గెట్ వెల్ సూన్ : షూటింగ్ లో గాయపడిన రాంచరణ్
మెగా హీరో రాంచరణ్ గాయపడ్డాడు. జిమ్ లో ఎక్సర్ సైజ్ చేస్తుండగా ఈ ఘటన జరిగింది. కాలు చీలమండ దగ్గర ఈ గాయం అయ్యింది. వెంటనే ఆస్పత్రికి వెళ్లారు. కట్టుకట్టిన డాక్టర్లు.. మూడు వారాలు విశ్రాంతి తీసుకోవాలని సూచించారు. దీంతో పూణెలో జరగాల్సిన ఆర్ఆర్ఆర్ షూటింగ్ కు బ్రేక్ పడింది. ఆ తర్వాతే చెర్రీకి సంబంధించిన షాట్స్ తెరకెక్కించనున్నారు. ఈ విషయాన్ని ఆర్ఆర్ఆర్ మూవీ ట్విట్టర్ ద్వారా అనౌన్స్ చేసింది.
చెర్రీ గాయపడిన విషయాన్ని తెలియజేయటానికి బాధగా ఉంది. మూడు వారాల తర్వాత మళ్లీ షూటింగ్ ప్రారంభం అవుతుందని ప్రకటించారు. DVV ఎంటర్ టైన్ మెంట్స్ బ్యానర్ పై దానయ్య ఈ చిత్రాన్ని నిర్మిస్తున్నాడు. చెర్రీకి జోడీగా బాలీవుడ్ బ్యూటీ అలియా భట్ నటిస్తోంది.
ఈ సినిమాలో రాంచరణ్ అల్లూరి సీతారామరాజు పాత్రలో కనిపించనున్నాడు. ఎన్టీఆర్ కొమరం భీంగా నటిస్తున్నాడు. 2020 జూలైలో మూవీ రిలీజ్ కానుంది. చెర్రీ గాయపడటంతో ఇతర స్టార్స్ డేట్స్ షెడ్యూల్ లో కూడా మార్పులు జరిగే అవకాశం ఉంది.
We regret to mention that #RamCharan confronted a minor ankle injury while working out at the gym, yesterday. The pune schedule has been called off. Back to action in 3 weeks! #RRR
— RRR Movie (@RRRMovie) April 3, 2019