Deep Dive Dubai : ప్ర‌పంచంలోనే అత్యంత లోతైన స్విమ్మింగ్ పూల్‌..స్కూబా డైవింగ్ కూడా చేయొచ్చు

అది ప్రపంచంలోనే అత్యంత లోతైన పూల్. ఈ పూల్ లో స్విమ్మింగే కాదు స్కూబా డైవింగ్ కూడా చేయొచ్చు. ఇంత అద్భుతమైన పూల్ ను దుబాయల్ లో నిర్మించారు. అదే డీప్ డైవ్ దుబాయ్. ఈ పూల్ ను దుబాయ్ క్రౌన్ ప్రిన్స్ హెచ్‌హెచ్ షేక్ హ‌మ్‌దాన్ బిన్ మ‌హ్మ‌ద్ బిన్ ర‌షీద్ అల్ మ‌క్తౌమ్ ప్రారంభించారు.

Deep Dive Dubai : దుబాయ్‌. భూతల స్వర్గం. ఆకాశాన్ని తాకే భవనాలను చూస్తే కళ్లు చెదిరిపోతాయి. దుబాయ్ ఏం చేసినా ఓప్రత్యేకత ఉంటుంది. అటువంటిదే మరో అత్యద్భుతమైన పూల్ ను నిర్మించింది. ఈ పూల్ ప్రపంచంలోనే అత్యంత లోతైన స్విమ్మింగ్ పూల్‌. ‘డీప్ డైవ్ దుబాయ్‌’గా పిలుస్తున్న ఈ పూల్‌కు సంబంధించిన ఫొటోలు, వీడియోలు వైర‌ల్‌గా మారాయి. జులై 7న దుబాయ్ క్రౌన్ ప్రిన్స్ హెచ్‌హెచ్ షేక్ హ‌మ్‌దాన్ బిన్ మ‌హ్మ‌ద్ బిన్ ర‌షీద్ అల్ మ‌క్తౌమ్ ఈ స్విమ్మింగ్ పూల్ ప్రారంభించారు. ఆయ‌నే ఓ వీడియోను కూడా ట్విట‌ర్‌లో షేర్ చేశారు.

డీప్ డైవ్ దుబాయ్ విశేషాలు తెలిస్తే వావ్ అనాల్సిందే..
ఈ డీప్‌డైవ్ దుబాయ్ స్విమ్మింగ్ పూల్ విశేషాలు మామూలుగా లేవు. స్విమ్మింగ్ అంటే ఇష్టపడేవారు ఒక్కసారి అయినా ఈ పూల్ లో డైవ్ కొట్టాలని కోరుకుంటారు. ఈ పూల్ లోతు 60 మీట‌ర్లు (196 అడుగులు). ఈ పూల్ ప్ర‌పంచంలోనే అత్యంత లోతైన పూల్‌గా గిన్నిస్ బుక్ గుర్తించింది. దీనికి సంధించిన ప్రెస్ నోట్ దుబాయ్ ప్ర‌భుత్వ అధికారిక వెబ్‌సైట్‌లో ఉంది. ఈ 60 మీట‌ర్ల లోతైన పూల్ లో 1.4 కోట్ల లీట‌ర్ల నీటిని నింప‌ే సత్తా కలిగి ఉంది.

అంతేకాదు ఈ పూల్‌లోప‌ల ఓ న‌గ‌రం కూడా ఉందంటే దాని రేంజ్ ఏంటీ ఊహించుకుంటేనే దాంట్లో ఈత కొట్టలేకపోయినా ఒక్కసారైనా చూసి తీరాలనిపిస్తుంది. మామూలు స్విమ్మింగే కాదు ఏకంగా సముద్రాల్లో చేసినట్లుగా ఈ పూల్ లో స్కూబా డైవింగ్ కూడా చేయొచ్చు. అంత భారీగా ఉంది మరి ఈ ‘డీప్ డైవ్ దుబాయ్’. ఈ పూల్ లో ఓ అపార్ట్‌మెంట్‌, గ్యారేజ్‌, ఆర్కేడ్ ఉన్నాయి. ఫ్రీ డైవింగ్, స్కూబా డైవింగ్ చేయాల‌నుకునే అవి రాకపోతే వారికి సహాయం చేయటానికి ఇక్కడ ఇంట‌ర్నేష‌న‌ల్ డైవింగ్ ప్రొఫెష‌న‌ల్స్ కూడా ఉన్నారు. దటీజ్ దుబాయ్..దటీజ్ ‘డీప్ డైవ్ దుబాయ్’. అని అనకుండా ఉండగలమా?!!

An entire world awaits you at Deep Dive Dubai the world’s deepest pool, with a depth of 60 meters (196 feet) #Dubai pic.twitter.com/GCQwxlW18N

— Hamdan bin Mohammed (@HamdanMohammed) July 7, 2021