Coronavirus:ఒమిక్రాన్ కొత్త సబ్ వేరియంట్.. కనుక్కోవడం చాలా కష్టం.. టెస్ట్‌లో నెగెటివ్ రావచ్చు

కొత్త వేరియంట్ ఒమిక్రాన్ సబ్ వేరియంట్ Ba.2 ప్రపంచంలో వేగంగా వ్యాప్తి చెందుతోంది. కేవలం 10 వారాల్లోనే 57 దేశాలకు వ్యాపించిన ఒమిక్రాన్.. సబ్ వేరియంట్ BA.1 కంటే వేగంగా వ్యాపిస్తోంది.

Coronavirus: కొత్త వేరియంట్ ఒమిక్రాన్ సబ్ వేరియంట్ Ba.2 ప్రపంచంలో వేగంగా వ్యాప్తి చెందుతోంది. కేవలం 10 వారాల్లోనే 57 దేశాలకు వ్యాపించిన ఒమిక్రాన్.. సబ్ వేరియంట్ BA.1 కంటే వేగంగా వ్యాపిస్తోంది. అయితే, ఇందులో అతిపెద్ద ప్రమాదం ఏమిటంటే, కరోనా పరీక్షల్లో కూడా వైరస్‌ని సులభంగా కనుక్కోవడం కష్టం అవుతోంది. కరోనా లక్షణాలు కనిపించిన తర్వాత కూడా, సోకినవారికి నెగటివ్ వస్తోంది.

BA.2 సబ్-వేరియంట్‌ని పట్టుకోవడం ఎందుకు కష్టం?

ఓమిక్రాన్ సబ్ వేరియంట్‌గా పేరు పొందిన BA.2, మిగిలిన వేరియంట్‌ల కంటే భిన్నంగా కనిపిస్తోంది. శరీరంలో కరోనావైరస్ ఉనికిని గుర్తించడానికి అవసరమైన ముఖ్యమైన ఉత్పరివర్తనలు దీనిలో లేవు. దీని కారణంగా RT-PCR పరీక్షతో BA.2 స్ట్రెయిన్‌ని పట్టుకోవడం కష్టంగా కనిపిస్తోంది. BA.2 సబ్ వేరియంట్ ఇన్‌ఫెక్షన్ కారణంగా కోవిడ్ లక్షణాలు కనిపిస్తే, పరీక్ష చేయించుకున్న తర్వాత మీ రిపోర్ట్ నెగెటివ్‌గా వచ్చినా జాగ్రత్తగా ఉండాలని సూచిస్తున్నారు నిపుణులు.

వ్యాధి సోకిన తర్వాత రిపోర్టు నెగెటివ్ వస్తే ఏం చేయాలి?
జలుబు, దగ్గు, జ్వరం వంటి ఓమిక్రాన్ తేలికపాటి లక్షణాలు ఉండి రిపోర్ట్ నెగెటివ్‌గా వచ్చినా 24 నుంచి 48 గంటల తర్వాత మళ్లీ పరీక్ష చేయించుకోండి. మొదటి సారి ర్యాపిడ్ యాంటిజెన్ పరీక్ష చేయించుకుని ఉంటే, రెండవసారి RT-PCR పరీక్ష చేయవలసి ఉంటుంది. ఈ పరీక్ష ద్వారా సరైన ఫలితాలు లభిస్తాయి. అదే సమయంలో, లక్షణాలను చూపించిన తర్వాత కూడా రిపోర్ట్ నెగెటివ్‌గా వచ్చినప్పటికీ, క్వారంటైన్‌లో ఉండాల్సిన అవసరం ఉంది.

BA-2 సబ్ వేరియంట్‌ల లక్షణాలు ఏమిటి?
ఒమిక్రాన్ BA.2 సబ్-వేరియంట్‌ల లక్షణాల విషయానికి వస్తే, ముక్కు కారటం, అలసట, తలనొప్పి, నిరంతర దగ్గు, శ్వాస తీసుకోవడంలో ఇబ్బంది, కండరాల నొప్పి, గొంతు నొప్పి, వాంతులు మరియు విరేచనాలు వంటి లక్షణాలు కనిపిస్తున్నాయి.