Palm Oil Imports: ఆయిల్ రేట్లు రప్పా రప్పా పడిపోతున్నాయ్.. ఇదే సాక్ష్యం.. కిరాణా కోసం షాపింగ్ కి వెళ్లే వాళ్లు బిగ్ అలర్ట్..

గత నెలలో డిస్కౌంట్‌తో పామాయిల్ అమ్మకాలు ప్రారంభించినప్పటి నుండి భారతీయ కొనుగోలుదారులు పామాయిల్‌కు తిరిగి వెళ్లారు.

Palm Oil Imports: వంట నూనెలు కొనేందుకు కిరాణా షాప్ లకు వెళ్తున్నారా? అయితే, మీకో బిగ్ అలర్ట్. కాస్త ఆగండి. కొన్ని రోజులు వెయిట్ చేయండి. నూనెల కొనుగోళ్లను కొంచెం వాయిదా వేసుకోండి. ఎందుకంటే వంట నూనెల ధరలు రప్పా రప్పా పడిపోతున్నాయ్. పూర్తి వివరాల్లోకి వెళితే.. పామాయిల్ దిగుమతులు భారీగా పెరిగాయి. దీంతో వాటి ధరలు తగ్గుముఖం పట్టనున్నాయి.

మే నెలలో భారతదేశ పామాయిల్ దిగుమతులు ఆరు నెలల గరిష్ట స్థాయికి చేరుకున్నాయి. దీనికి కారణం సోయా, సన్‌ఫ్లవర్ నూనెలతో పోలిస్తే తగ్గిన నిల్వలు, ఆకర్షణీయమైన ధరలు కొనుగోళ్లను పెంచాయి. ఇది మలేషియా పామాయిల్ ధరలను, యుఎస్ సోయా ఆయిల్ ఫ్యూచర్‌లను బలోపేతం చేసే అవకాశం ఉంది.

మే నెలలో భారతదేశ పామాయిల్ దిగుమతులు 6 నెలల గరిష్ట స్థాయికి పెరిగాయి. తక్కువ నిల్వలు ఉండటం కారణంగా శుద్ధి కర్మాగారాలు కొనుగోళ్లను పెంచాయని డీలర్లు తెలిపారు. ప్రపంచంలోనే అతిపెద్ద కూరగాయల నూనెల కొనుగోలుదారు అయిన భారత్.. పామాయిల్, సోయా ఆయిల్ దిగుమతులను పెంచడంతో మలేషియా పామాయిల్ ధరలు, యుఎస్ సోయా ఆయిల్ ఫ్యూచర్లకు మద్దతు లభిస్తుంది. డీలర్ల అంచనాల ప్రకారం, మే నెలలో పామాయిల్ దిగుమతులు నెలవారీగా 87% పెరిగి 600,000 మెట్రిక్ టన్నులకు చేరుకున్నాయి. ఇది నవంబర్ 2024 తర్వాత అత్యధికం.

2024 అక్టోబర్‌లో ముగిసిన మార్కెటింగ్ సంవత్సరంలో భారతదేశం ప్రతి నెలా సగటున 750,000 టన్నులకు పైగా పామాయిల్‌ను దిగుమతి చేసుకుందని సాల్వెంట్ ఎక్స్‌ట్రాక్టర్స్ అసోసియేషన్ ఆఫ్ ఇండియా తెలిపింది.

Also Read: భారత్ ఫస్ట్ ఏఐ మల్టీమోడల్ ‘భారత్‌జెన్’ ప్రారంభం.. 22 స్వదేశీ భాషల్లో కమ్యూనికేట్ చేయగలదు..!

జనవరి నుండి ఏప్రిల్ వరకు పామాయిల్ దిగుమతులు బాగా తగ్గాయి. సోయా నూనె కంటే దాని ప్రీమియం భారత్ లో స్టాక్ స్థాయిలు తగ్గడానికి దారితీసిందని నూనె వ్యాపారి GGN రీసెర్చ్ మేనేజింగ్ భాగస్వామి రాజేష్ పటేల్ అన్నారు. గత నెలలో డిస్కౌంట్‌తో పామాయిల్ అమ్మకాలు ప్రారంభించినప్పటి నుండి భారతీయ కొనుగోలుదారులు పామాయిల్‌కు తిరిగి వెళ్లారు” అని పటేల్ అన్నారు. SEA డేటా ప్రకారం, మే 1 నాటికి భారతదేశంలో కూరగాయల నూనె నిల్వలు 1.35 మిలియన్ టన్నులకు పడిపోయాయి. జూలై 2020 తర్వాత ఇదే అత్యల్పం.

మే నెలలో సోయా నూనె దిగుమతులు నెలవారీగా 10% పెరిగి 398,000 టన్నులకు చేరుకున్నాయని డీలర్లు తెలిపారు. ఇది జనవరి తర్వాత అత్యధికం. అదే సమయంలో, సన్‌ఫ్లవర్ ఆయిల్ దిగుమతులు 2% పెరిగి 184,000 మెట్రిక్ టన్నులకు చేరుకున్నాయి. డీలర్ల అంచనాల ప్రకారం, పామాయిల్, సోయా ఆయిల్ అధిక దిగుమతులతో మొత్తం వంట నూనె దిగుమతులు 37% పెంచాయి. 1.18 మిలియన్ టన్నులకు చేరుకున్నాయి. డిసెంబర్ తర్వాత ఇదే అత్యధికం.

పామాయిల్ దిగుమతులు జూన్‌లో 750,000 టన్నులకు, జూలైలో 850,000 టన్నులకు పెరిగే అవకాశం ఉందని వెజిటబుల్ ఆయిల్ బ్రోకరేజ్ సన్‌విన్ గ్రూప్ సిఇఒ సందీప్ బజోరియా తెలిపారు. పామాయిల్ ధరలలో కరెక్షన్, దిగుమతి సుంకం తగ్గింపు దేశంలో పామాయిల్ వినియోగాన్ని పెంచే అవకాశం ఉందన్నారు. ఆహార ధరలను తగ్గించడానికి, స్థానిక శుద్ధి పరిశ్రమకు సహాయపడటానికి ముడి వంట నూనెలపై ప్రాథమిక దిగుమతి పన్నును 10%కి సగానికి తగ్గించింది కేంద్రం.

భారత్ ప్రధానంగా ఇండోనేషియా, మలేషియా నుండి పామాయిల్‌ను కొనుగోలు చేస్తుంది. అర్జెంటీనా, బ్రెజిల్, రష్యా, యుక్రెయిన్ నుండి సోయా, సన్‌ఫ్లవర్ ఆయిల్‌ను దిగుమతి చేసుకుంటుంది. నేపాల్ వంట నూనెల దిగుమతులు మే నెలలో 132,000 టన్నులు కాగా, ఏప్రిల్‌లో 87,000 టన్నులు పెరిగాయని GGN రీసెర్చ్ అంచనా వేసింది.

మరోవైపు సామాన్యులకు కేంద్రం శుభవార్త చెప్పింది. వంట నూనెల ధరలు మళ్లీ తగ్గుముఖం పట్టనున్నాయి. ముడి పామాయిల్, ముడి సోయాబీన్ నూనె, ముడి సన్‌ఫ్లవర్ నూనెలపై ప్రాథమిక దిగుమతి సుంకాన్ని ప్రస్తుతం ఉన్న 20 శాతం నుంచి 10 శాతానికి తగ్గించడమే ఇందుకు కారణం. దీనివల్ల రిటైల్ వంట నూనెల ధరలు తగ్గడంతో పాటు దేశీయంగా నూనెలు ఉత్పత్తి చేసే వారికీ ప్రయోజనం చేకూరనుంది.