Google Map : గూగుల్ మ్యాప్ అనుసరిస్తూ కూలిన వంతెనపై కారు నడుపుతూ మరణించిన వ్యక్తి.. గూగుల్ నిర్లక్ష్యంపై దావా వేసిన అతని కుటుంబం

పాక్సన్ తన కుమార్తె తొమ్మిదవ పుట్టినరోజు పార్టీ నుండి ఒక తెలియని ప్రాంతం ద్వారా గూగుల్ మ్యాప్ సూచనలను అనుసరిస్తూ డ్రైవింగ్ చేసుకుంటూ ఇంటికి వెళ్తున్నాడు. ఈ సమయంలో తొమ్మిదేళ్ల క్రితం కుప్పకూలి, మరమ్మత్తు చేయని వంతెనను దాటాలని గూగుల్ మ్యాప్ అతనికి సూచించిందని ఆరోపించారు.

Google Map Directions – Man died : గూగుల్ మ్యాప్ సూచనలను అనుసరిస్తూ కూలిపోయిన వంతెనపై నుండి కారు నడుపుతూ మరణించిన నార్త్ కరోలినా వ్యక్తి కుటుంబం సాంకేతిక దిగ్గజం గూగుల్ నిర్లక్ష్యంపై దావా వేసింది. బ్రిడ్జీ కూలిపోయినట్లు తెలియజేసిన కానీ దాని నావిగేషన్ సిస్టమ్‌ను నవీకరించడంలో విఫలమైందని వేక్ కౌంటీ సుపీరియర్ కోర్ట్‌లో మంగళవారం వ్యాజ్యం దాఖలు చేశారు. వివరాళ్లోకి వెళ్తే.. వైద్య పరికరాల విక్రయదారుడు ఫిలిప్ పాక్సన్ ఇద్దరు పిల్లల తండ్రి. సెప్టెంబర్ 30, 2022న అతని జీప్ గ్లాడియేటర్ హికోరీలోని స్నో క్రీక్‌లో పడిపోవడంతో మునిగిపోయాడు.

పాక్సన్ తన కుమార్తె తొమ్మిదవ పుట్టినరోజు పార్టీ నుండి ఒక తెలియని ప్రాంతం ద్వారా గూగుల్ మ్యాప్ సూచనలను అనుసరిస్తూ డ్రైవింగ్ చేసుకుంటూ ఇంటికి వెళ్తున్నాడు. ఈ సమయంలో తొమ్మిదేళ్ల క్రితం కుప్పకూలి, మరమ్మత్తు చేయని వంతెనను దాటాలని గూగుల్ మ్యాప్ అతనికి సూచించిందని ఆరోపించారు. తమ అమ్మాయిలు డాడీ ఎలా చనిపోయారని, ఎందుకు చనిపోయారని అడుగుతారని.. వారికి తాను చెప్పలేకపోతున్నానని ఫిలిప్ పాక్సన్ భార్య అలీసియా పాక్సన్ చెబుతున్నారు.

Singapore : కడుపునిండా పీతల కూర తిన్నారు..బిల్లు చూసి షాకయ్యారు.. రెస్టారెంట్ ఎంత బిల్లు వేసిందంటే?

జీపీఎస్ దిశలు, వంతెన మరమ్మతులు చేపట్టకుండా మానవ జీవితంపై విలువ లేకుండా నిర్లక్ష్యంగా ఉన్నారని అలీసియా పాక్సన్ చెప్పారు. బోల్తా పడి పాక్షికంగా మునిగిపోయిన ట్రక్కులో ఫిలిప్ పాక్సన్ మృతదేహాన్ని గుర్తించిన రాష్ట్ర సైనికులు కొట్టుకుపోయిన రహదారి వెంట ఎటువంటి సూచనలు లేదా హెచ్చరిక సంకేతాలు లేవని చెప్పినట్లు పిటిషన్ లో పేర్కొన్నారు. దీంతో ఫిలిప్ పాక్సన్ కాపలా లేని అంచు నుండి 20 అడుగుల దిగువన కూలిపోయాడని తెలిపారు.

ఈ వంతెన స్థానిక లేదా రాష్ట్ర అధికారులచే నిర్వహించబడలేదని, అసలు డెవలపర్ కంపెనీ రద్దు చేయబడిందని నార్త్ కరోలినా స్టేట్ పెట్రోల్ పేర్కొంది. అనేక ప్రైవేట్ ప్రాపర్టీ మేనేజ్‌మెంట్ కంపెనీల పేర్లను దావాలో పేర్కొంటూ ఇవి వంతెన, ప్రక్కనే ఉన్న భూమికి బాధ్యత వహిస్తాయని తెలిపారు. పాక్సన్ మరణానికి దారితీసిన కూలిపోయిన బ్రిడ్జీ గురించి చాలా మంది గూగుల్ మ్యాప్స్‌కి తెలియజేశారని, దాని రూట్ సమాచారాన్ని ఆధునీకరించాలని కంపెనీని కోరినట్లు పిటిషన్ లో పేర్కొన్నారు.

Canada : కెనడాలోమరో సంచలన హత్య .. ఖలిస్థాన్ ఉగ్రవాది సఖ్‌దూల్‌ సింగ్‌ హతం

కుప్పకూలిన వంతెనపై డ్రైవర్‌లను నిర్దేశిస్తున్నట్లు కంపెనీ హెచ్చరించినట్లు సెప్టెంబరు 2020లో మ్యాప్‌లోని “సవరణను సూచించండి” ఫీచర్‌ని ఉపయోగించిన మరొక హికోరీ నివాసి నుండి ఇమెయిల్ రికార్డ్‌లు ఉన్నాయి. గూగుల్ నుండి నవంబర్ 2020 ఇమెయిల్ నిర్ధారణ కంపెనీ తన నివేదికను స్వీకరించిందని, సూచించిన మార్పును సమీక్షిస్తోందని నిర్ధారించింది.

అయితే గూగుల్ తదుపరి చర్యలు తీసుకోలేదని మంగళవారం కోర్టు పేర్కొన్నట్లు తెలిపారు. అయితే పాక్సన్ కుటుంబం పట్ల తమకు ప్రగాఢ సానుభూతి ఉందని గూగుల్ ప్రతినిధి జోస్ కాస్టానెడా అసోసియేటెడ్ ప్రెస్‌తో అన్నారు. మ్యాప్స్‌లో కచ్చితమైన రూటింగ్ సమాచారాన్ని అందించడమే తమ లక్ష్యమని తెలిపారు. తాము ఈ వ్యాజ్యాన్ని సమీక్షిస్తున్నామని చెప్పారు.