Ration Card: గుడ్ న్యూస్.. రేషన్ కార్డు సమస్యకు వెంటనే పరిష్కారం
రేషన్ కార్డు సంబంధిత సేవలు ఇప్పుడు దేశవ్యాప్తంగా 3.7 లక్షలకు పైగా సాధారణ సేవా కేంద్రాలు(CSC)లో అందుబాటులో ఉంటాయి.
Ration Card: రేషన్ కార్డు సంబంధిత సేవలు ఇప్పుడు దేశవ్యాప్తంగా 3.7 లక్షలకు పైగా సాధారణ సేవా కేంద్రాలు(CSC)లో అందుబాటులో ఉంటాయి. రేషన్ కార్డుకు సంబంధించిన ప్రతి సమస్యను ఈ కేంద్రాలలో వెంటనే పరిష్కరిస్తారు. ఈ సేవలలో కొత్త రేషన్ కార్డు కోసం దరఖాస్తు చేయడం, వివరాలను అప్డేట్ చేసుకోవడం.. ఆధార్తో లింక్ చేయడం వంటివి ఉన్నాయి.
ఈ సేవలు అందుబాటులోకి రావడంతో దేశవ్యాప్తంగా 23.64 కోట్ల మంది రేషన్ కార్డ్ హోల్డర్లు నేరుగా ప్రయోజనం పొందుతారు. వినియోగదారుల వ్యవహారాలు, ఆహారం మరియు పబ్లిక్ డిస్ట్రిబ్యూషన్ శాఖ ఎలక్ట్రానిక్స్ మరియు ఐటి మంత్రిత్వ శాఖ కింద పనిచేస్తున్న ప్రత్యేక యూనిట్ అయిన CSC ఈ-గవర్నెన్స్ సర్వీసెస్ ఇండియా లిమిటెడ్తో కలిసి సమస్యలు పరిష్కరించేందుకు పనిచేస్తుంది.
డిపార్ట్మెంట్ ఆఫ్ ఫుడ్ అండ్ పబ్లిక్ డిస్ట్రిబ్యూషన్తో కామన్ సర్వీస్ సెంటర్(సీఎస్సీ) ఈమేరకు అవగాహన ఒప్పందం కుదుర్చుకుంది. ఈ ఒప్పందం ముఖ్య ఉద్దేశ్యం సెమీ అర్బన్ మరియు గ్రామీణ ప్రాంతాల్లో రేషన్ సరఫరాను సరళీకృతం చేయడం మరియు ప్రజా పంపిణీ వ్యవస్థ (PDS)ను బలోపేతం చేయడం. ఆహార మరియు పబ్లిక్ డిస్ట్రిబ్యూషన్ డిపార్ట్మెంట్ మరియు CSCలు దేశంలో 3.7 లక్షల CSCల ద్వారా రేషన్ కార్డ్ సేవల కోసం MoUపై సంతకం చేశాయి.
ఈ భాగస్వామ్యంతో, దేశవ్యాప్తంగా 23.64 కోట్ల రేషన్ కార్డ్ హోల్డర్లు సమీప CSCని సందర్శించి వారి వివరాలను సులభంగా అప్డేట్ చేసుకోవచ్చు. అదే సమయంలో, ప్రజలు కార్డు నకిలీ కాపీని పొందవచ్చు, కార్డును ఆధార్తో లింక్ చేయవచ్చు, రేషన్ లభ్యత గురించి సమాచారాన్ని పొందవచ్చు మరియు ఫిర్యాదు చేయవచ్చు.
కొత్త రేషన్ కార్డు కోసం కూడా దరఖాస్తు చేసుకోవచ్చు:
ప్రస్తుతం ఉన్న రేషన్ కార్డ్ హోల్డర్ కొత్త రేషన్ కార్డు కోసం సమీప CSCని సందర్శించి దరఖాస్తు చేసుకోవచ్చు. సిఎస్సి ఈ-గవర్నెన్స్ సర్వీసెస్ ఇండియా మేనేజింగ్ డైరెక్టర్ దినేష్ త్యాగి మాట్లాడుతూ.. ఆహార మరియు ప్రజా పంపిణీ శాఖతో మా భాగస్వామ్యం తర్వాత, మా గ్రామ స్థాయి పారిశ్రామికవేత్తలు(VLE) ఆపరేటింగ్ CSEలు రేషన్ కార్డులు లేని వ్యక్తులకు సహాయం చేస్తారు.
ప్రజా పంపిణీ వ్యవస్థ మరియు ఉచిత రేషన్ సహా.. వివిధ ప్రభుత్వ పథకాల ప్రయోజనాలను పొందడానికి వారు వారికి సహాయం చేస్తారు. జూన్ 1, 2020 నుండి దేశంలో రేషన్ కార్డ్ పోర్టబిలిటీ సర్వీస్ ‘వన్ నేషన్-వన్ రేషన్ కార్డ్’ ప్రారంభమైంది. ఈ పథకంలో, మీరు ఏ రాష్ట్రంలోనైనా ఉండి రేషన్ తీసుకోవచ్చు. రేషన్ కార్డు దారులు కామన్ సర్వీస్ సెంటర్ ద్వారా రేషన్ కార్డుకు సంబంధించి ముఖ్యంగా 6 రకాల సేవలను వినియోగించుకోవచ్చు.
1) రేషన్ కార్డు వివరాలు అప్డేట్ చేసుకోవడం..
2) రేషన్ కార్డుతో ఆధార్ కార్డును లింక్ చేయడం..
3) రేషన్ కార్డు డూప్లికేట్ ప్రింట్ తీసుకోవడం..
4) రేషన్ తీసుకునేందుకు సంబంధించిన సమాచారం తెలుసుకోవడం..
5) రేషన్ కార్డుకు సంబంధించిన అన్నీ ఫిర్యాదులు..
6) రేషన్ కార్డు పోతే కొత్త రేషన్ కార్డు కోసం దరఖాస్తు చేసుకోవచ్చు.
.@CSCegov_, under the @GoI_MeitY has signed a MoU with the @fooddeptgoi to enable ration card services through 3.70 Lakh CSCs across the country. The partnership is expected to benefit over 23.64 crore ration card holders across the country. pic.twitter.com/OIbutQClC3
— Digital India (@_DigitalIndia) September 16, 2021