బిలియనీర్ల లిస్ట్ లో వారెన్ బఫెట్ ని బీట్ చేసిన ముకేశ్ అంబానీ

ఆసియా కుబేరుడు, రిలయన్స్ ఇండస్ట్రీస్ లిమిటెడ్ () అధినేత ముకేశ్‌ అంబానీ మరో ఘనత సాధించాడు. నికర విలువపరంగా ప్రపంచంలోనే ప్రముఖ పెట్టుబడిదారుడు వారెన్ బఫెట్‌ను అంబానీ అధిగమించారు.

2012లో ప్రారంభమైన బ్లూంబర్గ్ బిలియనీర్స్ ఇండెక్స్ ప్రకారం… బఫెట్‌ సంపద గురువారానికి 67.9 బిలియన్ డాలర్లుండగా, ముకేశ్ అంబానీ 68.3 బిలియన్ల సంపదతో ఆయనను వెనక్కి నెట్టారు.

అంబానీ ఇప్పుడు భూమి మీద నివసిస్తున్నఅత్యంత ధనవంతుల్లో ఎనిమిదో వాడు. బఫెట్‌ తొమ్మిదోస్థానంలో ఉన్నాడు
పేస్ బుక్ , సిల్వర్ లేక్ వంటి సంస్థల నుంచి జియోలోకి బిలియన్ డాలర్లకు పైగా పెట్టుబడులు పెట్టడంతో అంబానీ షేర్లు మార్చిలో కనిష్టస్థాయి నుంచి రెట్టింపయ్యాయి.

ఈ వారం బఫెట్‌ 2.9 బిలియన్ డాలర్లను స్వచ్ఛంద సంస్థకు ఇవ్వడంతో ఆయన సంపద తగ్గింది. గత నెల ప్రపంచంలోని టాప్ 10 ధనవంతుల క్లబ్‌లో ఏకైక ఆసియా వ్యాపారవేత్తగా అంబానీ నిలిచిన విషయం తెలిసిందే.