ఆ డైరెక్టర్ వేధించాడు: క్యాస్టింగ్ కౌచ్‌పై హీరోయిన్ పాయల్ కామెంట్స్
- Published By: vamsi ,Published On : January 5, 2020 / 04:11 AM IST
సినిమా ఇండస్ట్రీలో డైరెక్టర్లపై హీరోయిన్లు ఆరోపణలు చేయడం ఇప్పటికే ఎన్నోసార్లు చూశాం. క్యాస్టింగ్ కౌచ్ విషయంలో ఇప్పటికే సంచలన కామెంట్లు చేసిన హీరోయిన్లు ఉన్నారు. ఈ క్రమంలోనే బిగ్ బాస్ షో మాజీ కంటెస్టంట్ పాయల్ రోహ్తగీ కాస్టింగ్ కౌచ్ విషయమై సంచలన కామెంట్లు చేశారు.బాలీవుడ్ డైరెక్టర్ దిబకర్ బెనర్జీపై తీవ్ర ఆరోపణలు చేశారు ఆమె. తనకు ఒక సినిమా ఆఫర్ ఇప్పిస్తానంటూ దివాకర్ పిలిచి వేధించాడని ఆమె వెల్లడించింది. 2011లో ఆ డైరెక్టర్ తనను ఇండస్ట్రీ పరిచయం చేస్తానని మెసేజ్ పంపించాడంటూ చెప్పుకొచ్చింది.
ఆ సమయంలో తనతో పరిచయం పెంచుకొని స్నేహం చేశాడని, అప్పుడు తనకు మెంటర్ దొరికాడని సంతోషించానని చెప్పారు. అయితే అతడి సినిమా ‘షాంగై’లో పాత్ర ఇస్తానని చెప్పినప్పటి నుండి సమస్య మొదలైందని గుర్తు చేసుకున్నారు. తన ఇంటికి వచ్చి బరువు పెరిగిపోతున్నానని చెప్పి, షర్టు ఎత్తి పొట్ట చూపించాలని కోరారని అన్నారు. అయితే దానికి తను అంగీకరించలేదని, వెంటనే అక్కడి నుండి వెళ్లిపొమ్మని చెప్పానని తెలిపారు. అప్పటినుండి దిబకర్ బెనర్జీ తనకు దూరంగా ఉంటున్నాడని పాయల్ వెల్లడించారు.
ఇప్పటికే సినిమా ఇండస్ట్రీలో మీటూ అంటూ నటీమణులు, సింగర్స్ తమకు ఎదుర్కొన్న లైంగిక వేధింపుల గురించి బయటపెట్టిన సంగతి తెలిసిందే. ఇప్పుడు పాయల్ కూడా తన అనుభవాన్ని చెప్పుకొచ్చింది. ఇదే విషయాన్ని అప్పుడు కూడా చెప్పింది పాయల్. ఇప్పుడు లేటెస్ట్‌గా ఓ ఇంటర్వ్యూలో అప్పుడు జరిగిన విషయంపై అడిగిన ప్రశ్నకు సమాధానంగా ఆనాటి విషయాన్ని వెల్లడించారు పాయల్. గతంలో ఈ విషయాన్ని వెల్లడించినప్పుడు బాలీవుడ్‌లో ప్రకంపనలు వచ్చాయి. అప్పట్లో ఈ విషయంపై బాలీవుడ్ షేక్ అయ్యింది.
