Varun Tej: మరో ఇంట్రెస్టింగ్ రోల్‌కు వరుణ్ సై..?

మెగా హీరో వరుణ్ తేజ్ ప్రస్తుతం గని సినిమాతో ప్రేక్షకుల ముందుకు రాబోతున్న సంగతి తెలిసిందే. ఈ సినిమాలో వరుణ్ తేజ్ ఓ బాక్సర్‌గా మనకు కనిపిస్తున్నాడు......

Varun Tej: మరో ఇంట్రెస్టింగ్ రోల్‌కు వరుణ్ సై..?

Varun Tej To Do Another Interesting Role

Varun Tej: మెగా హీరో వరుణ్ తేజ్ ప్రస్తుతం గని సినిమాతో ప్రేక్షకుల ముందుకు రాబోతున్న సంగతి తెలిసిందే. ఈ సినిమాలో వరుణ్ తేజ్ ఓ బాక్సర్‌గా మనకు కనిపిస్తున్నాడు. ఇప్పటికే అన్ని పనులు ముగించుకున్న ఈ సినిమా ఏప్రిల్ 8న ప్రపంచవ్యాప్తంగా రిలీజ్ కానుంది. కాగా ఈ సినిమాను దర్శకుడు కిరణ్ కొర్రపాటి తెరకెక్కిస్తుండగా, ఈ సినిమాతో మరోసారి బాక్సాఫీస్ వద్ద తనదైన మార్క్ వేసుకునేందుకు వరుణ్ రెడీ అవుతున్నాడు. కాగా ఈ సినిమా ఎప్పుడో రిలీజ్ కావాల్సి ఉన్నా, కరోనా కారణంగా పలుమార్లు వాయిదా పడుతూ వచ్చింది.

Varun Tej: ఆ ఇద్దరితో మల్టీస్టారర్ మూవీ చేయాలనుంది – వరుణ్!

అయితే తాజాగా ఈ సినిమా రిలీజ్‌కు రెడీ కావడంతో వరుణ్ తన నెక్ట్స్ ప్రాజెక్టులపై అప్పుడే ఫోకస్ పెట్టాడు. ఈ క్రమంలోనే దర్శకుడు అనిల్ రావిపూడి తెరకెక్కిస్తున్న ఔట్ అండ్ ఔట్ కామెడీ ఎంటర్‌టైనర్ మూవీ ఎఫ్3లో కూడా నటిస్తున్నాడు వరుణ్. ఇక ఈ సినిమా తరువాత వరుణ్ మరో ఇంట్రెస్టింగ్ ప్రాజెక్టును మొదలుపెట్టేందుకు రెడీ అవుతున్నాడు. దర్శకుడు ప్రవీణ్ సత్తారు డైరెక్షన్‌లో వరుణ్ తేజ్ ఓ సినిమా చేసేందుకు రెడీ అవుతున్నాడు.

కాగా ఈ సినిమాలో వరుణ్ తేజ్ పాత్రకు సంబంధించి తాజాగా ఇండస్ట్రీ వర్గాల్లో ఓ వార్త జోరుగా చక్కర్లు కొడుతోంది. ప్రవీణ్ సత్తారు తెరకెక్కించే సినిమాలో వరుణ్ తేజ్ ఓ పైలట్ పాత్రలో మనకు కనిపిస్తాడని, ఇందులో ఆయన పాత్ర చాలా పవర్‌ఫుల్‌గా ఉండబోతున్నట్లు చిత్ర వర్గాలు అంటున్నాయి.

Varun Tej : బాబాయ్ ‘తమ్ముడు’ సినిమా చూసి ఫిక్స్ అయ్యాను..

ప్రతి సినిమాకు వేరియేషన్ ఉన్న పాత్రలను సెలెక్ట్ చేస్తూ ప్రేక్షకులను మెప్పించే ప్రయత్నం చేస్తున్న ఈ హీరో గని చిత్రంతో ఎలాంటి విజయాన్ని అందుకుంటాడా అని అందరూ ఆసక్తిగా చూస్తున్నారు. ఇక ప్రవీణ్ సత్తారుతో చేయబోయే సినిమాను పాన్ ఇండియా స్థాయిలో తెరకెక్కించేందుకు చిత్ర యూనిట్ రెడీ అవుతోంది. భారీ బడ్జెట్‌తో తెరకెక్కనున్న ఈ సినిమాను సోనీ పిక్చర్స్ బ్యానర్ ప్రొడ్యూస్ చేయనుండగా, దసరా కానుకగా ఈ సినిమాను పట్టాలెక్కించేందుకు చిత్ర యూనిట్ రెడీ అవుతోంది.