Wedding: వరుడుని కాదని వేరే వ్యక్తిని పెళ్లిచేసుకున్న వధువు.. ఎందుకో తెలిస్తే అవాక్కవుతారు..
మహారాష్ట్రలో ఆసక్తికర ఘటన చోటు చేసుకుంది. పెళ్లి చేసుకోవాల్సిన వరుడిని కాదని వధువు వేరే వ్యక్తిని వివాహమాడింది. స్థానికంగా ఈ వార్త సంచలనంగా మారింది. అసలు వధువు ఎందుకు వరుడును కాదని వేరే వ్యక్తిని పెళ్లి చేసుకుందా అని ఆరా..
Wedding: మహారాష్ట్రలో ఆసక్తికర ఘటన చోటు చేసుకుంది. పెళ్లి చేసుకోవాల్సిన వరుడిని కాదని వధువు వేరే వ్యక్తిని వివాహమాడింది. స్థానికంగా ఈ వార్త సంచలనంగా మారింది. అసలు వధువు ఎందుకు వరుడును కాదని వేరే వ్యక్తిని పెళ్లి చేసుకుందా అని ఆరా తీయగా.. అసలు విషయం తెలిసి అవాక్కయ్యారు. మహారాష్ట్రలోని బుల్దానా జిల్లా మల్కాపూర్ ప్రాంగా గ్రామంలో ఈనెల 22న వివాహం నిశ్చమైంది. సాయంత్రం 4గంటలకు పెళ్లి వేడుకకు ముహూర్తం పెట్టారు. అనుకున్న విధంగా పెళ్లికి ఓ గంట ముందుగానే వధువు, కుటుంబ సభ్యులు, బంధువులు చేరుకున్నారు. ముహూర్తం సమయం ముంచుకొస్తున్నా వరుడు మాత్రం పెళ్లి మండపం వద్దకు రాలేదు.
ముహూర్తం సమయం దాటిపోయిన వరుడు మాత్రం పెళ్లి మండపం వద్దకు రాకపోవటంతో వధువు బంధువులు తీవ్ర ఆగ్రహం వ్యక్తం చేశారు. వధువు తండ్రి పెళ్లికి వచ్చిన బంధువుల్లోని వ్యక్తితో తన కుమార్తె వివాహం జరిపించాడు. తీరా సాయంత్రం 8గంటల సమయానికి పెళ్లి మండపానికి చేరుకున్న వరుడు, అతని బంధువులు విషయం తెలిసి ఘర్షణకు దిగారు. దీంతో వధువు కుటుంబ సభ్యులు వరుడు బంధువులపై తీవ్ర ఆగ్రహం వ్యక్తం చేశారు. సాయంత్రం 4గంటలకు పెళ్లి ముహూర్తం అయితే రాత్రి 8గంటలకు వస్తే ఎలా అంటూ నిలదీశారు.
వరుడు, అతని స్నేహితులు మద్యం తాగి, సాయంత్రం 4గంటలకు బదులుగా రాత్రి 8 గంటలకు మండపం వద్దకు వచ్చి గొడవకు దిగారని, మేము మా బంధువులలో ఒకరితో నా కుమార్తెకు వివాహం చేశామని తెలిపినట్లు వధువు తల్లి చెప్పారు. వధువు తండ్రి మాట్లాడుతూ.. పెళ్లి వేడుక ఏప్రిల్ 22న జరగాల్సి ఉండగా, వరుడి తరపు వారు డ్యాన్స్లో బిజీగా ఉన్నారు. పెళ్లి సమయం సాయంత్రం 4 గంటలకు అయితే రాత్రి 8 గంటలకు వేదిక వద్దకు చేరుకున్నారు. అందుకే నా కూతురికి నా బంధువుల్లో ఒకరితో పెళ్లి చేశానంటూ చెప్పాడు.