UPSC Free Coaching: గుడ్ న్యూస్.. యూపీఎస్‌సీ ఫ్రీ కోచింగ్.. దరఖాస్తులు మొదలయ్యాయి.. లాస్ట్ డేట్, ఫుల్ డీటెయిల్స్
UPSC Free Coaching: తెలంగాణ రాష్ట్ర మైనారిటీ స్టడీ సర్కిల్ హైదరాబాద్ వారి ఆధ్వర్యంలో సివిల్ సర్వీసెస్ 2025 కోసం ఉచిత శిక్షణ కార్యక్రమాన్నిప్రారంభించనున్నారు.
- Published By: 10TV Digital Team ,Published On : July 29, 2025 / 10:01 AM IST
Telangana State Minority Study Circle Free Coaching for UPSC Exam
మీరు యూపీఎస్‌సీ(UPSC)కి ప్రిపేర్ అవుతున్నారా? కోచింగ్ తీసుకునేంత ఆర్ధిక స్థోమత లేదా? అయితే ఈ అద్భుతమైన అవకాశం మీకోసమే. తెలంగాణ రాష్ట్ర మైనారిటీ స్టడీ సర్కిల్ (TGMSC), హైదరాబాద్ వారి ఆధ్వర్యంలో UPSC సివిల్ సర్వీసెస్ (ప్రిలిమ్స్-కమ్-మెయిన్స్) 2025 కోసం ఉచిత శిక్షణ కార్యక్రమాన్నిప్రారంభించనున్నారు. ఇందుకోసం తెలంగాణ రాష్ట్రానికి చెందిన మైనారిటీ అభ్యర్థుల నుండి దరఖాస్తులను కోరుతున్నారు. ఈమేరకు సోమవారం (జులై 28) అధికారిక ప్రకటన విడుదల చేశారు. ఈ ఉచిత శిక్షణ హైదరాబాద్ లోని TGMSC ప్రాంగణంలో ఏర్పాటు చేయనున్నట్టుగా తెలిపారు.
అర్హత వివరాలు:
- ఈ ఉచిత శిక్షణ కోసం అప్లై చేసుకునే అభ్యర్థులు తెలంగాణ రాష్ట్ర మైనారిటీ వర్గానికి చెందినవారై ఉండాలి
- అలాగే గ్రాడ్యుయేషన్ పూర్తి చేసి ఉండాలి.
- అభ్యర్థి కుటుంబ ఆదాయం రూ.2 లక్షలకు మించకూడదు.
- స్క్రీనింగ్ టెస్ట్ ద్వారా అభ్యర్థులను ఎంపిక చేస్తారు.
- షార్ట్‌లిస్ట్ అయినా అభ్యర్థులకు స్టడీ మెటీరియల్‌, సమగ్ర శిక్షణ ఇస్తారు.
ఆసక్తిగల అభ్యర్థులకు TGMSC అధికారిక వెబ్‌సైట్‌ https://www.tgmsc.in లో ఆన్‌లైన్‌ దరఖాస్తు చేసుకోవాలి. ఆగస్టు 14, 2025 వరకు దరఖాస్తులు చేసుకోవచ్చు. స్క్రీనింగ్ పరీక్ష తేదీని వెబ్‌సైట్‌ ద్వారా తెలియజేస్తారు. మరిన్ని సందేహాల కోసం హైదరాబాద్ TGMSC కార్యాలయాన్ని, లేదా వెబ్‌సైట్‌లో ఇచ్చిన డీటెయిల్స్ ప్రకారం కాల్/ మెయిల్ చేయొచ్చు.
