ఈసీ నోటీసులకు సీఎం కేసీఆర్ వివరణ
- Published By: veegamteam ,Published On : April 12, 2019 / 02:30 PM IST
కేంద్ర ఎన్నికల సంఘం ఇచ్చిన నోటీసుకు సీఎం కేసీఆర్ వివరణ ఇచ్చారు. కరీంనగర్‌ ఎన్నికల సభలో ఆయన చేసిన వ్యాఖ్యలు హిందువుల మనోభావాలకు వ్యతిరేకంగా ఉన్నాయంటూ వీహెచ్‌పీ రాష్ట్ర అధ్యక్షుడు ఎం.రామరాజు చేసిన ఫిర్యాదు మేరకు ముఖ్యమంత్రికి ఈసీ ఈ నోటీసు జారీ చేసింది. అలాంటి వ్యాఖ్యలు ఎందుకు చేయాల్సి వచ్చిందో ఏప్రిల్ 12 శుక్రవారం సాయంత్రం లోపు వివరణ ఇవ్వాలని ఆదేశించడంతో కేసీఆర్ తన వివరణను పంపారు. ఈ మేరకు వివరణతో కూడిన ప్రతిని రాష్ట్ర ఎన్నికల అదనపు ప్రధానాధికారి జ్యోతిబుద్ధ ప్రకాశ్‌కు టీఆర్ఎస్ నేతలు అందజేశారు. ఈ ప్రతిని అందజేసిన వారిలో ఎమ్మెల్సీ శ్రీనివాసరెడ్డి, అదనపు అడ్వకేట్‌ జనరల్‌ రామచంద్రరావు తదితరులు ఉన్నారు.
