Vishwambhara : చిరు ‘విశ్వంభ‌ర’ నుంచి ఫ‌స్ట్ సింగిల్ వ‌చ్చేసింది.. ఆక‌ట్టుకుంటున్న ‘రామ.. రామ..’ సాంగ్‌
చిరంజీవి న‌టిస్తున్న విశ్వంభ‌ర చిత్రం నుంచి మొద‌టి పాటను విడుద‌ల చేశారు.
- Published By: 10TV Digital Team ,Published On : April 12, 2025 / 11:15 AM IST
Chiranjeevi Vishwambhara Movie Rama Raama First Single out now
మెగాస్టార్ చిరంజీవి న‌టిస్తున్న చిత్రం విశ్వంభ‌ర. ‘బింబిసారా’ ఫేమ్ మల్లిడి వశిష్ఠ దర్శకత్వంలో ఈ చిత్రం రూపుదిద్దుకుంటోంది. సోషియో ఫాంటసీ జానర్‌లో రూపుదిద్దుకుంటున్న ఈ చిత్రాన్ని యూవీ క్రియేషన్స్ బ్యానర్ పై వంశీ కృష్ణ రెడ్డి, ప్రమోద్ ఉప్పలపాటి, విక్రమ్ రెడ్డి సంయుక్తంగా నిర్మిస్తున్నారు. ఈ చిత్రంపై అభిమానుల్లో భారీ అంచ‌నాలే ఉన్నాయి.
హనుమాన్ జయంతిని పురస్క‌రించుకుని ఈ చిత్రం నుంచి తొలి పాటను విడుద‌ల చేశారు. ‘రామ రామ’ అంటూ ఈ పాట సాగుతోంది. రామ‌జోగ‌య్య శాస్త్రి లిరిక్స్ అందించ‌గా ప్ర‌ముఖ సంగీత ద‌ర్శ‌కుడు ఎంఎం కీర‌వాణి స్వ‌ర‌ప‌రిచారు.
శంక‌ర్ మ‌హాదేవ‌న్ ఆల‌పించిన ఈ పాట‌కు శోభి మాస్ట‌ర్‌-లలిత మాస్ట‌ర్స్ కొరియోగ్ర‌ఫీ అందించారు. హనుమంతుడి మహిమాన్వితత్వం, రామునిపై భక్తి, ఆధ్యాత్మికత గురించి వివ‌రించిన ఈ పాట ఆక‌ట్టుకుంటోంది. ప్ర‌స్తుతం ఈ పాట సోష‌ల్ మీడియాలో వైర‌ల్ అవుతోంది.
ఈ చిత్రంలో త్రిష‌తో పాటు కునాల్ కపూర్, ఆషికా రంగనాథ్, మృణాల్ ఠాకూర్, జాన్వీ కపూర్ మొత్తం ఐదుగురు క‌థానాయిక‌లుగా న‌టిస్తున్నారు.
