Minister: చదువుకున్న ప్రతి ఒక్కరికి ప్రభుత్వ ఉద్యోగాలు రావు -మంత్రి

తెలంగాణ రాష్ట్రంలో టీఆర్ఎస్ అధికారంలోకి వచ్చిన తర్వాత ఖాళీగా ఉన్న ఎన్నో కొలువులు పూర్తి చేశామని, అయితే, చదువుకున్న ప్రతీ ఒక్కరికీ సర్కారీ కొలువులు ఇవ్వడం మాత్రం సాధ్యం కాదని అభిప్రాయపడ్డారు తెలంగాణ మంత్రి నిరంజన్ రెడ్డి.

Niranjan

Government Jobs: తెలంగాణ రాష్ట్రంలో టీఆర్ఎస్ అధికారంలోకి వచ్చిన తర్వాత ఖాళీగా ఉన్న ఎన్నో కొలువులు పూర్తి చేశామని, అయితే, చదువుకున్న ప్రతీ ఒక్కరికీ సర్కారీ కొలువులు ఇవ్వడం మాత్రం సాధ్యం కాదని అభిప్రాయపడ్డారు తెలంగాణ మంత్రి నిరంజన్ రెడ్డి. నాగర్ కర్నూలులో మాట్లాడిన నిరంజన్ రెడ్డి.. చదువుకున్నోళ్లందరికీ ప్రభుత్వ ఉద్యోగాలు రావని, కొనుగోలు కేంద్రాల వద్ద హమాలీల పని ఉపాధి కాదా? అని ప్రశ్నించారు. తెలంగాణలో హమాలీ(మూటలు మోయడం) పనికంటే మించిన ఉపాధి ఏముందని అన్నారు.

కామన్ సెన్స్ లేకుండా.. కొంతమంది కొలువులు ఇవ్వట్లేదంటూ విమర్శలు చేస్తున్నారని, పక్కరాష్ట్రంలో ఉండేవారు.. అక్కడ అసలు ఉపాధే ఇవ్వకున్నా.. ఇక్కడకు వచ్చి కొట్లాడుతాం అంటున్నారు అంటూ పరోక్షంగా కామెంట్లు చేశారు. అలాగే, కేంద్రంలో కొలువులు భర్తీ చెయ్యని కేంద్రప్రభుత్వం.. రాష్ట్రంలో మాత్రం కొలువులు గురించి కన్నీరు కారుస్తున్నారని అన్నారు. రాజకీయ లబ్ధి కోసం ఆత్మహత్య చేసుకున్న కుటుంబాన్ని పరామర్శించి ముసలి కన్నీరు కార్చి యువతను మరింత రెచ్చగొట్టే వ్యాఖ్యలు కొన్ని రాజకీయ పార్టీలు చేస్తున్నామని విమర్శించారు.

ఇతర రాష్ట్రాల్లో ఉన్న ఉద్యోగాలను తొలగించి ప్రైవేటు పరం చేస్తున్న పార్టీలు సైతం ఇక్కడ ఉద్యోగాల గురించి మాట్లాడటం సిగ్గు చేటన్నారు మంత్రి నిరంజన్‌రెడ్డి.