Risk of Diabetes : మధుమేహ ప్రమాదాన్ని పెంచే 6 విషపూరిత అలవాట్లు !

అధిక ఒత్తిడితో కూడిన జీవనశైలిని కలిగిఉంటే ఒత్తిడిని చక్కగా నిర్వహించడానికి మార్గాలను కనుగొనలేకపోతే, అది రక్తంలో చక్కెర స్థాయిలను ప్రభావితం చేస్తుంది. మధుమేహం రావటానికి దోహదం చేస్తుంది. ఈ జీవనశైలి అలవాట్లకు సానుకూల మార్పులు చేయడం వల్ల మధుమేహం వచ్చే ప్రమాదాన్ని గణనీయంగా తగ్గించవచ్చని గమనించాలి.

Risk of Diabetes

Risk of Diabetes : ప్రపంచవ్యాప్తంగా డయాబెటిస్ కేసులు ప్రమాదకర స్థాయిలో పెరుగుతున్నాయి. ముఖ్యంగా మధుమేహానికి గురయ్యే భారతీయులు మిగిలిన వారితో పోలిస్తే చిన్న వయస్సులోనే జీవక్రియ రుగ్మతను కలిగి ఉంటున్నారు. జీవనశైలి మార్పులతో మధుమేహ ప్రమాదాన్ని తగ్గించవచ్చు. చురుకైన జీవనశైలిని కలిగి ఉండి, జంక్ ఫుడ్, డీప్ ఫ్రైడ్ స్టఫ్‌లు, చక్కెరతో కూడిన ఆహారాలు, శుద్ధి చేసిన పిండి పదార్ధాలకు దూరంగా ఉంటూ సమతుల్య ఆహారం తీసుకుంటే వ్యాధి బారిన పడకుండా నివారించవచ్చు.

READ ALSO : Detox the Body : చెమట రూపంలో శరీరంలోని టాక్సిన్స్ ను బయటకు పంపవచ్చా ? అపోహలు VS వాస్తవాలు

అలాగే, మధుమేహ ప్రమాదాన్ని పెంచే జీవనశైలి కారకాల్లో ఒత్తిడి ఒకటి. దానిని నిర్వహించడంలో మీకు సహాయపడే పద్ధతులను అవలంబించడం మంచిది. చాలా చిన్న వయస్సులో చాలా మంది మధుమేహ లక్షణాలు కలిగి ఉంటున్నారు. దీనికి చాలా కారణాలు ఉన్నాయి. మధుమేహం రావటంలో జన్యుశాస్త్రం చాలా ముఖ్యమైన పాత్ర పోషిస్తుంది. తల్లిదండ్రులు డయాబెటిక్ అయితే సంతానంలో మధుమేహం వచ్చే ప్రమాదం 50% కంటే ఎక్కువగా ఉంటుంది. మంచి ఆహారం , జీవనశైలి అలవాట్లతో దీనిని నియంత్రించుకోవచ్చని నిపుణులు చెబుతున్నారు.

మధుమేహం ఆరోగ్యానికి ఎలా హానికరం?

మధుమేహంతో బాధపడుతున్న పెద్దలు సాధారణంగా మధుమేహం ప్రారంభంలో ఇన్సులిన్ నిరోధకతను కలిగి ఉంటారు. తగినంత ఇన్సులిన్ లేనప్పుడు, ఇన్సులిన్ నిరోధకత ఉన్నప్పుడు, గ్లూకోజ్ (చక్కెర) మీ కణాలలోకి ప్రవేశించదు. దీంతో వివిధ రకాల పనులు చేయడానికి అవసరమైన శక్తిని ఉత్పత్తి చేయలేరు. కార్యకలాపాలు బదులుగా చక్కెర స్థాయిలు రక్తప్రవాహంలో పేరుకుపోతాయి, శరీరంలోని అనేక ప్రాంతాలను దెబ్బతీస్తాయి. అదనపు చక్కెర శరీరంలో కొవ్వుగా నిల్వ చేయబడి ఊబకాయానికి దారి తీస్తుందిని నిపుణులు అంటున్నారు.

READ ALSO : Low Calorie Indian Recipes : బరువు తగ్గడానికి తక్కువ కేలరీలు కలిగిన భారతీయ వంటకాలు ఇవే !

తల్లితండ్రులు డయాబెటిస్‌తో బాధపడుతుంటే పిల్లలకు మధుమేహం వస్తుందా?

మధుమేహం బలమైన జన్యు సిద్ధతను కలిగి ఉంటుంది, అంటే ఒక వ్యక్తి కుటుంబ సభ్యులు మధుమేహంతో బాధపడుతున్నట్లయితే, భవిష్యత్తులో ఆ వ్యక్తి మధుమేహ వ్యాధిగ్రస్తులుగా మారే అవకాశాలు ఎక్కువగా ఉన్నాయి. ప్రధానంగా మన జీవనశైలి అలవాట్లే ఈ సంఖ్య గణనీయంగా పెరగడానికి కారణమవుతున్నాయి. గత కొన్ని సంవత్సరాలలో మధుమేహం కేసులు పెరగటానికి జన్యుపరమైన కారణాలు ఉన్నట్లు నిపుణులు స్పష్టం చేస్తున్నారు.

జీవనశైలి అలవాట్లు మధుమేహానికి మరింత హాని చేస్తాయి :

ఆహార లేమి ; తెల్లటి పిండి, జంక్ ఫుడ్‌లు, శుద్ధి చేసిన పిండి పదార్థాలు, కార్బోనేటేడ్ పానీయాలు, చక్కెర అధికంగా ఉండే ప్రాసెస్ చేసిన ఆహారాలతో తయారుచేసిన ఆహార పదార్థాలను ఎక్కువగా తీసుకుంటే, ఇది డయాబెటిస్ ప్రమాదాన్ని గణనీయంగా పెంచుతుంది. స్థూలకాయానికి దారితీస్తుంది, ఇది మధుమేహానికి బలమైన ప్రమాద కారకాల్లో ఒకటి. ఇది శరీరంలోని అధిక కొవ్వుకు దారితీస్తుంది, ముఖ్యంగా పొత్తికడుపు చుట్టూ కొవ్వు పెరిగేలా చేస్తుంది. ఇన్సులిన్ నిరోధకతను పెంచుతుంది. రక్తంలో చక్కెర స్థాయిలను పెంచుతుందని నిపుణులు అంటున్నారు.

READ ALSO : High Blood Pressure : మధుమేహం అధిక రక్తపోటుకు కారణమవుతుందా ? నివారణకు సులభమైన చిట్కాలు !

ఎక్కువగా కూర్చోవడం,శరీరాన్ని కదలకుండా చేయడం ;

ఎక్కువ మంది పని సమయాల్లో ఎక్కువ గంటలు కూర్చోనిచేసే ఉద్యోగాల్లో ఉన్నారు. అనారోగ్యకరమైన ఆహారపు అలవాట్లు, నిద్ర సరిగాలేకపోవటం, అధిక ఒత్తిడితో కూడిన జీవనశైలి మన శరీరంలో ఒత్తిడి హార్మోన్ల కార్టిసాల్ , వాసోప్రెసిన్ స్థాయిని పెంచుతుంది. ఈ అంశాలన్నీ మధుమేహానికి దారితీసే కారణాలు. వారానికి కనీసం ఐదు రోజులు వాకింగ్, రన్నింగ్, యోగా, ఏరోబిక్స్వం టి ఏదైనా సాధారణ వ్యాయామం కేలరీలను బర్న్ చేయడంలో సహాయపడుతుంది. ఇన్సులిన్ సెన్సిటివిటీని మెరుగుపరుస్తుంది.

శుద్ధి చేసిన పిండి పదార్థాలు తినడం ;

మైదా , శుద్ధి చేసిన చక్కెర వంటి ఆహార పదార్థాలు ఊబకాయం మరియు మధుమేహాన్ని కలిగించటానికి కారణమౌతాయి. శుద్ధి చేసిన చక్కెర , మైదా ఇప్పటికే జీర్ణమయ్యే కార్బోహైడ్రేట్ల అవి మన రక్తప్రవాహంలోకి వేగంగా శోషించబడతాయి. షుగర్ పెరుగదలకు కారణమవుతాయి, ఇది అధిక మొత్తంలో ఇన్సులిన్ యొక్క అస్థిరమైన విడుదలను ప్రోత్సహిస్తుంది. కాంప్లెక్స్ పిండి పదార్థాలు తింటే, అవి నెమ్మదిగా జీర్ణమవుతాయి. మన రక్తంలో చక్కెర స్థాయిలు నెమ్మదిగా పెరుగుతాయి.

READ ALSO : Sugar Cause Diabetes : షుగర్ ఎక్కువగా తింటే మధుమేహం వస్తుందా? ఇందులోని వాస్తవమెంత ?

ధూమపానం ;

సిగరెట్, బీడీ, హుక్కా , వ్యాపింగ్ రూపంలో ధూమపానం చేయడం అనేది ఒక వ్యక్తి ఆరోగ్యానికి చాలా హానికరం. ఎందుకంటే పొగలో చాలా ప్రమాదకరమైన రసాయనాలు, క్యాన్సర్ కారకాలు ఉంటాయి, ఇవి శరీరంలోని ప్రతి అవయవాన్ని ప్రభావితం చేస్తాయి. మధుమేహం వచ్చే అవకాశాలను పెంచుతాయి. ఇది ఇన్సులిన్ నిరోధకతకు దారితీస్తుంది. శరీరంలో ఇన్సులిన్ ఉత్పత్తి , వినియోగాన్ని బలహీనపరుస్తుంది.

ఒత్తిడి ;

అధిక ఒత్తిడితో కూడిన జీవనశైలిని కలిగిఉంటే ఒత్తిడిని చక్కగా నిర్వహించడానికి మార్గాలను కనుగొనలేకపోతే, అది రక్తంలో చక్కెర స్థాయిలను ప్రభావితం చేస్తుంది. మధుమేహం రావటానికి దోహదం చేస్తుంది. ఈ జీవనశైలి అలవాట్లకు సానుకూల మార్పులు చేయడం వల్ల మధుమేహం వచ్చే ప్రమాదాన్ని గణనీయంగా తగ్గించవచ్చని గమనించాలి. మధుమేహం కుటుంబ చరిత్ర కలిగిన వ్యక్తులు 45 సంవత్సరాల వయస్సు నుండి క్రమం తప్పకుండా వైద్య పరీక్షలను చేసుకోవాలి.

READ ALSO :  Symptoms of Diabetes : వివిధ వయస్సుల వారిలో మధుమేహం లక్షణాలు ఏవిధంగా ఉంటాయంటే !

అధిక ఆల్కహాల్ తీసుకోవడం ;

కాలేయం శరీరంలోని చక్కెర-స్థిరీకరణ అవయవం. అధిక ఆల్కహాల్ కాలేయాన్ని దెబ్బతీస్తుంది. ఇది శరీరంలో చక్కెర అసమతుల్యతను కలిగిస్తుంది. ఇది ఊబకాయం, మధుమేహాన్ని ప్రోత్సహిస్తుంది.

మధుమేహాన్ని నియంత్రించడానికి కొన్ని జీవనశైలి మార్పులు :

బరువు తగ్గడం. శరీర బరువులో 5% నుండి 10% కోల్పోవడం HBA1cని తగ్గిస్తుంది. ఇన్సులిన్ నిరోధకతను మెరుగుపరుస్తుంది. సంక్లిష్ట కార్బోహైడ్రేట్లు, ఆరోగ్యకరమైన కొవ్వులు మరియు ప్రోటీన్లు, తాజా పండ్లు మరియు కూరగాయలు అధికంగా ఉండే ఆహారం తీసుకోవటం. ప్రతిరోజూ సుమారు 30 నిమిషాల చురుకైన కార్డియో వ్యాయామం, మెరుగైన నిద్ర మితంగా మద్యం సేవించడం , ధూమపానం పూర్తిగా మానేయడం వంటి జీవనశైలి మార్పులు మధుమేహాన్ని నియంత్రించటంలో తోడ్పడతాయి.