Balakrishna: బాలయ్య నామజపం చేస్తున్న రామ్..?
మాస్ చిత్రాల స్పెషలిస్ట్ బోయపాటి శ్రీను ప్రస్తుతం తన నెక్ట్స్ మూవీని యంగ్ అండ్ ఎనర్జిటిక్ హీరో రామ్ పోతినేనితో కలిసి తెరకెక్కించేందుకు రెడీ అయ్యాడు....
- Published By: 10TV Digital Team ,Published On : June 18, 2022 / 09:55 PM IST
Ram To Chant Balakrishna Name In Next Movie
Balakrishna: మాస్ చిత్రాల స్పెషలిస్ట్ బోయపాటి శ్రీను ప్రస్తుతం తన నెక్ట్స్ మూవీని యంగ్ అండ్ ఎనర్జిటిక్ హీరో రామ్ పోతినేనితో కలిసి తెరకెక్కించేందుకు రెడీ అయ్యాడు. ఇటీవల ఈ ప్రాజెక్టును అఫీషియల్ గా కూడా లాంఛ్ చేశారు. తన లాస్ట్ మూవీని నందమూరి బాలకృష్ణతో తెరకెక్కించిన ఈ డైరెక్టర్ బాక్సాఫీస్ వద్ద అదిరిపోయే సక్సెస్ ను అందుకున్నాడు. ఇక ఆ సినిమా ఇచ్చిన జోష్ తో ఇప్పుడు తన నెక్ట్స్ చిత్రాన్ని తెరకెక్కించేందుకు సిద్ధమయ్యాడు. అయితే తన కొత్త సినిమాలోనూ బాలయ్య పేరును విరివిగా వాడేసుకుంటున్నాడట ఈ డైరెక్టర్.
BoyapatiRAPO: తమ సినిమాకు రెమ్యునరేషన్ వదులుకున్న బోయపాటి-రామ్‌లు
ఈ సినిమాలో రామ్ పోతినేని పవర్ ప్యాక్డ్ పాత్రలో మనకు కనిపించబోతున్నట్లు తెలుస్తోంది. అయితే ఆయన ఈ సినిమాల బాలయ్య వీరాభిమానిగా కనిపిస్తాడట. ఈ సినిమా మొత్తం ఆయన ‘‘జై బాలయ్య’’ అనే స్లోగన్ తో అభిమానులకు పూనకాలు తెప్పించేందుకు రెడీ అవుతున్నాడట. కాగా ఈ సినిమాలో రామ్ పోతినేనిని ఇప్పటివరకు ఎవరూ చూపించనంత పవర్ ఫుల్ గా బోయపాటి మనకు చూపిస్తాడట.
ఇక ఇప్పటికే పూజా కార్యక్రమాలు పూర్తి చేసుకున్న ఈ సినిమా, త్వరలోనే రెగ్యులర్ షూటింగ్ కు వెళ్లనుంది. ఈ సినిమాతో మరోసారి అదిరిపోయే హిట్ అందుకునేందుకు రామ్ పోతినేని రెడీ అవుతున్నాడు. ఇక ఈ సినిమాలో హీరోయిన్ గా ఎవరు నటిస్తారా అనేది ఇంకా తెలియాల్సి ఉంది.
