Kushi : ఖుషి ప్రమోషన్స్‌కి సమంత గుడ్ బై చెప్పేసిందా..? కారణం అదేనట..!
విజయ్ దేవరకొండ ఖుషి మూవీ ప్రమోషన్స్ కి సమంత గుడ్ బై చెప్పేసిందట. ఇందులో నిజమెంత ఉంది..?
- Published By: 10TV Digital Team ,Published On : August 20, 2023 / 03:49 PM IST
Samantha says good bye to Vijay Deverakonda kushi movie promotions
Kushi : విజయ్ దేవరకొండ (Vijay Deverakonda), సమంత (Samantha) హీరోహీరోయిన్లుగా డైరెక్టర్ శివ నిర్వాణ తెరకెక్కిస్తున్న లవ్ అండ్ రొమాంటిక్ ఎంటర్టైనర్ మూవీ ‘ఖుషి’. ఎప్పుడో రిలీజ్ అవ్వాల్సిన ఈ చిత్రం సమంత అనారోగ్యం కారణంతో షూటింగ్ లేట్ అయ్యింది. ఇటీవలే అన్ని పనులు పూర్తి చేసుకొని సెప్టెంబర్ 1న ఆడియన్స్ ముందుకు వచ్చేందుకు సిద్దమవుతుంది. మైత్రీ మూవీ మేకర్స్ నిర్మిస్తున్న ఈ చిత్రం పాన్ ఇండియా లెవెల్ లో రిలీజ్ కాబోతుంది. దీంతో ఈ మూవీ సాంగ్స్ అండ్ ట్రైలర్ ని తెలుగుతో పాటు అన్ని భాషల్లో విడుదల చేసుకుంటూ వచ్చారు.
BRO Movie : ‘బ్రో’ ఓటీటీ రిలీజ్ డేట్ లాక్ అయ్యింది.. ఎప్పుడు, ఎక్కడో తెలుసా..?
ఇక ఇప్పుడు ప్రమోషన్స్ పనిలో ఉన్న చిత్ర యూనిట్ ప్రెస్ మీట్స్ అండ్ ఇంటర్వ్యూలతో సందడి చేస్తున్నారు. ఇటీవల తెలుగులో మ్యూజికల్‌ కాన్సర్ట్ ఏర్పాటు చేసి గ్రాండ్ గా నిర్వహించారు. ఆ ఈవెంట్ లో సమంత కూడా పాల్గొంది. అంతేకాదు విజయ్ తో కలిసి స్టేజి పై డాన్స్ చేసి అందర్నీ ఆశ్చర్యపరిచింది. అయితే ఇప్పటి నుంచి సమంత ఇక ఈ మూవీ ప్రమోషన్స్ లో కనబడదని తెలుస్తుంది. మ్యూజికల్‌ కాన్సర్ట్ తోనే ఖుషి ప్రమోషన్స్‌కి సమంత గుడ్ బై చెప్పేసిందని తెలుస్తుంది. ఆ మ్యూజికల్‌ కాన్సర్ట్ అవ్వగానే సమంత.. తన తల్లితో కలిసి అమెరికా వెళ్లిపోయింది.
సినిమా విడుదలకు కేవలం 10 రోజులు మాత్రమే ఉన్నాయి. ఈ సమయంలో సమంత అమెరికా వెళ్లిపోవడంతో ఆమె ఖుషి ప్రమోషన్స్ లో ఇంక కనిపించదని చెబుతున్నారు. అయితే సామ్ అమెరికా వెళ్ళడానికి కారణం.. న్యూయార్క్ న‌గ‌రంలో జరగబోయే భార‌త స్వాతంత్ర్య దినోత్స‌వ వేడుక‌ల్లో పాల్గొనేందుకు సమంత వెళ్లిన‌ట్లు చెబుతున్నారు. ఈ నెల 20న జ‌ర‌గ‌నున్న ఆ వేడుక‌ల‌కు స‌మంత‌తో పాటు న‌టుడు ర‌వికిష‌న్‌, న‌టి జాక్వైలిస్ ఫెర్నాండేజ్‌లకు కూడా ఆహ్వానం అందింది. ఈ వేడుక తరువాత సమంత కొన్నిరోజులు అక్కడే ఉండనుందని వార్తలు వస్తున్నాయి. మరి సమంత వెంటనే వచ్చేసి ఖుషి ప్రమోషన్స్ లో పాల్గొటుందా? లేదా పూర్తిగా ప్రమోషన్స్ కి దూరంగా ఉంటుందా? చూడాలి.
