Medico Student Preeti : సైఫ్ వేధింపులపై ఫోన్ లో తల్లితో చెప్పి బాధపడిన ప్రీతి
మెడికో విద్యార్థి ప్రీతి ఆరోగ్య పరిస్థితి అత్యంత విషమంగా ఉంది. ప్రీతి ఆత్మహత్యాయత్నానికి ముందు సైఫ్ వేధింపులపై ఫోన్ లో తల్లితో చెప్పి బాధపడ్డారు. సైఫ్ తనతోపాటు జూనియర్స్ ను వేధిస్తున్నాడని ప్రీతి తన తల్లికి చెప్పి ఆవేదన వ్యక్తం చేశారు.
- Published By: 10TV Digital Team ,Published On : February 26, 2023 / 02:16 PM IST
preeti phone
Medico Student Preeti : మెడికో విద్యార్థి ప్రీతి ఆరోగ్య పరిస్థితి అత్యంత విషమంగా ఉంది. ప్రీతి ఆత్మహత్యాయత్నానికి ముందు సైఫ్ వేధింపులపై ఫోన్ లో తల్లితో చెప్పి బాధపడ్డారు. సైఫ్ తనతోపాటు జూనియర్స్ ను వేధిస్తున్నాడని ప్రీతి తన తల్లికి చెప్పి ఆవేదన వ్యక్తం చేశారు. సైఫ్ వేధింపులు రోజు రోజుకూ ఎక్కువై పోతున్నాయని చెప్పారు. ఏం భయపడవద్దంటూ తల్లి శారద ప్రీతికి చెప్పింది. హెచ్ వోడీకి ఫిర్యాదు చేయాలని.. ఫిర్యాదు చేస్తే సైఫ్ ను సస్పెండ్ చేస్తారని కూతురు ప్రీతికి తల్లి శారద చెప్పినట్లు తెలుస్తోంది. టెన్షన్ పడకంటూ అని ప్రీతికి తల్లి శారద ధైర్యం చెప్పే ప్రయత్నం చేశారు. ఫిర్యాదు చేస్తే సైఫ్ ను సస్పెండ్ చేస్తారని తల్లి శారద చెప్పారు. ఏ మాత్రం భయపడవద్దంటూ తల్లి కూతురు ప్రీతికి సూచించారు.
మెడికో విద్యార్థి ప్రీతి ఆరోగ్యం రోజు రోజుకూ మరింత క్షీణిస్తోంది. ఇప్పటివరకు ఆమె ఆరోగ్యం అత్యంత విషమంగానే ఉందని నిమ్స్ వైద్యులు అంటున్నారు. ఎక్మోపై చికిత్స అందిస్తూ వెంటిలేటర్ పై కృత్రిమ శ్వాస అందిస్తున్నారు. కిడ్నీలు ఫెయిలవ్వడంతో డియాలసిస్ పై కిడ్నీ ఫంక్షనింగ్ కొనసాగిస్తున్నారు. మెడికల్ ప్రోటోకాల్ ప్రకారం ప్రీతికి చికిత్స అందిస్తున్నట్లు నిమ్స్ ఆస్పత్రి వైద్యులు ప్రకటించారు. ప్రముఖులు ఎందరో ప్రీతిని పరామర్శించి ఆమె పేరెంట్స్ కు భరోసా కల్పించే ప్రయత్నం చేశారు.
Medico Preethi : మెడికో ప్రీతి హెల్త్ బులెటిన్ విడుదల.. నిమ్స్ డాక్టర్లు ఏం చెప్పారంటే
నిమ్స్ ఆస్పత్రి స్పెషలిస్ట్ డాక్టర్లు, మల్టీ డిసిప్లినరీ బృందం ఆమెకు మెరుగైన వైద్యం అందిస్తున్నారు. మెడికో ప్రీతి ఆరోగ్య పరిస్థితి ఇంకా విషమంగానే ఉంది. ప్రీతిని కాపాడేందుకు నిమ్స్ వైద్యులు శత విధాలు ప్రయత్నిస్తున్నారు. ప్రస్తుతం ఎక్మో సపోర్టుతో వెంటిలేటర్ పై చికిత్స అందిస్తున్నట్లు నిమ్స్ వైద్య బృందం హెల్త్ బులిటెన్ ను విడుదల చేసింది. మల్టీ ఆర్గాన్ ఫెయిల్యూర్ పరిస్థితిలో ఉన్న ప్రీతిని నిమ్స్ కు తీసుకొచ్చారని వైద్యులు చెప్పారు. 72 గంటలు గడిస్తే కానీ క్లారిటీ రాదని వైద్యులు చెబుతున్నారు.
ప్రీతి గుండె ఇప్పటివరకు ఆరు సార్లు ఆగిపోయింది. ఎంజీఎంలో ఒకసారి గుండె ఆగిపోగా, నిమ్స్ లో చేరినప్పటి నుంచి ఇప్పటివరకు ఐదుసార్లు గుండె ఆగిపోయింది. వైద్యులు వెంటనే అలర్టై సీపీఆర్ చేయడంతో పెద్ద గండం తప్పింది. గత ఐదు రోజులుగా ఆర్సీయూ, వెంటిలేటర్, ఎక్మో యంత్రం సాయంతో ప్రత్యేక వైద్య బృందం చికిత్స చేస్తోంది. పీజీ వైద్య విద్యార్థిని ప్రీతికి స్పెషలిస్టు డాక్టర్లు, మల్టీ డిసిప్లినరీ టీమ్ పర్యవేక్షణలో చికిత్స జరుగుతోంది. ప్రస్తుతం ఎక్మో, వెంటిలేటర్ పై ట్రీట్ మెంట్ కొనసాగుతోంది.
మరోవైపు ప్రీతి కిడ్నీలు పూర్తిగా చెడిపోవడంతో డయాలసిస్ కొనసాగుతోంది. మెడికల్ నిబంధనల ప్రకారం.. ఎవరైనా పేషెంట్ కు ఎక్మోపై వైద్యం అందిస్తే కనీసం 72 గంటల వరకు ట్రీట్ మెంట్ అందిచాల్సివుంటుంది. అప్పటికీ బాడీ రెస్పాండ్ అవ్వకపోతే పేరెంట్స్ ను పిలిచి కౌన్సిలింగ్ ఇచ్చి డిక్లరేషన్ ఇచ్చే అవకాశం ఉంది. ప్రీతి వైటల్స్ మొత్తం పడిపోయాయి. బీపీ కూడా మెయింటెన్ అవ్వడం లేదని వైద్యులు హెల్త్ బులిటెన్ రిలీజ్ చేశారు.
