Pawan Kalyan: ‘హరిహర వీరమల్లు’లో పవన్ జాయిన్ అయ్యేది అప్పుడే!
పవర్ స్టార్ పవన్ కళ్యాణ్ ఇటీవల ‘భీమ్లా నాయక్’ సినిమాతో ప్రేక్షకుల ముందుకు వచ్చాడు. ఈ సినిమా బాక్సాఫీస్ వద్ద సూపర్ హిట్ మూవీగా నిలవడంతో, పవన్.....
- Published By: 10TV Digital Team ,Published On : April 6, 2022 / 02:54 PM IST
Pawan Kalyan To Join Hari Hara Veera Mallu Shoot From This Date
Pawan Kalyan: పవర్ స్టార్ పవన్ కళ్యాణ్ ఇటీవల ‘భీమ్లా నాయక్’ సినిమాతో ప్రేక్షకుల ముందుకు వచ్చాడు. ఈ సినిమా బాక్సాఫీస్ వద్ద సూపర్ హిట్ మూవీగా నిలవడంతో, పవన్ ఫ్యాన్స్ ఫుల్ ఖుషీ చేసుకున్నారు. ఇక ఈ సినిమాకంటే ముందే పవన్ తన నెక్ట్స్ చిత్రాలను వరుసగా లైన్‌లో పెడుతూ వచ్చాడు. స్టార్ డైరెక్టర్ క్రిష్ జాగర్లమూడి డైరెక్షన్‌లోనూ పవన్ ఓ సినిమా తెరకెక్కిస్తున్న సంగతి తెలిసిందే. ఈ డైరెక్టర్‌తో పవన్ కళ్యాణ్ ‘హరిహర వీరమల్లు’ అనే పీరియాడికల్ మూవీని తెరకెక్కిస్తున్నాడు.
Hari Hara Veera Mallu: పవన్ రాక మరింత ఆలస్యం.. కారణం ఏంటంటే?
ఇప్పటికే షూటింగ్ పనులు ప్రారంభించిన ఈ సినిమా, కరోనా కారణంగా పలుమార్లు షూటింగ్ వాయిదా వేస్తూ వచ్చింది. కాగా, తాజాగా ఈ సినిమాను పూర్తి చేసేందుకు పవన్ పట్టుబట్టినట్లు తెలుస్తోంది. అంతేగాక ఈ సినిమాను వీలైనంత త్వరగా పూర్తి చేసి రిలీజ్ చేయాలని పవన్ భావిస్తున్నాడట. అందుకే ఈ సినిమా షూటింగ్‌ను వెంటనే ప్రారంభించాలని ఆయన చిత్ర యూనిట్‌కు సూచించాడట. ఈ క్రమంలోనే హైదరాబాద్‌లో వేసిన ఓ ప్రత్యేక సెట్‌లో ఈ సినిమా షూటింగ్ బుధవారం తిరిగి ప్రారంభించారు.
Hari Hara Veera Mallu: హీరోయిన్ ఫిక్స్.. జాక్వెలిన్ స్థానంలో కెన‌డియ‌న్ బ్యూటీ!
కాగా ఈ సినిమా షూటింగ్‌లో పవన్ కూడా ఏప్రిల్ 8న జాయన్ అవుతున్నట్లు తెలుస్తోంది. ఈ సినిమాను రాబిన్‌హుడ్ తరహా చిత్రంగా దర్శకుడు క్రిష్ తెరకెక్కిస్తుండటంతో ఈ చిత్రం ఎలాంటి విజయాన్ని అందుకుంటుందా అని అందరూ ఆసక్తిగా ఎదురుచూస్తున్నారు. ఇక ఈ సినిమాలో పవన్ సరసన అందాల భామ నిధి అగర్వాల్ హీరోయిన్‌గా నటిస్తోంది. మరి ఈ సినిమాను ఎప్పుడు పూర్తి చేస్తారా.. ఎప్పుడు రిలీజ్ చేస్తారా.. అనే అంశాలు తెలియాలంటే మరికొంత కాలం వెయిట్ చేయాల్సిందే.
