Tata Cars Launch : కొత్త కారు కొంటున్నారా? టాటా నుంచి సరికొత్త మోడల్ కార్లు.. ఏ మోడల్ ధర ఎంతంటే?
Tata Cars Launch : ప్రముఖ ఆటోమొబైల్ కంపెనీలు భారత మార్కెట్లో కొత్త కార్ల మోడల్స్ దించుతున్నాయి. లేటెస్టుగా టాటా మోటార్ నుంచి రెండు సరికొత్త మోడల్ కార్లు లాంచ్ అయ్యాయి. పూర్తి వివరాలు ఇలా ఉన్నాయి.
- Published By: 10TV Digital Team ,Published On : February 9, 2024 / 06:05 PM IST
Tata Tiago CNG AMT, Tigor CNG AMT launched in India
Tata Cars Launch : కొత్త కారు ఏది కొనాలా? అని ఆలోచిస్తున్నారా? అయితే, 2024లో భారత మార్కెట్లోకి టాటా కొత్త మోడల్ కార్లు వచ్చేశాయి. టాటా మోటార్స్ టియాగో సీఎన్‌జీ ఏఎంటీ, టిగోర్ సీఎన్‌జీ ఏఎంటీ కార్ల మోడల్‌ను లాంచ్ చేసింది.
ఈ రెండు మోడల్ కార్లలో మొదటి మోడల్ ధర రూ. 7,89,900 (ఎక్స్-షోరూమ్) ఉండగా.. రెండో కారు మోడల్ ధర రూ. 8,84,900 (ఎక్స్-షోరూమ్) వద్ద అందుబాటులో ఉంది. టియాగో సీఎన్‌జీ టిగోర్ సీఎన్‌జీ భారత మార్కెట్లో ఆటోమేటెడ్ మాన్యువల్ ట్రాన్స్‌మిషన్ (MMT) కలిగిన తొలి సీఎన్‌జీ కార్లు. ఈ కార్ల మైలేజ్ 28.06 కిలోమీటర్లు అందిస్తాయి. రెండు మోడళ్లలో అనేక వేరియంట్లు అందుబాటులో ఉన్నాయి.
టియాగో, టిగోర్‌లు ఒకే 1.2-లీటర్ పెట్రోల్ ఇంజన్‌ను కలిగి ఉన్నాయి. పెట్రోల్ మోడ్‌లో 86పీఎస్, 113ఎన్ఎమ్, సీఎన్‌జీ మోడ్‌లో 73.4పీఎస్ 95ఎన్ఎమ్‌లను అభివృద్ధి చేస్తుంది. పెట్రోల్, సీఎన్‌జీ వెర్షన్లు రెండూ ఇప్పుడు 5-స్పీడ్ ఎంటీ, 5-స్పీడ్ ఏఎంటీ ఆప్షన్లను కలిగి ఉన్నాయి. వేరియంట్ వారీగా టాటా టియాగో సీఎన్‌జీ ఏఎంటీ ధరలు (ఎక్స్-షోరూమ్) ఈ కింద విధంగా ఉన్నాయి.
- ఎక్స్‌జెడ్ఏ – రూ. 7,89,900
- ఎక్స్‌జెడ్ఏ ప్లస్ – రూ. 8,79,900
- ఎక్స్‌జెడ్ఏ ప్లస్ డీటీ – రూ. 8,89,900
- ఎక్స్‌జెడ్ఏ ఎన్ఆర్‌జీ – రూ. 8,79,900
వేరియంట్ వారీగా టాటా టిగోర్ సీఎన్‌జీ ఏఎంటీ ధరలు (ఎక్స్-షోరూమ్) ఈ కింది విధంగా ఉన్నాయి.
Tata CNG AMT launch
- ఎక్స్‌జెడ్ఏ : రూ. 8,84,900
- ఎక్స్‌జెడ్ఏ ప్లస్ : రూ. 9,54,900
టాటా టియాగో కోసం టోర్నాడో బ్లూ, టియాగో ఎన్‌ఆర్‌జికి గ్రాస్‌ల్యాండ్ బీజ్, టిగోర్ కోసం మెటోర్ బ్రాంజ్ వంటి కొత్త కలర్ ఆప్షన్లను కూడా ప్రవేశపెట్టింది.
