Mini Moon : ఖగోళ అద్భుతం.. నేటి నుంచి భూమికి ఇద్దరు చంద్రులు.. 2 నెలలు మనతోనే.. భారత్‌లో కూడా కనిపిస్తుందా?
Mini Moon 2024 PT5 : ఈ చంద్రుడు నేటి నుంచి (సెప్టెంబర్ 29) నుంచి నవంబర్ 25 వరకు భూమి చుట్టూ తిరుగుతాడు. ఈ శాస్త్రీయ దృగ్విషయాన్ని ప్రత్యేక రకాల టెలిస్కోపుల ద్వారా మాత్రమే చూడవచ్చు.
- Published By: 10TV Digital Team ,Published On : September 29, 2024 / 07:48 PM IST
mini moon
Mini Moon : మన భూమికి ఇద్దరు చంద్రులు ఉంటే ఏమి జరుగుతుందని మీరు ఎప్పుడైనా ఆలోచించారా? ఇప్పుడు అలాంటి అద్భుతమే జరుగుతోంది. ఎందుకంటే.. భూమికి కొంతకాలం ‘ఇద్దరు చంద్రులు’ ఉండబోతున్నారు. భూమి తన కక్ష్యలోకి ఒక గ్రహశకలాన్ని ఆకర్షించింది. శాస్త్రవేత్తలు దీనిని మినీ మూన్‌గా పిలుస్తున్నారు. అయితే, ఇది కొన్ని నెలలపాటు మాత్రమే భూమికి మినీ మూన్‌గా ఉంటుంది. సెప్టెంబర్ 29 (ఈ రోజు) నుంచి భూమికి రెండో చంద్రుడు కనిపిస్తాడు.
ఈ చంద్రుడికి గ్రహశకలం 2024PT5 అని పేరు పెట్టారు. ఈ చంద్రుడు నేటి నుంచి తాత్కాలికంగా భూమి చుట్టూ తిరగనున్నాడు. ఈ చంద్రుడు నేటి నుంచి నవంబర్ 25 వరకు భూమి చుట్టూ తిరుగుతాడు. అయితే, ఈ చిట్టి చంద్రుడిని చూసేందుకు చాలామంది ఉత్సాహంగా ఉన్నప్పటికీ, ఇది కంటితో చూడగలిగేది కాదని గమనించాలి.
ఈ శాస్త్రీయ దృగ్విషయాన్ని ప్రత్యేక రకాల టెలిస్కోపుల ద్వారా మాత్రమే చూడవచ్చు. ఖగోళ దృగ్విషయాలపై ఆసక్తి ఉన్నవారికి ఇది ఆకర్షణీయంగా ఉంటుంది. కాకపోతే, మన చంద్రుని కన్నా చాలా చిన్నది. ఈ ఖగోళ గ్రహశకలం స్కూల్ బస్సు అంత పెద్దదిగా ఉంటుందని శాస్త్రవేత్తలు చెబుతున్నారు. ఇంత పరిమాణంలో ఉన్న గ్రహశకలం భూమిని ఢీకొంటే.. ఒక నగరమే నాశనమవుతుంది. కానీ, చింతించకండి.. ఎందుకంటే అది జరగదని సైంటిస్టులు భరోసా ఇస్తున్నారు.
(Space.com) సమాచారం ప్రకారం.. నాసా (NASA) గ్రహశకలం 2024PT5 ఫొటోలను ఈరోజు, సెప్టెంబర్ 29 సాయంత్రం 3:54 (యూఎస్ టైమ్ )కి ప్రారంభమైంది. అదే సమయంలో, గ్రహశకలం నవంబర్ 25 ఉదయం 11.43 గంటల వరకు కనిపిస్తుంది. అద్భుతమైన ఖగోళ శాస్త్ర పోడ్‌కాస్ట్ హోస్ట్ డా. ఖగోళ టెలిస్కోప్‌తో మాత్రమే మినీ-మూన్ ఫోటో తీయగలమని జెన్నిఫర్ మిల్లార్డ్ చెప్పారు. ఈరోజు ఆన్‌లైన్‌లో గ్రహశకలం 2024పీటీఎస్ అద్భుతమైన ఫొటోలను చూడవచ్చునని మిల్లార్డ్ చెప్పారు.
భూమికి చిట్టి చంద్రుడు ఎప్పుటివరకంటే? :
సెప్టెంబర్ 29 ఆదివారం నుంచి ఈ గ్రహశకలం మన భూమికి దగ్గరగా వచ్చి దాదాపు రెండు నెలల పాటు సహజసిద్ధమైన ఉపగ్రహంలా ఉంటుంది. నవంబర్ 25న ఇది భూమి కక్ష్య నుంచి నిష్క్రమిస్తుంది. సుమారు 66 మిలియన్ సంవత్సరాల క్రితం, సుమారు 10 కి.మీ వ్యాసం కలిగిన ఒక గ్రహశకలం భూమిని తాకింది. దీని కారణంగా డైనోసార్‌లు మొత్తం ప్రపంచం నుంచిఅంతరించిపోయాయి. ప్రాథమిక అంచనాల ప్రకారం.. గ్రహశకలం పొడవు 11 మీటర్లు అని శాస్త్రవేత్తలు తెలిపారు. అదే సమయంలో, ఇది భూమికి ముప్పు ఉండదు. శాస్త్రవేత్తల ప్రకారం.. దాని దూరం చంద్రుని కన్నా ఎక్కువగానే ఉంటుంది.
A tiny asteroid, named 2024 PT5, has become Earth’s temporary companion. After approaching Earth for a long time, its path was influenced by our planet’s gravity. This caused it to become a ‘mini-moon’ for a few months, circling us until late November pic.twitter.com/ddCKM5XaDm
— Manish Purohit (@purohitmanish) September 24, 2024
మినీ చంద్రుడు మొదటిసారి ఎప్పుడు కనిపించాడు?
భూమికి చిన్న చంద్రుడు కనిపించడం ఇదే మొదటిసారి కాదు. ఇది ఇప్పటివరకు తెలిసిన భూమి ఐదవ చిన్న చంద్రుడు. 1991లో మొట్టమొదటి చిన్న చంద్రుడు కనిపించాడు. ఇస్రో మాజీ శాస్త్రవేత్త మనీష్ పురోహిత్ ప్రకారం.. 2024పీటీ5 అనే గ్రహశకలం కొంతకాలం భూమికి రెండో చంద్రునిగా మారనుంది. చాలా కాలం పాటు మన గ్రహం గురుత్వాకర్షణకు దగ్గరగా వచ్చిన తరువాత దాని మార్గం మారింది. దీని కారణంగా ఇది మినీ మూన్‌గా ఏర్పడుతుంది. నవంబర్ నాటికి గ్రహం చుట్టూ తిరుగుతుంది. కానీ, దీన్ని చంద్రునిగా పరిగణించలేము. ఎందుకంటే ఈ గ్రహశకలం భూమి చుట్టూ పూర్తిగా తిరగదు. ఇది 55 రోజుల పాటు గుర్రపుడెక్క ఆకారంలో తిరుగుతుంది. భూమి చుట్టూ తన కక్ష్యను పూర్తి చేయడానికి ముందు గురుత్వాకర్షణ నుంచి దూరంగా నెట్టివేయబడుతుంది.
ఆగస్టు 7న పీటీ5 గుర్తించిన నాసా :
పీటీ5 అనే పేరున్న ఈ గ్రహశకలాన్ని ఈ ఏడాది ఆగస్టు 7న నాసా తొలిసారిగా గుర్తించింది. ఈ చిన్న గ్రహం అర్జునుడి ఆస్టరాయిడ్ బెల్ట్ నుండి ఉద్భవించింది. ఈ ప్రదేశంలో భూమి వంటి రాళ్ళు ఉన్నాయి. ఈ శిల సుమారు 33 అడుగుల వెడల్పు ఉంటుంది. గ్రహశకలం భూమిపై ఎలాంటి ప్రభావం చూపదని మిల్లార్డ్ చెప్పారు. చిన్న గ్రహం ముందుకు వెళ్ళే ముందు భూమి గురుత్వాకర్షణ కారణంగా దాని కక్ష్యలో స్వల్ప మార్పుకు లోనవుతుంది. ఈ చిన్న గ్రహం గంటకు వేగం 2200 కి.మీతో దూసుకెళ్తుంది.
2055లో మళ్లీ రానున్న గ్రహశకలం :
గతంలోనూ భూమి చుట్టూ తిరుగుతున్న ఈ గ్రహశకలాలు పలువురి దృష్టిని ఆకర్షించాయి. కొన్ని చిన్న గ్రహాలు భూమికి దగ్గరగా వెళ్లాయి. ఇందులో ప్రధానంగా గ్రహశకలం 2022NS1 ఉంది. 1981లో తొలిసారిగా భూమి చుట్టూ చిన్న చంద్రుడు కనిపించాడు. ఈ చిట్టి గ్రహం భూమికి దగ్గరగా వచ్చింది. మళ్లీ 2022లో ఈ చిన్న గ్రహం మళ్లీ భూమికి దగ్గరగా వచ్చింది. 2055లో 2024PT5 అనే ఈ గ్రహశకలం భూమి కక్ష్యలోకి తిరిగి వస్తుందని భావిస్తున్నారు.
