Virata Parvam: విరాట పర్వం ఫస్ట్ డే కలెక్షన్స్.. ఎంతో తెలుసా?

Virata Parvam: టాలీవుడ్‌లో గతకొద్ది రోజులుగా ఒకటే సినిమా గురించి చర్చ సాగుతోంది. అందాల భామ సాయి పల్లవి, యంగ్ హీరో రానా దగ్గుబాటి ముఖ్య పాత్రల్లో నటించిన ‘విరాటపర్వం’ గురించే ఎక్కడ చూసినా చర్చ సాగింది. ఈ సినిమాను దర్శకుడు వేణు ఉడుగుల తెలంగాణ ప్రాంతంలో 1990లలో జరిగిన ఒక యధార్థ సంఘటన ఆధారంగా తెరకెక్కించినట్లు చిత్ర యూనిట్ చెబుతూ వచ్చింది. ఇక అలనాటి పరిస్థితులను మన కళ్లకు కట్టినట్లుగా చూపించేందుకు చిత్ర యూనిట్ కృషి చేయడంతో, ఈ సినిమాపై ప్రేక్షకులతో పాటు సెలబ్రిటీల్లో కూడా ఈ సినిమాపై మంచి అంచానలు క్రియేట్ అయ్యాయి.

Virata Parvam: విరాటపర్వం ప్రెస్ మీట్.. గుండె బరువెక్కిందన్న సాయి పల్లవి!

ఇక ఈ సినిమా నక్సల్ నేపథ్యంలో వచ్చినా, ఔట్ అండ్ ఔట్ ప్రేమకావ్యంగా తీర్చిదిద్దడంలో దర్శకుడు వేణు ఉడుగుల సక్సెస్ అయ్యాడని ప్రేక్షకులు కితాబిస్తున్నారు. అయితే ఈ సినిమాకు మౌత్ టాక్ కూడా బాగా రావడంతో ఈ సినిమా సక్సెస్ కావడం ఖాయమని అందరూ ఫిక్స్ అయ్యారు. కానీ.. ఈ సినిమా కమర్షియల్‌గా మాత్రం తొలిరోజున యావరేజ్ వసూళ్లు రాబట్టింది. అయితే ఈ సినిమా కలెక్షన్స్ రానున్న రోజుల్లో పుంజుకునే అవకాశం ఉందని చిత్ర వర్గాలు అంటున్నాయి.

Virata Parvam: వెన్నెల పుట్టుక.. సాయి పల్లవి డైలాగుకు పూర్తి న్యాయం!

రానా దగ్గుబాటి నక్సల్ పాత్రలో నటిస్తుండగా, అతడిని ప్రేమించే అమ్మాయిగా సాయి పల్లవి ప్రయాణం ఈ సినిమాను ఆద్యంతం ఆసక్తికరంగా మార్చింది. ఇక ఈ సినిమాను సుధాకర్ చెరుకూరి ప్రొడ్యూస్ చేస్తుండగా, ఈ సినిమాకు సురేష్ బొబ్బిలి సంగీతం అందించాడు. ఇక ఈ సినిమా తొలిరోజు ప్రపంచవ్యాప్తంగా కలెక్ట్ చేసిన వసూళ్ల వివరాలు ఈ విధంగా ఉన్నాయి.

నైజాం – 48 లక్షలు
సీడెడ్ – 7 లక్షలు
ఉత్తరాంధ్ర – 8 లక్షలు
ఈస్ట్ – 6 లక్షలు
వెస్ట్ – 5 లక్షలు
గుంటూరు – 7 లక్షలు
కృష్ణా – 5 లక్షలు
నెల్లూరు – 4 లక్షలు
ఏపీ+తెలంగాణ – రూ.0.90 కోట్లు (రూ 1.50 కోట్లు గ్రాస్)
కర్ణాటక+రెస్టాఫ్ ఇండియా – రూ.0.12 కోట్లు
ఓవర్సీస్ – 0.40 కోట్లు
టోటల్ వరల్డ్‌వైడ్ – రూ.1.42 కోట్లు (రూ.2.50 కోట్లు గ్రాస్)