TSRTC: వరుస సెలవుల నేపథ్యంలో టూర్ ఏదైనా ప్లాన్ చేశారా? అయితే ఆర్టీసీ ఏర్పాటు చేసిన ఈ ప్రత్యేక సదుపాయం మీకోసమే..
హైదరాబాద్ నుంచి చెన్నై, షిర్దీ, విశాఖపట్నం, కాకినాడ, అమలాపురం, తదితర ప్రాంతాలకు ఈ ప్రత్యేక సర్వీసులను సంస్థ నడుపుతోంది. ప్రయాణికులు అధికారిక వెబ్ సైట్ http://tsrtconline.in లో టికెట్లను బుకింగ్ చేసుకోగలరు
- Published By: 10TV Digital Team ,Published On : August 11, 2023 / 10:52 AM IST
TSRTC: రెండవ శనివారం, ఆదివారం, స్వాతంత్ర్యం దినోత్సవం.. ఇలా వరుస సెలవులు రావడంతో సొంత ప్రాంతాలకో, విహార యాత్రకో వెళ్తుంటారు. అయితే అలాంటి వారి కోసం తెలంగాణ రాష్ట్ర రోడ్డు రవాణా సంస్థ ప్రత్యేక బస్సులు ఏర్పాటు చేసినట్లు ఆ సంస్థ ఎండీ వీసీ సజ్జనార్ తెలిపారు. సుదూర ప్రాంతాలైన షిర్దీ, విశాఖపట్నం లాంటి ప్రాంతాలకు శుక్రవారం, శనివారం ఈ సర్వీసులను నడపనున్నారు. ఈ విషయమై సజ్జనర్ తన ట్విటర్ ఖాతా ద్వారా వెల్లడించారు.
‘‘ప్రయాణికులకు శుభవార్త! వరుస సెలవుల నేపథ్యంలో ఈ రోజు (శుక్రవారం), రేపు(శనివారం) సుదూర ప్రాంతాలకు ప్రత్యేక బస్సులను #TSRTC ఏర్పాటు చేసింది. హైదరాబాద్ నుంచి చెన్నై, షిర్దీ, విశాఖపట్నం, కాకినాడ, అమలాపురం, తదితర ప్రాంతాలకు ఈ ప్రత్యేక సర్వీసులను సంస్థ నడుపుతోంది. ప్రయాణికులు అధికారిక వెబ్ సైట్ http://tsrtconline.in లో టికెట్లను బుకింగ్ చేసుకోగలరు. పూర్తి వివరాలకు టీఎస్‌ఆర్టీసీ కాల్‌ సెంటర్‌ నంబర్లు 040-69440000, 040-23450033 సంప్రదించగలరు’’ అని సజ్జనర్ ట్వీట్ చేశారు.
ప్రయాణికులకు శుభవార్త! వరుస సెలవుల నేపథ్యంలో ఈ రోజు, రేపు సుదూర ప్రాంతాలకు ప్రత్యేక బస్సులను #TSRTC ఏర్పాటు చేసింది. హైదరాబాద్ నుంచి చెన్నై, షిర్దీ, విశాఖపట్నం, కాకినాడ, అమలాపురం, తదితర ప్రాంతాలకు ఈ ప్రత్యేక సర్వీసులను సంస్థ నడుపుతోంది. ప్రయాణికులు అధికారిక వెబ్ సైట్…
— VC Sajjanar – MD TSRTC (@tsrtcmdoffice) August 11, 2023
