Pawan Kalyan: పవన్కు మరోసారి అదే వాయింపుడు?
పవర్ స్టార్ పవన్ కళ్యాణ్ నటించిన రీసెంట్ మూవీ ‘భీమ్లా నాయక్’ ఇటీవల రిలీజ్ అయ్యి బాక్సాఫీస్ వద్ద సూపర్ సక్సెస్ను అందుకున్న....
Pawan Kalyan: పవర్ స్టార్ పవన్ కళ్యాణ్ నటించిన రీసెంట్ మూవీ ‘భీమ్లా నాయక్’ ఇటీవల రిలీజ్ అయ్యి బాక్సాఫీస్ వద్ద సూపర్ సక్సెస్ను అందుకున్న సంగతి తెలిసిందే. ఈ సినిమాను మలయాళ చిత్రం ‘అయ్యప్పనుమ్ కొషియుమ్’కు తెలుగు రీమేక్గా చిత్ర యూనిట్ రూపొందించారు. ఇక ఈ సినిమాలో పవన్ పవర్ప్యాక్డ్ పర్ఫార్మెన్స్కు ప్రేక్షకులు ఫుల్ మార్కులు వేశారు. అటు మరో హీరో రానా దగ్గుబాటి పవర్ఫుల్ నటన ఈ సినిమాకు మరో ఆకర్షణగా నిలిచింది. వీరిద్దరి మధ్య వచ్చిన యాక్షన్ సీక్వెన్స్లకు ప్రేక్షకుల నుండి విశేష స్పందన లభించింది.
Pawan Kalyan: ఆ డైరెక్టర్ను పవన్ పక్కనబెట్టాడా?
ఇక ఈ సినిమాకు మరో మేజర్ అట్రాక్షన్ థమన్ అందించిన సంగీతం అని చెప్పాలి. పవన్ కళ్యాణ్ సీన్స్ను తన బీజీఎంతో థమన్ ఎలివేట్ చేసిన విధానం సూపర్బ్గా ఉండటంతో పవన్ తన నెక్ట్స్ చిత్రానికి కూడా అతడినే సంగీత దర్శకుడిగా పెట్టుకోవాలని చూస్తున్నాడట. ఈ క్రమంలో పవన్ మరో రీమేక్ చిత్రంపై కన్నేసినట్లు గతకొద్ది రోజులుగా ఇండస్ట్రీ వర్గాల్లో జోరుగా వార్తలు వినిపిస్తున్నాయి. తమిళంలో నటుడు, దర్శకుడు సముద్రఖని తెరకెక్కించిన ‘వినోదాయ సీతం’ అనే సినిమాను తెలుగులో రీమేక్ చేసేందుకు ప్రయత్నాలు జరుగుతున్నాయట.
ఈ సినిమా తనకు తెగ నచ్చడంతో పవన్ ఈ సినిమాను వీలైనంత త్వరగా ప్రారంభించాలని ప్రయత్నిస్తున్నాడు. ఈ క్రమంలోనే ఈ చిత్రానికి థమన్ అద్భుతమైన సంగీతం అందించాలని పవన్ అతడిని కోరినట్లు చిత్ర వర్గాల టాక్. దీనికి థమన్ కూడా వెంటనే ఓకే చెప్పేశాడట. ఇక ఈ సినిమాలో మరో కీలక పాత్రలో మెగా హీరో సాయి ధరమ్ తేజ్ కూడా నటించబోతున్నట్లు తెలుస్తోంది.
Pawan Kalyan: పవర్ ట్రీట్.. పవన్ బ్యాక్ టూ బ్యాక్ రీమేక్స్
కాగా ఈ సినిమాకు కూడా మాటల మాంత్రికుడు త్రివిక్రమ్ స్క్రిప్టు వర్క్, మాటల సాయం అందించనున్నట్లు వార్తలు వస్తున్నాయి. ఈ సినిమాను తెలుగులో కూడా సముద్రఖని స్వయంగా తెరకెక్కించేందుకు రెడీ అవుతున్నాడట. అతి త్వరలో ఈ సినిమాకు సంబంధించిన అఫీషియల్ అనౌన్స్మెంట్ ఉంటుందని, అలాగే రెగ్యులర్ షూటింగ్ను ఆలస్యం చేయకుండా పూర్తి చేయాలని పవన్ భావిస్తున్నాడట. మరి వకీల్ సాబ్, భీమ్లా నాయక్ తరువాత పవన్-థమన్ కాంబోలో రాబోతున్న ఈ హ్యాట్రిక్ చిత్రం కోసం థమన్ ఎలాంటి మ్యూజిక్ అందిస్తాడో చూడాలి.