Amit Shah and Prabhas: రాజమౌళి, ప్రభాస్తో భేటీకానున్న కేంద్ర హోంమంత్రి అమిత్ షా?
తెలంగాణ పర్యటనలో భాగంగా రేపు రాత్రికే హైదరాబాద్కి అమిత్ షా చేరుకోనున్నారు. వాస్తవానికి ఖమ్మంలో 15వ తేదీన భారతీయ జనతా పార్టీ ఆధ్వర్యంలో నిర్వహిస్తున్న కార్యక్రమానికి అమిత్ షా ముఖ్య అతిథిగా హాజరుకానున్నారు. సమావేశానికి ఒకరోజు ముందే రాష్ట్రానికి అమిత్ షా వస్తున్నారు
![Amit Shah and Prabhas: రాజమౌళి, ప్రభాస్తో భేటీకానున్న కేంద్ర హోంమంత్రి అమిత్ షా? Amit Shah and Prabhas: రాజమౌళి, ప్రభాస్తో భేటీకానున్న కేంద్ర హోంమంత్రి అమిత్ షా?](https://10tv.in/wp-content/uploads/2023/06/Untitled-1-88.jpg)
Telangana Tour: ప్రముఖ సినీ దర్శకుడు రాజమౌళి, పాన్ ఇండియా స్టార్ ప్రభాస్తో కేంద్ర హోంమంత్రి అమిత్ షా భేటీ కానున్నట్లు వార్తలు వినిపిస్తున్నాయి. తెలంగాణ పర్యటనలో భాగంగా నాలుగు రంగాలకు చెందిన ప్రముఖులతో అమిత్ షా సమావేశం కానున్నట్లు భారతీయ జనతా పార్టీ వర్గాలు చెబుతున్నాయి. సినీ, రాజకీయ, మీడియా, క్రీడా ఈ నాలుగు రంగాలకు చెందిన ప్రముఖులతో అమిత్ షా భేటీ అయి వివిధ అంశాలపై చర్చించనున్నారు. ఇందులో భాగంగా రాజమౌళీ, ప్రభాస్తో అమిత్ షా భేటీ అయ్యే అవకాశం ఉందని అంటున్నారు.
Bihar Politics: నితీశ్-తేజశ్వీలకు ఝలక్.. మంత్రి పదవికి రాజీనామా చేసిన సంతోష్ కుమార్
ఇక తెలంగాణ పర్యటనలో భాగంగా నలుగురు ప్రభావవంతమైన వ్యక్తులను అమిత్ షా కలవనున్నారు. వివిధ రాష్ట్రాల్లో పర్యటించినప్పుడు సమాజంలో వివిధ వర్గాలకు చెందిన ప్రముఖులను అమిత్ షా కలుసున్నారు. గతంలో హైదరాబాద్ పర్యటనకు వచ్చిన అమిత్ షా.. తన పర్యటనల్లో భాగంగా జూనియర్ ఎన్టీఆర్, నితిన్, మిథాలీ రాజ్ సహా తదితరులను కలిశారు. దీంతో ఆదిపురుష్ హీరో ప్రభాస్, అమిత్ షా భేటీపై ఊహాగానాలు వస్తున్నాయి.
Adipurush : తెలుగు తెర పై శ్రీరాముడిగా కనిపించిన నటులు.. వెండితెరపై మొదటి రాముడు ఎవరో తెలుసా?
ఇదిలా ఉంటే.. తెలంగాణ పర్యటనలో భాగంగా రేపు రాత్రికే హైదరాబాద్కి అమిత్ షా చేరుకోనున్నారు. వాస్తవానికి ఖమ్మంలో 15వ తేదీన భారతీయ జనతా పార్టీ ఆధ్వర్యంలో నిర్వహిస్తున్న కార్యక్రమానికి అమిత్ షా ముఖ్య అతిథిగా హాజరుకానున్నారు. సమావేశానికి ఒకరోజు ముందే రాష్ట్రానికి అమిత్ షా వస్తున్నారు. రాష్ట్ర బీజేపీలో జరుగుతున్న తాజా పరిణామాల నేపథ్యంలో అమిత్ షా పర్యటనపై ఆసక్తి నెలకొంది. రాష్ట్ర అధ్యక్షుడి మార్పు సహా ప్రచార కమిటీ చైర్మన్గా ఈటెలకు బాధ్యతలు మరిన్ని మార్పులంటూ కొద్ది రోజులుగా తెలంగాణ బీజేపీపై వార్తలు వస్తున్నాయి.