Prabhas : తిరుపతిలోనే పెళ్లి చేసుకుంటా.. ఆదిపురుష్ ప్రీ రిలీజ్ ఈవెంట్ లో ప్రభాస్ కామెంట్స్..

తిరుపతిలో జరిగిన ఆదిపురుష్ ప్రీ రిలీజ్ ఈవెంట్ లో ప్రభాస్ తన పెళ్లి గురించి ఆసక్తికర వ్యాఖ్యలు చేశాడు. తిరుపతిలోనే పెళ్లి చేసుకుంటా అంటూ..

Adipurush Pre Release Event : ప్రభాస్ (Prabhas) రాముడిగా, కృతి సనన్ (Kriti Sanon) సీతగా, సైఫ్ అలీఖాన్ (Saif Alikhan) రావణాసురుడిగా.. రామాయణం బ్యాక్‌డ్రాప్ తో తెరకెక్కిన సినిమా ఆదిపురుష్. బాలీవుడ్ డైరెక్టర్ ఓం రౌత్ ఈ సినిమాని డైరెక్ట్ చేశాడు. ఈ సినిమా నుంచి ఇటీవల రిలీజ్ అయిన ట్రైలర్ ఆడియన్స్ లో భారీ అంచనాలు క్రియేట్ చేసింది. జూన్ 16న ఈ చిత్రాన్ని చూడడానికి అభిమానులు అంతా ఆసక్తిగా ఎదురు చూస్తున్నారు. కాగా ఈ మూవీ ప్రీ రిలీజ్ ఈవెంట్ నేడు (జూన్ 6) తిరుపతి (Tirupati) శ్రీ వెంకటేశ్వర యూనివర్సిటీలో జరుగుతుంది. ఈ ప్రీ రిలీజ్ ఈవెంట్ కు చినజీయర్ స్వామి ముఖ్య అతిథిగా రాబోతున్నారు.

Adipurush : ఆదిపురుష్ ప్రీ రిలీజ్ ఈవెంట్‌లో ప్రభాస్ ఎంట్రీ అదిరిపోయింది..

ఇక ఈ ఈవెంట్ లో ప్రభాస్ మాట్లాడుతున్న సమయంలో అభిమానులు పెళ్లి గురించి ప్రశ్నించారు. ప్రభాస్ బదులిస్తూ.. “పెళ్లి చేసుకుంటా. పెళ్లి చేసుకుంటే నేను తిరుపతిలోనే చేసుకుంటాను” అంటూ చెప్పుకొచ్చాడు. ప్రస్తుతం ఈ కామెంట్స్ సోషల్ మీడియాలో వైరల్ అవుతున్నాయి. అలాగే ఈ సినిమా కోసం చాలా కష్టపడినట్లు చెప్పుకొచ్చాడు. అభిమానులు ఇచ్చిన ధైర్యమే ఆదిపురుష్ ని బెటర్ అవుట్ ఫుట్ తో అందరి ముందుకు తీసుకు వచ్చేలా చేసిందని చెప్పుకొచ్చాడు.

Adipurush : ఆదిపురుష్‌కు ‘ది ఫ్లాష్’ టెన్ష‌న్‌.. ఇండియాలో కాదు గానీ.. ఓవ‌ర్సీస్‌లో మాత్రం..

కాగా ఈ ఈవెంట్ లో ఆదిపురుష్ సెకండ్ ట్రైలర్ ని రిలీజ్ చేశారు. ఈ ట్రైలర్ ని ఫుల్ యాక్షన్ కట్ తో రెడీ చేశారు. ‘వస్తున్నా రావణ’ అంటూ రాముడు రావణుడి పై యుద్ధం ప్రకటిస్తూ ట్రైలర్ అదిరిపోయింది. ఇక ఈ సెకండ్ ట్రైలర్ ని చూసిన అభిమానులు ఫుల్ ఖుషీ అవుతున్నారు. గతంలో బాహుబలి ప్రీ రిలీజ్ ఈవెంట్ కూడా తిరుపతిలోనే చాలా గ్రాండ్ గా జరిగింది. ఇప్పుడు ఆదిపురుష్ కూడా అక్కడే జరుగుతుండడంతో ఆ సెంటిమెంట్ రిపీట్ అవుతుందని అభిమానులు చెబుతున్నారు.