Mahesh Babu : ‘గుంటూరు కారం’ సెట్స్‌లో డాన్సర్స్‌కి మహేష్ ఫొటోలు.. ఆల్మోస్ట్ వందమంది వరకు..

'గుంటూరు కారం' సెట్స్‌లో డాన్సర్స్‌కి మహేష్ బాబు ఓపికతో ఫొటోలు. ఇప్పుడు వైరల్ అవుతున్న వీడియో..

Mahesh Babu photos for dancers in Guntur Kaaram movie sets

Mahesh Babu : సూపర్ స్టార్ మహేష్ బాబు నటించిన ‘గుంటూరు కారం’ ప్రస్తుతం థియేటర్స్ లో సందడి చేస్తుంది. ‘రమణ గాడు’ అంటూ మహేష్ చూపించిన మాస్ అభిమానులను విజుల్స్ వేసేలా చేస్తుంది. ముఖ్యంగా ఈ సినిమాలోని మహేష్ డాన్స్ తో ఆడియన్స్ కి పూనకాలు వస్తున్నాయి. మొదటి సాంగ్ ‘దమ్ మసాలా’, చివరి సాంగ్ ‘కుర్చీ మడతపెట్టి’ పాటలకు మహేష్ వేసిన స్టెప్పులకు థియేటర్స్ బాక్స్ లు బద్దలయ్యిపోయాయి.

ఇక ఈ సినిమా థియేటర్స్ లో సందడి చేస్తుంటే, ఈ మూవీ షూటింగ్ సెట్స్ కి సంబంధించిన కొన్ని వీడియోలు నెట్టింట హల్‌చల్ చేస్తున్నాయి. ఈక్రమంలోనే మొదటి సాంగ్ ‘దమ్ మసాలా’ షూటింగ్ సమయంలో ఓ వీడియో ప్రస్తుతం నెట్టింట వైరల్ గా మారింది. ఆ వీడియోలో మహేష్.. సాంగ్ షూటింగ్ లో పాల్గొన్న డాన్సర్స్ కి ఫొటోలు ఇచ్చారు. వారితో పాటు ఫోటో దిగి వారిని సంతోష పరిచారు. ఆల్మోస్ట్ వందమంది వరకు మహేష్ ఓపికగా ఫొటోలు ఇచ్చారని చెబుతున్నారు.

Also read : Sreeleela : మహేష్‌తో సినిమా చేస్తుందని తెలిసి.. ముంబైలోని కాలేజీ శ్రీలీలకి ఎక్స్‌ట్రా మార్కులు వేశారట..

 

View this post on Instagram

 

A post shared by _kallu??? (@nainika_kalyani)

కాగా ఈ సినిమా మొదలు పెట్టేముందే మహేష్, త్రివిక్రమ్.. ఈ మూవీలో ఓ రెండు పాటలకు గట్టిగా డాన్స్ ప్లాన్ చేయాలని ఫిక్స్ అయ్యారట. ఎందుకంటే ఈ సినిమా తరువాత మహేష్ రాజమౌళితో సినిమా చేస్తారు. అందులో తెలుగు కమర్షియల్ సాంగ్ ఉండకపోవచ్చు. ఇక ఆ చిత్రం తరువాత మహేష్ మళ్ళీ తెలుగు కమర్షియల్ సినిమా చేయకపోవచ్చు. అందుకనే ఈ సినిమాలో అభిమానుల కోసం మాస్ డాన్స్ తో పూనకాలు తెప్పించాలని భావించారు.

అనుకున్నట్లే సాంగ్స్, కొన్ని మ్యూజికల్ బిట్స్ తో మహేష్ తన ఫ్యాన్స్ ని ఉర్రుతలూగించారు. మహేష్ తో కలిసి శ్రీలీల కూడా అదరహో అనిపించారు. ఇక ఈ మూవీ కలెక్షన్స్ విషయానికి వస్తే.. ఇప్పటివరకు 175 కోట్లకు పైగా రాబట్టినట్లు సమాచారం. మరో 10 రోజులు వరకు పెద్దగా సినిమా రిలీజ్‌లు లేవు. కాబట్టి 200 కోట్ల కలెక్షన్స్ రాబట్టడం పెద్ద సమస్య ఏమీ కాదు. కాగా ఈ మూవీ ప్రీ రిలీజ్ బిజినెస్ చూస్తే 130 కోట్ల వరకు జరిగినట్లు సమాచారం. ఈ చిత్రం బ్రేక్ ఈవెన్ కావాలంటే దాదాపు 270 కోట్ల వరకు గ్రాస్ కలెక్షన్స్ ని రాబట్టాలి.