Baby Movie : ‘బేబీ’ సినిమా రెండు భాషల్లోకి రీమేక్.. వాలెంటైన్ డేకి స్పెషల్ అప్డేట్..

బేబీ సినిమా భారీ విజయం సాధించడంతో ఈ సినిమాని బాలీవుడ్ లో రీమేక్ చేస్తారని గతంలోనే ప్రకటించారు. తాజాగా నిర్మాత SKN బేబీ సినిమా గురించి మాట్లాడుతూ..

Baby Movie Remake Update : ఆనంద్ దేవరకొండ, విరాజ్ అశ్విన్, వైష్ణవి చైతన్య మెయిన్ లీడ్స్ లో సాయి రాజేష్ దర్శకత్వంలో నిర్మాత SKN నిర్మాణంలో తెరకెక్కిన బేబీ సినిమా ఎంత భారీ విజయం సాధించిందో అందరికి తెలిసిందే. గత సంవత్సరం జులైలో రిలీజయిన ఈ సినిమా థియేటర్స్ లో అదరగొట్టేసింది. కేవలం 10 కోట్లతో తెరకెక్కిన ఈ చిన్న సినిమా ఏకంగా 100 కోట్ల గ్రాస్ కలెక్ట్ చేసి అందర్నీ ఆశ్చర్యపరిచింది.

లవర్స్, యూత్ అంతా బేబీ సినిమాకు బాగా కనెక్ట్ అయ్యారు. దీంతో బేబీ సినిమా పెద్ద హిట్ అయింది. ఇక్కడ బేబీ సినిమా భారీ విజయం సాధించడంతో ఈ సినిమాని బాలీవుడ్ లో రీమేక్ చేస్తారని గతంలోనే ప్రకటించారు. తాజాగా నిర్మాత SKN ట్రూ లవర్ అనే సినిమా ట్రైలర్ లాంచ్ ఈవెంట్లో సినిమా గురించి మాట్లాడిన అనంతరం బేబీ సినిమా గురించి మాట్లాడారు.

Also Read : Raviteja Rap Song : రవితేజపై ర్యాప్ సాంగ్ విన్నారా? మాస్ మహారాజపై వైజాగ్ కుర్రోడు ర్యాప్ పాట..

నిర్మాత SKN బేబీ సినిమా గురించి మాట్లాడుతూ.. బేబీ సినిమా బాలీవుడ్ తో పాటు తమిళ్ లో కూడా రీమేక్ చేయబోతున్నాం. బాలీవుడ్ బేబీ రీమేక్ అప్డేట్ ఈ వాలెంటైన్స్ డేకి ఇస్తాం అని తెలిపారు. దీంతో బాలీవుడ్ లో ఈ సినిమా ఎవరు చేయబోతున్నారో అని ఎదురు చూస్తున్నారు. మరి ఇక్కడ భారీ హిట్ కొట్టిన బేబీ హిందీ, తమిళ్ లో ఏ రేంజ్ లో మెప్పిస్తుందో చూడాలి.