Israel-Hamas War: హమాస్, ఇజ్రాయెల్ యుద్ధంపై భారీ ప్రకటన చేసిన రష్యా అధ్యక్షుడు పుతిన్

ఇజ్రాయెల్ బాంబు దాడుల్లో 143 మంది పిల్లలు మరియు 105 మంది మహిళలు సహా 704 మంది పాలస్తీనియన్లు మరణించారు. యుద్ధం దీర్ఘకాలం కొనసాగుతుందని, ఇరాన్ ఎప్పుడైనా అందులోకి ప్రవేశించవచ్చని విశ్లేషణలు వస్తున్నాయి.

Vladimir Putin on Israel-Hamas War: హమాస్, ఇజ్రాయెల్ మధ్య కొనసాగుతున్న వివాదం నేపథ్యంలో రష్యా అధ్యక్షుడు వ్లాదిమిర్ పుతిన్ భారీ ప్రకటన చేశారు. ‘స్వతంత్ర సార్వభౌమ’ పాలస్తీనా రాజ్యాన్ని ఏర్పాటు చేయాల్సిన ‘అవసరం’ ఉందని పుతిన్ అన్నారు. ఇజ్రాయెల్-గాజా వివాదం అమెరికా మిడిల్ ఈస్ట్ పాలసీ వైఫల్యాన్ని చూపుతుందని కూడా ఆయన అన్నారు. వాస్తవానికి ఏడాదిన్నరకు పైగా రష్యా-ఉక్రెయిన్ మధ్య యుద్ధం కొనసాగుతున్న విషయం తెలిసిందే. అయితే ఒకవైపు ఉక్రెయిన్ తో యుద్ధం చేస్తూనే మరొకవైపు పాలస్తీనాకు మద్దతుగా ప్రకటన చేయడం గమనార్హం.

ఇక హమాస్ దాడికి ప్రతిదాడిగా ఇజ్రాయెల్ విజృంభిస్తోంది. ఇప్పటికే సుమారు 1700 హమాస్ తీవ్రవాద సమూహాలను ధ్వంసం చేసినట్లు ఇజ్రాయెల్ ప్రకటించింది. అలాగే హమాస్-ఇజ్రాయెల్ యుద్ధంలో జోక్యం చేసుకోవద్దని, సిరియా, ఇరాన్‌లను యుద్ధంలోకి దూకవద్దని అమెరికా హెచ్చరించింది. ఇజ్రాయెల్ వైమానిక దళం గత 72 గంటలుగా గాజా స్ట్రిప్‌పై బాంబు దాడులు చేస్తోంది. భవనాలు శిథిలాల కుప్పలుగా మారాయి. ఇజ్రాయెల్ గాజాలో 1707 లక్ష్యాలను ధ్వంసం చేసింది. ఇందులో 475 రాకెట్ వ్యవస్థలు, హమాస్ కు చెందిన 73 కమాండ్ సెంటర్లు ఉన్నాయి. హమాస్ ఉగ్రవాదులు ఉపయోగించే 23 భవనాలపై కూడా ఇజ్రాయెల్ దాడి చేసింది. ఇది కాకుండా, 22 భూగర్భ స్థావరాలు కూడా ధ్వంసమయ్యాయి.

ఇది కూడా చదవండి: Israel Vs Palestine War : ఇజ్రాయిల్ , హమాస్ మధ్య భీకరయుద్ధం

ఇజ్రాయెల్ బాంబు దాడుల్లో 143 మంది పిల్లలు మరియు 105 మంది మహిళలు సహా 704 మంది పాలస్తీనియన్లు మరణించారు. యుద్ధం దీర్ఘకాలం కొనసాగుతుందని, ఇరాన్ ఎప్పుడైనా అందులోకి ప్రవేశించవచ్చని విశ్లేషణలు వస్తున్నాయి. సుదీర్ఘ యుద్ధానికి తాము సిద్ధంగా ఉన్నామని హమాస్ కూడా తెలిపింది. అయితే ఇంతలో, హమాస్ ఉగ్రవాదుల చేతిలో బందీలుగా ఉన్న వందలాది మంది జీవితాలు ప్రమాదంలో పడ్డాయి. ఇజ్రాయెల్ తన పౌరులపై దాడి చేస్తే, బందీలను ఒక్కొక్కటిగా చంపడం ప్రారంభిస్తామని హమాస్ బెదిరించింది.

ఇది కూడా చదవండి: Assembly Eelections 2023: ఛత్తీస్‭గఢ్ తదుపరి ముఖ్యమంత్రి ఎవరు? సర్వేలో ఆసక్తికమైన సమాధానం