేసు.. నిందితుల రిమాండ్ రిపోర్టులో కీలక అంశాలు
సినీ పరిశ్రమకు చెందిన పలువురి పేర్లు ఉన్నాయి. గతంలో వినిపించిన వారి పేర్లను పోలీసులు ప్రస్తావించారు. బెంగళూరు నుంచి డ్రగ్స్ తీసుకొచ్చి విక్రయిస్తున్నారని బాలాజీ, వెంకట్ పై అభియోగాలు ఉన్నాయి.
- Published By: 10TV Digital Team ,Published On : September 1, 2023 / 07:22 PM IST
Hyderabad Drug Case
Hyderabad Drug Case – Remand Report : హైదరాబాద్ మాదాపూర్ డ్రగ్స్ కేసు నిందితుల రిమాండ్ రిపోర్టులో కీలక అంశాలు వెల్లడయ్యాయి. నిందితులు బాలాజీ, వెంకటరత్నారెడ్డి, మురళిలు అరెస్టు చేసి, రిమాండ్ కు తరలించిన విషయం తెలిసిందే. మరో నలుగురు డ్రగ్స్ పెడ్లర్స్ పరారీలో ఉన్నారు. విశాఖకు చెందిన రామ్ సహా ముగ్గురు నైజీరియన్లు పరారయ్యారు. రిమాండ్ రిపోర్టులో 18 మంది డ్రగ్స్ వినియోగదారులు ఉన్నారు.
సినీ పరిశ్రమకు చెందిన పలువురి పేర్లు ఉన్నాయి. గతంలో వినిపించిన వారి పేర్లను పోలీసులు ప్రస్తావించారు. బెంగళూరు నుంచి డ్రగ్స్ తీసుకొచ్చి విక్రయిస్తున్నారని బాలాజీ, వెంకట్ పై అభియోగాలు ఉన్నాయి. నిర్మాత వెంకటేష్ కు గతంలో నేర చరిత్ర ఉందని పోలీసులు తెలిపారు. వెంకట్ పై 20కి పైగా కేసులు ఉన్నాయని పేర్కొన్నారు.
Tollywood Drugs: టాలీవుడ్‌లో మళ్లీ డ్రగ్స్ కలకలం.. పోలీసుల అదుపులో పలువురు సినీ ప్రముఖులు!
రిమాండ్ రిపోర్టులో రామ్ చంద్, కలహర్ రెడ్డి, సుశాంత్ రెడ్డి, రవి ఉప్పలపాటి, శ్వేత, కార్తీక్, రామ్ కుమార్, సూర్య, ఇంద్రతేజ, హిటాచి, నర్సింగ్, అజీమ్, అహ్మద్ పేర్లు నమోదు చేశారు. మొత్తం 24 మందిని పోలీసులు నిందితుల జాబితాలో చేర్చారు. గురువారం మాదాపూర్ డ్రగ్స్ కేసులో ముగ్గురు నిందితులను పోలీసులు అరెస్ట్ చేసి, రిమాండ్ కు తరలించారు.
నిందితుల నుండి 2.8 గ్రాముల కోకైన్, 6 ఎల్ ఎస్ డి బోల్ట్, 25 ఎస్టాకి పిల్స్, 72,000 నగదు, ఐదు సెల్ ఫోన్లు, రెండు కార్లు స్వాధీనం చేసుకున్నారు. ఈ మేరకు ముగ్గురు నిందితుల అరెస్టును తెలంగాణ స్టేట్ నార్కోటిక్ పోలీసులు ధ్రువీకరించారు. డ్రగ్స్ కేసులో బాలాజీ, వెంకటరత్నారెడ్డి, మురళి అరెస్ట్ చేసి రిమాండ్ కు తరలించినట్లు తెలిపారు. హెచ్ న్యూ అధికారులు ఆధారాలను సేకరిస్తున్నారు.
Drug Case : డ్రగ్స్ కేసులో ముగ్గురు నిందితులు అరెస్ట్, రిమాండ్ కు తరలింపు
గతంలో నిందితుడు బాలాజీ నేవీలో ఉద్యోగం చేశారు. బాలాజీ తరచూ ఫ్రేష్ లివింగ్ అపార్ట్మెంట్ లో పార్టీలు నిర్వహించారు. హైదరాబాద్, బెంగళూరులో ఉన్న డ్రగ్ పెడ్లర్లతో బాలాజీకి సంబంధాలు ఉన్నాయి. అలాగే నైజీరియన్లతో బాలాజీకి నేరుగా సంబంధాలు ఉన్నాయి. బాలాజీ బెంగళూరు నుండి హైదరాబాద్ కు డ్రగ్స్ ను తీసుకువచ్చి విక్రయిస్తున్నారు.
సినీ పరిశ్రమలో పలువురు కీలక వ్యక్తులకు బాలాజీ డ్రగ్స్ సరఫరా చేశారు. నలుగురు వ్యక్తుల నుండి తరచూ డ్రగ్స్ కొనుగోలు చేశాడు. సినీ ఫైనాన్షియర్ వెంకట్ కు డ్రగ్స్ అలవాటు ఉంది. వెంకట్, బాలాజీ తరచూ డ్రగ్ పార్టీలు నిర్వహిస్తున్నారు. డ్రగ్ పార్టీలో అమ్మాయిలను సైతం వెంకట్ సప్లై చేశాడు.
గుడిమల్కాపూర్ పీఎస్ లో బాలాజీని పోలీసులు అరెస్టు చేశారు.
Drugs Case : మాదాపూర్ డ్రగ్స్ పార్టీ పై విచారణ వేగవంతం చేసిన పోలీసులు..
బాలాజీ ఇచ్చిన సమాచారం ద్వారా మాదాపూర్ అపార్ట్ మెంట్ పై పోలీసులు దాడులు చేశారు. నలుగురు డ్రగ్ సప్లయర్లతోపాటు, ముగ్గురు నైజీరియన్లతోపాటు మరో 18 కన్జ్యూమర్ల పాత్ర ఉన్నట్టు గుర్తించారు. ఇద్దరూ అమ్మాయిల్ని పోలీసులు అదుపులోకి తీసుకున్నారు. సినిమాల్లో అవకాశం కల్పిస్తామన్న పేరుతో వెంకట్ ఢిల్లీ నుండి ఇక్కడికి యువతులను రప్పించినట్లు పేర్కొన్నారు.
హైదరాబాద్ మాదాపూర్ పరిధిలోని అపార్ట్ మెంట్ లో రేవ్ పార్టీని నార్కోటిక్స్ బ్యూరో అధికారులు భగ్నం చేశారు. రేవ్ పార్టీ నిర్వహిస్తున్నారన్న సమాచారం అందుకున్న అధికారులు దాడులు చేశారు. ఈ దాడుల్లో రేవ్ పార్టీలో పాల్గొన్న వారి నుంచి భారీగా డ్రగ్స్ ను స్వాధీనం చేసుకున్నారు.
రేవ్ పార్టీలో పాల్గొన్న పలువురిని అధికారులు అరెస్టు చేశారు. వీరిలో సినీ నిర్మాత వెంకట్ తోపాటు పలువురు సినీ పరిశ్రమకు చెందిన ప్రముఖులు, పలువురు యువతులు ఉన్నట్లు తెలుస్తోంది. అరెస్టు చేసిన వారిని నార్కోటిక్స్ బ్యూరో అధికారులు మాదాపూర్ పోలీసులకు అప్పగించారు.
