RTC : ఆర్టీసీ గుడ్న్యూస్, టికెట్ ధరలపై 50 శాతం డిస్కౌంట్ ..
ప్రయాణీకులకు ఆర్టీసి అద్దిరిపోయే శుభవార్త చెప్పింది. టికెట్ ధరపై ఏకంగా 50శాతం డిస్కౌంట్ ప్రకటించింది. దీనికి సంబందించిన మరిన్ని వివరాల కోసం కొన్ని ఫోన్ నంబర్లను వెల్లడించింది.
![RTC : ఆర్టీసీ గుడ్న్యూస్, టికెట్ ధరలపై 50 శాతం డిస్కౌంట్ .. RTC : ఆర్టీసీ గుడ్న్యూస్, టికెట్ ధరలపై 50 శాతం డిస్కౌంట్ ..](https://10tv.in/wp-content/uploads/2023/08/TSRTC-special-discounts-Independence-Day.jpg)
TSRTC special discounts Independence Day
TSRTC special discounts : తెలంగాణ ఆర్టీసీ ప్రయాణికులకు అదిరిపోయే శుభవార్త చెప్పింది. టికెట్ ధరలపై50 శాతం డిస్కౌంట్ ప్రకటించింది. స్వాతంత్ర దినోత్సవం సందర్భంగా ప్రయాణికులకు తెలంగాణ ఆర్టీసీ ప్రత్యేక రాయితీలు ప్రకటించింది. సిటీ బస్సులతో పాటు పల్లె వెలుగు బస్సుల్లో కూడా స్వాతంత్ర్య దినోత్సం సందర్భంగా ఈ రాయితీలు అమలు కానున్నాయి.కాపోతే ప్రయాణీకులు గమనించాల్సిన విషయం ఏమిటంటే..
ఈ రాయితీ ఆగస్టు 15వ తేదీన మాత్రమే అమల్లో ఉంటాయి. పల్లె వెలుగు బస్సుల్లో 60 ఏళ్ళు దారిన స్త్రీ, పురుషులకు (సీనియర్ సిటిజన్స్) 50% రాయితీ అమలు కానుంది. అలా రాయితీ పొందాలంటే వయసు ధ్రువీకరణకు ఆధార్ కార్డు చూపించాల్సి ఉంటుందని స్పష్టం చేసింది. స్వాతంత్ర్య దినోత్సవం రోజున ఈ తగ్గింపు అందుబాటులో ఉంటుందని TSRTC ఒక పత్రికా ప్రకటనలో ప్రయాణికులకు తెలియజేసింది.
అలాగే హైదరాబాదులో 24 గంటల అపరిమిత ప్రయాణానికి సంబంధించి టి-24 టికెట్ ను రూ.75కే ఇవ్వనున్నామని వెల్లడించింది. అలాగే పిల్లలకు టీ-24 టికెట్ ధర 50గా నిర్ణయించింది. రాయితీలను ఉపయోగించుకునే స్వాతంత్ర దినోత్సవాల్లో పాల్గొనాలని ఆర్టీసీ చైర్మన్ బాజిరెడ్డి గోవర్ధన్, ఎండి వీసీ సజ్జనార్ (MD VC Sajjanar) ప్రయాణికులకు విజ్ఞప్తి చేశారు. పూర్తి వివరాలకు ఆర్టీసీ కాల్ సెంటర్ నంబర్లు 040-694400, 040-23450033 లను సంప్రదించాలని సూచించారు.