ఎన్టీఆర్ జయంతి రోజు బాలయ్య ‘సింహ’ గర్జన..

BB 3: ‘‘ఎన్నాళ్లో వేచిన ఉదయం ఈనాడే ఎదురవుతుంటే’’.. అని ఆనందంతో పాట పాడుకుంటున్నారు బాలయ్య బాబు అభిమానులు.. నటసింహా నందమూరి బాలకృష్ణ, బోయపాటి శ్రీను కలయికలో తెరకెక్కుతున్న హ్యాట్రిక్ ఫిల్మ్.. BB3 వర్కింగ్ టైటిల్).. ఒక షెడ్యూల్ పూర్తి చేసుకున్న ఈ సినిమా షూటింగ్ కరోనా కారణంగా వాయిదా పడింది.. కొద్ది నెలల విరామం తర్వాత ఇటీవలే షూటింగ్ పున:ప్రారంభమైంది.

గత మూడు రోజులుగా వరుస అప్‌డేట్స్‌తో టాలీవుడ్ కళకళలాడిపోయింది. మా బాలయ్య సినిమాకి సంబంధించి ఒక అప్‌డేట్ ఇవ్వండి అంటూ ఫ్యాన్స్ గోల గోల చేశారు. కట్ చేస్తే.. ఆదివారం మధ్యాహ్నం 3:36 గంటలకు BB3 అప్‌డేట్ ఇచ్చారు.

స్వర్గీయ నందమూరి తారక రామారావు గారి జయంతి నాడు మే 28న థియేటర్లలో నటసింహ గర్జన మొదలవుతోంది. పూర్ణ, ప్రగ్యా జైశ్వాల్ కథానాయికలు.. శ్రీకాంత్, సునీల్ శెట్టి విలన్ క్యారెక్టర్స్ చేస్తున్నారు. బాలయ్య పుట్టినరోజు సందర్భంగా రిలీజ్ చేసిన BB 3 First Roar వీడియోకు మంచి రెస్పాన్స్ వచ్చింది. యంగ్ మ్యూజిక్ సెన్సేషన్ థమన్ సంగీతమందిస్తున్నారు.