China Birth Rates : చైనాలో తీవ్ర జనాభా సంక్షోభం.. తగ్గిపోతున్న జననాల రేటు.. మూతపడుతున్న వేలాది స్కూళ్లు!
China Birth Rates : చైనాలో జననాల రేటు గణనీయంగా తగ్గిపోతూ వస్తోంది. 2023లో పాఠశాలల సంఖ్య 14,808 తగ్గి 274,400కి పడిపోయిందని చైనా విద్యా మంత్రిత్వ శాఖ వార్షిక నివేదిక పేర్కొంది.
- Published By: 10TV Digital Team ,Published On : October 27, 2024 / 10:08 PM IST
Thousands of kindergartens closed across China ( Image Source : Google )
China Birth Rates : చైనా తీవ్ర జనాభా సంక్షోభాన్ని ఎదుర్కొంటోంది. కొద్దికాలంగా చైనాలో జననాల రేటు గణనీయంగా తగ్గిపోతూ వస్తోంది. దేశవ్యాప్తంగా పిల్లల నమోదు గణనీయంగా తగ్గడంతో వేలాది ప్రసిద్ధ కిండర్ గార్టెన్లు (పాఠశాలలు) మూతపడుతున్నాయి. అధికారిక నివేదిక ప్రకారం.. 2023లో పాఠశాలల సంఖ్య 14,808 తగ్గి 274,400కి పడిపోయిందని చైనా విద్యా మంత్రిత్వ శాఖ వార్షిక నివేదిక పేర్కొంది.
చైనా జననాల రేటు పడిపోవడం తాజా సూచికలో ఇది వరుసగా రెండోసారి. జనాభా సంక్షోభ ప్రభావం ముఖ్యంగా విద్యతోపాటు అనేక రంగాలపై పడుతున్నట్లుగా కనిపిస్తోంది. కిండర్ గార్టెన్‌లో చేరిన పిల్లల సంఖ్య వరుసగా మూడో సంవత్సరం క్షీణించింది. మంత్రిత్వ శాఖ నివేదిక ప్రకారం.. గత ఏడాది 11.55 శాతం లేదా 5.35 మిలియన్లు తగ్గి 40.9 మిలియన్లకు చేరుకున్నాయని హాంకాంగ్‌లోని సౌత్ చైనా మార్నింగ్ పోస్ట్ నివేదించింది.
వరుసగా రెండో ఏడాది క్షీణించిన జనాభా :
అలాగే, ప్రాథమిక పాఠశాలల సంఖ్య కూడా 5,645 తగ్గి 143,500కి 2023లో 3.8 శాతం పడిపోయింది. ఈ క్షీణత చైనాలో విస్తృత జనాభా మార్పును సూచిస్తుంది. ఇక్కడి జనన రేట్లు, మొత్తం జనాభా రెండూ తగ్గుతూనే ఉన్నాయి. భవిష్యత్ ఆర్థిక వృద్ధికి తీవ్రమైన ముప్పును కలిగిస్తుంది. ఇది ఇప్పటికే మందగిస్తోందని పోస్ట్ నివేదిక పేర్కొంది. గత ఏడాదిలో చైనా జనాభా వరుసగా రెండో సంవత్సరం 1.4 బిలియన్లకు పడిపోయింది. రెండు మిలియన్లకు పైగా క్షీణించింది. 2023లో చైనాలో 9 మిలియన్ల జననాలు మాత్రమే నమోదయ్యాయి. 1949లో రికార్డులు ప్రారంభమైనప్పటి నుంచి అతి తక్కువ సంఖ్యగా చెప్పవచ్చు.
2050 నాటికి 500 మిలియన్లకు జనాభా :
తగ్గుతున్న జననాల రేటు ఫలితంగా చైనా గత ఏడాదిలో అత్యధిక జనాభా కలిగిన దేశంగా నిలిచింది. చైనా జంటల సంక్షోభాన్ని ఎదుర్కొంది. ఒకవైపు జననాల రేటు, సంతానోత్పత్తి రేట్లు పడిపోయినప్పటికీ, వృద్ధుల జనాభాలో కూడా గణనీయమైన పెరుగుదల కనిపిస్తోంది. 60 ఏళ్లు అంతకంటే ఎక్కువ వయస్సు గల చైనా జనాభా 2023 చివరినాటికి 300 మిలియన్లకు చేరుకుంది. 2035 నాటికి 400 మిలియన్లను దాటి 2050 నాటికి 500 మిలియన్లకు చేరుకుంటుందని అంచనాలు సూచిస్తున్నాయి. ఈ నెల ప్రారంభంలో ప్రభుత్వ ఆధ్వర్యంలోని జిన్హువా వార్తా సంస్థ నివేదించింది.పోస్ట్ నివేదిక ప్రకారం.. కిండర్ గార్టెన్లు సీనియర్ సిటిజన్‌ల సంరక్షణ కేంద్రాలుగా మారిపోతున్నాయి. పాఠశాల సిబ్బందిలో చాలా మందిని వృద్ధుల సంరక్షణ కోసం నియమించారు.
దశాబ్ధాల నాటి కఠినమైన ఒక బిడ్డ విధానం చైనీస్ వృద్ధుల సంఖ్యను పెంచుతోంది. చైనా తీవ్రమైన జనాభా సంక్షోభానికి దశాబ్దాల నాటి ఒక బిడ్డ విధానమే కారణమని అధికారులు పేర్కొన్నారు. అయితే, 2016లో ఈ విధానం రద్దు అయింది. ఆ తర్వాత చైనాలోని జంటలను ఇద్దరు పిల్లలను కనేందుకు అనుమతించింది. చైనా 2021లో జనాభా విధానాన్ని సవరించింది. పెరుగుతున్న ఖర్చుల కారణంగా జంటలు ఎక్కువ మంది పిల్లలను కలిగి ఉండాలనే వ్యక్తులు ముగ్గురు పిల్లలను కలిగి ఉండేలా వీలు కల్పించారు.
పెన్షన్లు, వృద్ధుల సంరక్షణ ఖర్చులు పెరగడంతో చైనా గత నెలలో పురుషుల పదవీ విరమణ వయస్సును 60 ఏళ్ల వయస్సు నుంచి 63కి, మహిళా కార్యాలయ ఉద్యోగులకు 55 ఏళ్ల నుంచి58 సంవత్సరాలకు పెంచింది. చైనాలో శిశువులు, పసిబిడ్డలు ఉన్న చైనీస్ కుటుంబాలలో 30 శాతానికి పైగా పిల్లల సంరక్షణ అవసరమని 2021 నుంచి నేషనల్ హెల్త్ కమిషన్ డేటా సూచించింది. అయితే, 5.5 శాతం మంది మాత్రమే తమ పిల్లలను నర్సరీలు లేదా ప్రీ-కిండర్ గార్టెన్‌లలో చేర్చుతున్నారు. ఈ నేపథ్యంలో తగ్గుతున్న వృద్ధాప్య జనాభా మధ్య దేశంలో పెళ్లిళ్లను సులభతరం చేయాలని, విడాకులు తీసుకోవడంపై కఠినతరం చేయాలని చైనా భావిస్తోంది.
