Nani : హిట్ సినిమాకి ఏడు సీక్వెల్స్ చేయబోతున్నాం.. అందులో నేను కూడా హీరోగా ఒకటి చేస్తానేమో..

కొన్ని హిట్ సినిమాలకి సిరీస్ లాగా, సీక్వెల్ గా వరుస సినిమాలు వస్తూ ఉంటాయి. హాలీవుడ్ లో ఎప్పట్నుంచో ఇది ఉంది. బాలీవుడ్ లోను గతంలో ఇలా కొన్ని సినిమాలు..............

Hit Movie :  నాని హీరోగా, నజ్రియా హీరోయిన్ గా తెరకెక్కించిన సినిమా అంటే సుందరానికి. వివేక్ ఆత్రేయ దర్శకత్వంలో మైత్రి మూవీ మేకర్స్ నిర్మాణంలో తెరకెక్కుతున్న ఈ సినిమా జూన్ 10న థియేటర్స్ లో రిలీజ్ అవ్వబోతుంది. దీంతో సినిమా ప్రమోషన్స్ లో స్పీడ్ పెంచారు. చిత్ర యూనిట్ వరుసగా ఇంటర్వ్యూలు ఇస్తున్నారు. నాని తాజాగా ఇచ్చిన ఓ ఇంటర్వ్యూలో పలు ఆసక్తికర విషయాలని తెలిపాడు.

నాని ఒకపక్కన హీరోగా చేస్తూనే మరో పక్క నిర్మాతగా వాల్ పోస్టర్ సినిమా అనే నిర్మాణ సంస్థని స్థాపించి వరుస సినిమాలు నిర్మిస్తున్నాడు. ఇప్పటికే ఈ సినిమా నుంచి వచ్చిన అ, హిట్ సినిమాలు మంచి విజయం సాధించాయి. త్వరలో హిట్ 2 సినిమా కూడా రాబోతుంది. అయితే ఈ హిట్ సినిమాల గురించి మాట్లాడుతూ ఇది ఒక ఫ్రాంచైజీ అని చెప్పి దాంట్లో వరుసగా సినిమాలు చేస్తా అని తెలపడంతో ప్రేక్షకులు ఆశ్చర్యపోయారు.

Nani : పుష్పకి, బాలీవుడ్‌కి సంబంధమే లేదు.. మన సినిమాని మనం పాన్ ఇండియా సినిమా అనుకోకూడదు..

కొన్ని హిట్ సినిమాలకి సిరీస్ లాగా, సీక్వెల్ గా వరుస సినిమాలు వస్తూ ఉంటాయి. హాలీవుడ్ లో ఎప్పట్నుంచో ఇది ఉంది. బాలీవుడ్ లోను గతంలో ఇలా కొన్ని సినిమాలు చేశారు. ఇటీవల తెలుగులో F2, F3 త్వరలో F4 అంటూ మొదలు పెట్టారు. ఇప్పుడు నాని కూడా హిట్ సినిమాకి సిరీస్ లా తీయబోతున్నాడు. ఇంటర్వ్యూలో నాని తన నిర్మాణ సంస్థ గురించి మాట్లాడుతూ.. ”హిట్‌ 2 సినిమాని వచ్చే నెలలో విడుదల చేయబోతున్నాం. హిట్ ఫ్రాంచైజీలో ఏడు సినిమాలు చేయబోతున్నాం. ఆ ఏడు చిత్రాల్ని కలిపి మరో సినిమా కూడా చేస్తాం. అందులో నేనొక సినిమా చేయొచ్చు. కానీ చేస్తానా లేదా అనేది మాత్రం ఇప్పుడే చెప్పను. అలాగే ‘మీట్‌ క్యూట్‌’ అనే ఓ చిన్న సినిమాని తీశాము. అది త్వరలోనే డైరెక్ట్ ఓటీటీలో విడుదల అవ్వబోతుంది” అని తెలిపారు. దీంతో నాని కూడా గట్టిగానే ప్లాన్ చేస్తున్నాడు అని అభిమానులు, ప్రేక్షకులు అంటున్నారు.