Maruti Suzuki Swift CNG : మారుతీ సుజుకి స్విఫ్ట్ సీఎన్జీ కారు ఇదిగో.. ఈ నెల రెండో వారంలోనే లాంచ్..!
Maruti Suzuki Swift CNG : మారుతి సుజుకి స్విఫ్ట్ సీఎన్జీ సెప్టెంబర్ రెండవ వారంలో మార్కెట్లోకి ఎంట్రీ ఇవ్వనుంది. భారత్లోని కార్ల తయారీదారులలో మారుతి అతిపెద్ద సీఎన్జీ మోడళ్ల పోర్ట్ఫోలియోను కలిగి ఉంది.
![Maruti Suzuki Swift CNG : మారుతీ సుజుకి స్విఫ్ట్ సీఎన్జీ కారు ఇదిగో.. ఈ నెల రెండో వారంలోనే లాంచ్..! Maruti Suzuki Swift CNG : మారుతీ సుజుకి స్విఫ్ట్ సీఎన్జీ కారు ఇదిగో.. ఈ నెల రెండో వారంలోనే లాంచ్..!](https://diey8xpfs90ha.cloudfront.net/wp-content/uploads/2024/09/Maruti-Suzuki-Swift-CNG-launch-in-second-week-of-September.jpg)
Maruti Suzuki Swift CNG launch in second week of September
Maruti Suzuki Swift CNG : ప్రముఖ ఆటోమొబైల్ దిగ్గజం మారుతి సుజుకి ఇండియా గత మే 9న దేశంలో ఫోర్త్ జనరేషన్ స్విఫ్ట్ను లాంచ్ చేసింది. ఇప్పుడు, హ్యాచ్బ్యాక్ సీఎన్జీ వెర్షన్ను కూడా ప్రవేశపెట్టనుంది. కార్ల తయారీ సంస్థ ఇప్పుడు ప్లాన్ చేస్తోంది. డీలర్ మూలాల ప్రకారం.. స్విఫ్ట్ సీఎన్జీ సెప్టెంబర్ రెండవ వారంలో మార్కెట్లోకి ఎంట్రీ ఇవ్వనుంది. భారత్లోని కార్ల తయారీదారులలో మారుతి అతిపెద్ద సీఎన్జీ మోడళ్ల పోర్ట్ఫోలియోను కలిగి ఉంది. ప్రస్తుతం 14 సీఎన్జీ మోడళ్లను అందిస్తోంది.
Read Also : Reliance Jio Anniversary : రిలయన్స్ జియో జైత్రయాత్రకు 8 ఏళ్లు.. భారత్లో 73 రేట్లు పెరిగిన డేటా వినియోగం!
అత్యధికంగా అమ్ముడైన సీఎన్జీ కార్లలో ఎర్టిగా, బ్రెజ్జా, డిజైర్ ఉన్నాయి. ఆగస్టు 2024లో దేశంలోని అతిపెద్ద కార్ల తయారీ సంస్థ 49,602 యూనిట్ల సీఎన్జీ కార్లను విక్రయించింది. దేశీయ ప్యాసింజర్ వాహనాల వాల్యూమ్లలో 34.67 శాతం చొచ్చుకుపోయింది ఏదైనా మారుతి కారుకు సీఎన్జీ వేరియంట్ పెట్రోల్ కౌంటర్ కన్నా రూ. 95వేలు ఎక్కువ. మొత్తం రూ. 1,450 కోట్లతో అభివృద్ధి చేసిన స్విఫ్ట్ ధర రూ. 6.49 లక్షల నుంచి రూ. 9.59 లక్షలు (ఎక్స్-షోరూమ్). స్విఫ్ట్తో కూడా సీఎన్జీ వేరియంట్లు రూ. 95వేల ప్రీమియంతో వస్తాయని అంచనా.
స్విఫ్ట్ కొత్త జెడ్-సిరీస్ 1.2-లీటర్ 3-సిలిండర్ పెట్రోల్ ఇంజన్ను ఉపయోగిస్తుంది. గరిష్టంగా 82పీఎస్ శక్తిని, 113ఎన్ఎమ్ గరిష్ట టార్క్ను ఉత్పత్తి చేస్తుంది. ట్రాన్స్మిషన్ ఆప్షన్లలో 5-స్పీడ్ ఎంటీ, 5-స్పీడ్ ఎఎంటీ ఉన్నాయి. స్విఫ్ట్ సిఎన్జీలో పవర్, టార్క్ గణాంకాలు తక్కువగా ఉంటాయి. భారత మార్కెట్లో మారుతి అత్యధికంగా అమ్ముడవుతున్న కార్లలో స్విఫ్ట్ ఒకటి.
కార్మేకర్ ఇప్పటివరకు దాదాపు 3 మిలియన్ యూనిట్ల హ్యాచ్బ్యాక్లను విక్రయించింది. ఫస్ట్ జనరేషన్ స్విఫ్ట్ 2005లో లాంచ్ కాగా, రెండో జనరేషన్ 2011లో మార్కెట్లోకి ప్రవేశించింది. మూడో జనరేషన్ 2018లో ప్రవేశపెట్టబడింది. మేలో లాంచ్ చేసినప్పటి నుంచి మారుతి కొత్త స్విఫ్ట్ 65,513 యూనిట్లను విక్రయించింది. సీఎన్జీ వెర్షన్ ఎంట్రీతో హ్యాచ్బ్యాక్ మరింత మెరుగ్గా పనిచేస్తుందని భావిస్తున్నారు.
Read Also : Lexus ES Luxury Plus : కొత్త కారు చూశారా? లెక్సస్ ఈఎస్ లగ్జరీ ప్లస్ ఎడిషన్.. భారత్లో ధర ఎంతంటే?