Army Captain Proposal: ప్రేమ గెలిచింది.. కానీ ప్రోటోకాల్ తప్పింది.. ఆర్మీ కెప్టెన్ రొమాన్స్ పై రక్షణ శాఖ సీరియస్
ప్రేయసికి కొత్తగా తన ప్రేమను వ్యక్తిపరిచి కొత్త చిక్కులు తెచ్చుకున్న ఆర్మీ అధికారి(Army Captain Proposal).
- Published By: V Santhosh Kumar , Published On : June 4, 2026 / 03:48 PM IST
Army captain proposes to girlfriend at aviation school and faces disciplinary action
- వైరల్ ప్రపోజల్ పై మిలిటరీ సీరియస్
- ప్రేమలో పడి రూల్స్ తప్పిన కెప్టెన్
- నాసిక్ ఆర్మీ అకాడమీలో వింత సంఘటన
Army Captain Proposal: మనం ఇప్పటివరకు చాలారకాల లవ్ ప్రపోజల్స్ చూసి ఉంటాం. కానీ, ఇది చాలా కొత్తగా ఉంటుంది. తన ప్రేయసికి సరికొత్తగా తన ప్రేమను వ్యక్తం చేయాలని అనుకున్నాడు ఒక ఆర్మీ అధికారి.కానీ, అందుకోసం చేసిన ప్రయత్నం ఆ అధికారికి కొత్త చుక్కులు తెచ్చిపెట్టింది. ప్రస్తుతం ఈ న్యూస్ నెట్టింట వైరల్ గా మారింది. ఇంతకీ అసలు విషయం ఏంటంటే, తాజాగా నాసిక్ లోని ఆర్మీ ఏవియేషన్ అకాడమీలో పాసింగ్ అవుట్ పరేడ్ జరిగింది. ఆ పరేడ్ లో కెప్టెన్(Army Captain Proposal) భరత్ భరద్వాజ్ కూడా పాల్గొన్నాడు.
ఐయితే, ఆ పరేడ్ కార్యక్రమం ముగిసిన వెంటనే తన ప్రేయసి ఆరుషికి అక్కడే మిలిటరీ హెలికాప్టర్ ముందే మోకాళ్లపై నిలబడి ప్రపోజ్ చేసి తన ప్రేమను వ్యక్త పరిచాడు. ఆ అధికారి ప్రేమను ఆ అమ్మాయి కూడా అంగీకరించింది. రొమాంటిక్ సినిమా సీన్ను తలపించే ఈ దృశ్యం నెటిజన్ల హృదయాలను గెలుచుకుంది. సోషల్ మీడియాలో సైతం వైరల్ గా మారింది. కానీ, ఈ వైరల్ వీడియో ఇప్పుడు ఆ యువ అధికారికి కొత్త చిక్కులు తెచ్చిపెట్టింది. సాధారణంగా, సైన్యంలో క్రమశిక్షణే పరమావధిగా భావించే ఉన్నతాధికారులు. అందుకే, ఆ యువ ఆర్మీ అధికారిక చేసిన పనిపై అభ్యంతరం వ్యక్తం చేస్తున్నారు.
డిఫెన్స్ ఇన్స్టాలేషన్లు, అధికారిక మిలిటరీ వేడుకలు అనేది వ్యక్తిగత వేడుకల కోసం కాదని, ఈ ప్రపోజల్ సైనిక నిబంధనలను ఉల్లంఘించడమేనని ఆర్మీ వర్గాలు భావిస్తున్నాయి. అందుకే సదరు అధికారిపై క్రమశిక్షణా చర్యలు తీసుకునే అవకాశం ఉందనే వార్తలు వైరల్ అవుతున్నాయి. ఇప్పుడు, ఈ ఘటన దేశవ్యాప్తంగా మిలిటరీ డెకోరమ్, వ్యక్తిగత భావోద్వేగాల మధ్య ఉన్న సరిహద్దులపై పెద్ద చర్చకు దారితీసింది. కొంతమంది, దీనిని ఆ యువకుడి జీవితకాల మైలురాయిగా సమర్థిస్తుండగా, రక్షణ రంగానికి సంబంధించిన సున్నిత ప్రాంతాలలో ఇలాంటి ప్రైవేట్ ఈవెంట్స్ ఆర్మీ గౌరవాన్ని దెబ్బతీస్తాయని నిపుణులు హెచ్చరిస్తున్నారు.
