టిక్‌టాక్‌కు ధీటుగా తెలంగాణ ‘ఛట్‌పట్‌’
- Published By: Subhan Ali Shaik ,Published On : July 1, 2020 / 02:35 PM IST
చైనా యాప్ టిక్‌టాక్‌కు ధీటుగా తెలంగాణ యువకుడు ‘ఛట్‌పట్‌’ యాప్‌ను రూపొందించారు. టిక్‌టాక్‌పై కేంద్రం నిషేధం విధించిన నేపథ్యంలో చట్‌పట్‌కు కూడా ప్లేస్టోర్‌లో డిమాండ్‌ పెరిగింది. టిక్ టాక్ బ్యాన్ అయిన ఒక్కరోజు గ్యాప్‌లోనే ఈ యాప్ ప్లేస్టోర్‌ ట్రెండింగ్‌ సోషల్‌ క్యాటగిరీలో టాప్‌-10లో నిలిచింది. వికారాబాద్‌ జిల్లా నవాబుపేట మండల కేంద్రానికి చెందిన శ్రీనివాస్‌ చట్‌పట్‌ యాప్‌కు రూపకల్పన చేశారు.
శ్రీనివాస్‌ ఇదివరకు ఏడు యాప్‌లను రూపొందించినప్పటికీ వాటికి సరైన స్పందన రాలేదు. టిక్ టాక్ ఫెయిల్ అయిన సమయంలో చట్‌పట్‌కు రూపకల్పన చేశారు. ఈ యాప్ జూన్‌ 29న ప్లేస్టోర్‌ వేదికపైకి వచ్చింది. మొదటిరోజే మూడువేల మందికి పైగా ఈ యాప్‌ను డౌన్లోడ్ చేసుకున్నారు. సోషల్‌ విభాగం ట్రెండింగ్‌లో టాప్‌ 10లో చట్‌పట్‌ 9వ స్థానానికి చేరింది. వినియోగదారులు చట్‌పట్‌కు 4.9 రేటింగ్‌ ఇచ్చారు.
కాకపోతే ఈ ఛట్ పట్ డెడ్ స్లోగా ఉందని వినియోగదారులు నిరుత్సాహం వ్యక్తపరుస్తున్నారు. టిక్ టాక్ ఆప్షన్లతోనే మొదలైన ఈ యాప్ అన్ని ఫీచర్లు ఒకేలా ఉన్నప్పటికీ పనిచేయడంలో మాత్రం చాలా స్లోగా పనిచేస్తుంది.
