బాబు, జగన్ కన్నా నేనే బెటర్ : 2 చోట్ల పోటీపై పవన్ లాజిక్

ఎన్నికల్లో రెండు చోట్ల పోటీ అంటే ప్రత్యేకం కింద లెక్క. ఆ ప్రత్యేకం ఏమిటన్న విషయం జనాలకు తెలిసినా...

ఎన్నికల్లో రెండు చోట్ల పోటీ అంటే ప్రత్యేకం కింద లెక్క. ఆ ప్రత్యేకం ఏమిటన్న విషయం జనాలకు తెలిసినా…

విజయవాడ : ఎన్నికల్లో రెండు చోట్ల పోటీ అంటే ప్రత్యేకం కింద లెక్క. ఆ ప్రత్యేకం ఏమిటన్న విషయం జనాలకు తెలిసినా… అలా రెండు చోట్ల పోటీపై ఆయా నేతలు పెద్దగా నోరిప్పిందే లేదు. ఇలా రెండు చోట్ల పోటీ చేసి… రెండు చోట్లా గెలిచి… తర్వాత ఓ సీటుకు రాజీనామా చేసి… మళ్లీ అక్కడ ఉప ఎన్నిక వచ్చేలా చేయడం… ప్రజా ధనాన్ని వృథా చేయడమే. మరి పొలిటికల్‌ అకౌంటబులిటీ అంటూ రాజకీయాల్లోకి వచ్చిన పవన్‌.. రెండుచోట్ల పోటీపై ఏమని సమాధానం ఇచ్చారు..?
Read Also : బ్రాహ్మణి స్టీల్ ప్లాంట్‌కు శంకుస్థాపన చేస్తా జగన్ హామీ

జనసేనాని పవన్‌ కల్యాణ్‌ భీమవరంతోపాటు గాజువాకలో పోటీ చేస్తున్నారు. గతంలో 2 సీట్లలో పోటీ చేసిన వారు ఎవరన్న విషయానికి వస్తే… కాంగ్రెస్ పార్టీ మాజీ అధ్యక్షురాలు, మాజీ ప్రధాని, ఉక్కు మహిళ ఇందిరా గాంధీ, ఆమె తనయుడు, మరో మాజీ ప్రధాని రాజీవ్ గాంధీ, ఆంధ్రుల ఆరాధ్య నటుడు, టీడీపీ వ్యవస్థాపకుడు నందమూరి తారకరామారావు, కేంద్ర మాజీ మంత్రి, మెగాస్టార్ చిరంజీవి, ప్రధాని నరేంద్ర మోడీ… ఇలా చాలా మంది ఉద్ధండులే ఉన్నారు. వీరిని ఏ ఒక్కరూ కూడా రెండు చోట్ల పోటీ ఎందుకు అన్నదానిపై ప్రశ్నించ లేదు.  

ఇప్పుడు రెండు చోట్ల పోటీ చేస్తున్న జనసేనాని పవన్ కల్యాణ్ అలా కాదు కదా. సినిమాల్లో నుంచి రాజకీయాల్లోకి వచ్చిన పవన్… తానో సామాన్యుడినంటూ చెప్పుకొస్తున్నారు. మరి జనం అడిగే ప్రశ్నలకు బదులు ఇవ్వాలి కదా. అందులో మీడియా అడిగే ప్రతి ప్రశ్నకు సవివరంగానే సమాధానం ఇస్తానంటూ ప్రకటిస్తున్నారు పవన్‌. ఈ క్రమంలోనే రెండు చోట్ల పోటీపై ప్రశ్న పవన్‌కు ఎదురైంది. ముందు పై జాబితాలోని వారి లాగే పవన్ కూడా ఈ ప్రశ్నను స్కిప్ చేస్తూనే వచ్చారు. కానీ.. ఎట్టకేలకు సమాధానం ఇచ్చేశారు. తాను రెండు చోట్ల పోటీ చేయడం వెనుక చాలా కారణాలున్నాయని చెప్పారు. రాష్ట్రంలోని అన్ని ప్రాంతాల్లోనూ పార్టీని బలోపేతం చేయడంలో భాగంగానే తాను రెండు చోట్ల పోటీకి దిగుతున్నట్లుగా పవన్ స్పష్టం చేశారు.

రెండు చోట్లా గెలిస్తే… ఓ స్థానానికి ఉపఎన్నిక ద్వారా ప్రజా ధనం వృథానే కదా అన్న ప్రశ్నకు కూడా పవన్ తనదైన శైలి ఆన్సరిచ్చారు. ప్రస్తుతం సీఎం హోదాలో ఉన్న చంద్రబాబు పుష్కరాల కోసం చేస్తున్న వృథా.. విపక్ష నేతగా ఉన్న జగన్ తన తండ్రి అధికారాన్ని అడ్డం పెట్టుకుని సంపాదించిన దానితో పోలిస్తే… తాను పోటీ చేసే స్థానానికి జరిగే ఉప ఎన్నికకు అయ్యే ఖర్చెంత అంటూ ఆయన లాజికల్ సమాధానం ఇచ్చారు. మరి ఈ సమాధానం ఎంతమందిని సంతృప్తి పరుస్తుందో చూడాలి.
Read Also : అవినీతి కోట తలుపులు బద్దలు కొడతా : పవన్