IPL 2021: MI vs KKR, Preview: ముంబై vs కోల్‌కత్తా.. ఎవరి బలం ఏంటీ? గెలిచేదెవరు?

MI vs KKR, IPL 2021: కోవిడ్-19 మహమ్మారి కారణంగా ఐపీఎల్ 2021 చూసేందుకు మైదానాల్లో ప్రేక్షకులు లేనప్పటికీ ఆటగాళ్ల మధ్య పోరు ఇంట్రస్టింగ్‌గా సాగుతోంది. ఈ క్రమంలోనే ఐపీఎల్‌లో కోల్‌కతా నైట్ రైడర్స్, ముంబై ఇండియన్స్ మధ్య చెన్నైలోని చిదంబరం స్టేడియంలో మంగళవారం(13 ఏప్రిల్ 2021) మ్యాచ్ సాగబోతుంది. టోర్నమెంట్‌లో ఫస్ట్ మ్యాచ్‌లోనే ఓటమిని చవిచూసిన ముంబై ఇండియన్స్ మళ్లీ తిరిగి విజయం దక్కించుకోవాలని భావిస్తుంది. తొలి మ్యాచ్‌లో ముంబైని రాయల్ ఛాలెంజర్స్ ఓడించగా.. హైదరాబాద్‌పై కోల్‌కత్తా 10 పరుగుల తేడాతో గెలిచి ముంబై గెలిచే ధీమాతో ఉంది.

ఈ మ్యాచ్‌లో తమ స్టార్ ఓపెనర్ క్వింటన్ డి కాక్ తిరిగి జట్టులోకి వస్తుండగా.. ముంబై గెలుస్తామనే ధీమాతో ఉంది. రాయల్ ఛాలెంజర్స్ మ్యాచ్‌లో ముంబై ఇండియన్స్ డి కాక్ లేకుండా మైదానంలోకి వెళ్ళగా.. డికాక్ లేని లోటు మ్యాచ్‌లో కనిపించింది. ఈ మ్యాచ్‌లో డికాక్, రోహిత్ శర్మ ఓపెనింగ్ వచ్చే అవకాశం ఉంది. రాయల్ ఛాలెంజర్స్‌తో జరిగిన చివరి మ్యాచ్‌లో కెప్టెన్ రోహిత్ శర్మతో క్రిస్ లిన్ ఓపెనర్‌గా మైదానంలోకి వచ్చారు. ఈ మ్యాచ్‌లో లిన్ 35 బంతుల్లో 49 పరుగులు చేసి 4 ఫోర్లు, 3 సిక్సర్ల సహాయంతో అద్భుతమైన ఇన్నింగ్స్ ఆడాడు. సూర్యకుమార్ యాదవ్ మూడో స్థానంలో.. ఇషాన్ కిషన్ నాలుగో స్థానంలో, కీరన్ పొలార్డ్ ఐదవ స్థానంలో, హార్దిక్ పాండ్యా ఆరో స్థానంలో ఉండగా.. ఆల్ రౌండర్ క్రునాల్ పాండ్యా కూడా మెరుపు వేగంతో పరుగులు తియ్యగలడు.

రాయల్ ఛాలెంజర్స్ బెంగళూరుతో జరిగిన మ్యాచ్ మాదిరిగానే ముంబై ముగ్గురు ఫాస్ట్ బౌలర్లతో ఈ మ్యాచ్‌లో దిగవచ్చు. జస్‌ప్రీత్ బుమ్రా, ట్రెంట్ బౌల్ట్ ఆడే అవకాశం ఉండగా.. మూడవ ఫాస్ట్ బౌలర్‌గా, దక్షిణాఫ్రికాకు చెందిన ఆల్‌రౌండర్ మార్కో జాన్సెన్ ఆైడే ఛాన్స్ ఉంది. ఈ మ్యాచ్‌లో స్పిన్నర్ల ప్రభావం ఎక్కువగా ఉండే అవకాశం ఉండగా.. ఆల్ రౌండర్ క్రునాల్ పాండ్యా, రాహుల్ చాహార్ భుజాలపై బాధ్యత ఎక్కువగా ఉంటుంది.

చెన్నై చిదంబరం స్టేడియంలో స్పిన్నర్ల ప్రభావం ఎక్కువగా ఉండనుండగా.. కోల్‌కత్తాకు మంచి అవకాశాలు ఉన్నాయి. హైదరాబాద్‌తో గెలిచిన అదే టీమ్‌తో కెప్టెన్ ఎయోన్ మోర్గాన్ ముంబైతో బరిలోకి దిగే అవకాశం కనిపిస్తోంది. గత మ్యాచ్‌లో 56 బంతుల్లో 80 పరుగుల అద్భుతమైన ఇన్నింగ్స్ ఆడిన నితీష్ రానా మరోసారి షుబ్మాన్ గిల్‌తో ఇన్నింగ్స్ ప్రారంభించవచ్చు. ఆల్ రౌండర్ షకీబ్ అల్ హసన్ కూడా ఆడవచ్చు. సునీల్ నరైన్ నేటి మ్యాచ్‌లో కూడా ఆడటం కష్టం. లాస్ట్ మ్యాచ్‌లో 29 బంతుల్లో 53 పరుగులు ఆడిన రాహుల్ త్రిపాఠి కూడా అదే ప్లేస్‌లో దిగే అవకాశం ఉంది. కెప్టెన్ మోర్గాన్, ఆండ్రీ రస్సెల్ ఈ మ్యాచ్‌లో బ్యాట్‌తో బాదితే ముంబైపై విజయం కష్టం కాదు.. మిడిల్ ఆర్డర్ కెప్టెన్ మోర్గాన్, దినేష్ కార్తీక్ ఆదుకోవచ్చు.

లాస్ట్ మ్యాచ్‌లో పాట్ కమ్మిన్స్, ప్రసిద్ధ కృష్ణ ఫాస్ట్ బౌలింగ్‌ బాగా చెయ్యగా.. వారికి కూడా ఈ మ్యాచ్‌లో అవకాశం దక్కవచ్చు. గత మ్యాచ్‌లో ఆఫ్‌స్పిన్నర్ హర్భజన్ సింగ్‌కు జట్టు అవకాశం లభించినా.. ఒక ఓవర్ మాత్రమే ఇచ్చారు. ఈ మ్యాచ్‌లో అతని స్థానంలో శివం మావికి అవకాశం ఇవ్వవచ్చు. వరుణ్ చక్రవర్తి, షకీబ్ అల్ హసన్‌.. ఈ మ్యాచ్‌లో కీలకం కానున్నారు. స్పిన్ మాయాజాలం ఈ మ్యాచ్‌లో వర్క్‌ఔట్ అవుతుంది.

Probable XI: Rohit Sharma (c), Quinton de Kock (wk), Suryakumar Yadav, Ishan Kishan (wk), Hardik Pandya, Kieron Pollard, Krunal Pandya, Rahul Chahar, Marco Jansen, Trent Boult, Jasprit Bumrah

Probable XI: Nitish Rana, Shubman Gill, Rahul Tripathi, Eoin Morgan (c), Andre Russell, Dinesh Karthik (wk), Shakib al Hasan, Pat Cummins, Harbhajan Singh, Prasidh Krishna, Varun Chakravarthy.