FIFA World Cup 2022: రెండు రోజుల్లో ఫిఫా వరల్డ్ కప్ ప్రారంభం.. అక్కడ బీర్ల అమ్మకాలు బంద్
‘ఫిఫా వరల్డ్ కప్-2022’ ఆదివారం నుంచి ఖతార్‌లో ప్రారంభం కానుంది. ఈ నేపథ్యంలో ఖతార్ ప్రభుత్వం ఒక కీలక నిర్ణయం తీసుకుంది. స్టేడియాల పరిసరాల్లో బీర్ల అమ్మకాలపై నిషేధం విధించింది. ఈ టోర్నీ డిసెంబర్ 18 వరకు జరుగుతుంది.
- Published By: 10TV Digital Team ,Published On : November 18, 2022 / 06:55 PM IST
FIFA World Cup 2022: ఫుట్‌బాల్ అభిమానులు ఎదురు చూస్తున్న ‘ఫిఫా వరల్డ్ కప్-2022’ ఆదివారం నుంచి ఖతార్‌లో ప్రారంభం కానున్న సంగతి తెలిసిందే. ఖతార్ ప్రభుత్వం దీనికి సంబంధించిన ఏర్పాట్లను ఇప్పటికే పూర్తి చేసింది. ఈ నేపథ్యంలో తాజాగా కీలక నిర్ణయం తీసుకుంది.
Elon Musk: బైబై మస్క్ అంటున్న ఉద్యోగులు.. రిప్ ట్విట్టర్ అంటున్న యూజర్లు.. ఆందోళన లేదంటున్న మస్క్
మ్యాచ్‌లు జరిగే స్టేడియం పరిసరాల్లో బీర్ల అమ్మకాలపై నిషేధం విధించింది. మొత్తం ఎనిమిది స్టేడియాల్లో మ్యాచ్‌లు జరగనుండగా, వీటన్నింటి పరిసరాల్లో బీర్ల అమ్మకాలపై నిషేధం విధించింది. నిజానికి ఖతార్ ఇస్లామిక్ దేశం. ఇక్కడ ఆల్కహాల్ తాగాడాన్ని ప్రభుత్వం ప్రోత్సహించదు. పరిమితంగా మాత్రమే అనుమతిస్తుంది. ఆతిథ్య దేశమైన ఖతార్, ఫిఫా నిర్వహణ కమిటీతో జరిపిన చర్చల అనంతరమే బీర్ల అమ్మకాలపై నిషేధం విధించాలనే నిర్ణయం తీసుకున్నట్లు ఫిఫా ప్రకటించింది. బీర్లతోపాటు ఇతర ఆల్కహాల్ డ్రింక్స్ కూడా అమ్మడంపై నిషేధం ఉంది. అయితే, ప్రస్తుతం ఈ టోర్నీకి అతిపెద్ద స్పాన్సరర్‌గా ఉంది బీర్ తయారీ సంస్థ ‘బడ్వైజర్’. ఖతార్ దేశంతో ఈ సంస్థ ముందుగానే ఒప్పందం కుదుర్చుకుంది.
Bangladesh: బంగ్లాదేశ్‌లో హిందూ యువతిని ముక్కలుగా నరికిన ప్రియుడు
ఫ్యాన్స్ ఉండే ప్రదేశాలు, స్టేడియాల పరిసరాల్లో బీర్లు అమ్మేందుకు ఒప్పందం కుదుర్చుకుంది. కానీ, తాజాగా అక్కడి అధికారయంత్రాంగం ఉన్నట్లుండి బీర్ల అమ్మకాలపై నిషేధం విధించింది. అలాగే సెల్లింగ్ పాయింట్స్‌ను దూరంగా ఉండే ప్రదేశాలకు తరలించింది. ఈ నిర్ణయంపై ‘బడ్వైజర్’ సంస్థ కోర్టును ఆశ్రయించి న్యాయ పోరాటం చేసే అవకాశం ఉంది. ఈ నిర్ణయం ఖతార్ ప్రభుత్వం, ‘బడ్వైజర్’ సంస్థ మధ్య జరిగిన మిలియన్ డాలర్ల ఒప్పందాన్ని ప్రభావితం చేసే అవకాశం ఉంది. ఈ నెల 20, ఆదివారం ప్రారంభం కానున్న టోర్నీ డిసెంబర్ 18 వరకు జరుగుతుంది.
