Niharika Konidela : విడాకులపై మొదటిసారి మాట్లాడిన నిహారిక.. సంచలన కామెంట్స్ చేసిన నిహారిక మాజీ భర్త..
ఇంటర్వ్యూలో నిహారిక తన పెళ్లి గురించి, విడాకుల గురించి మాట్లాడుతూ, అప్పుడు జరిగిన సంఘటనలని తలుచుకొని ఎమోషనల్ అయింది.
- Published By: 10TV Digital Team ,Published On : January 26, 2024 / 05:28 PM IST
Niharika Konidela first reaction on her Divorce and her ex Husband Sensational comments goes viral
Niharika Konidela : మెగా డాటర్ నిహారిక కొణిదెల మెగా ఫ్యామిలీ అమ్మాయిగానే కాకుండా నటిగా కూడా అందరికి తెలుసు. గతంలో చైతన్య అనే వ్యక్తిని పెళ్లి చేసుకొని విడిపోయిన సంగతి తెలిసిందే. విడాకుల తర్వాత కొన్నాళ్ళు సోషల్ మీడియాకు దూరంగా ఉన్న నిహారిక మళ్ళీ ఇటీవల రెగ్యులర్ గా సోషల్ మీడియాలో పోస్టులు పెడుతూ, సినిమాలు నిర్మిస్తూ, నటిగా కూడా బిజీ అవుతుంది. విడాకుల అనంతరం మళ్ళీ తన కెరీర్ పై ఫోకస్ చేసింది నిహారిక.
అయితే తాజాగా మొదటిసారి తన విడాకులపై పూర్తిగా మనసు విప్పి మాట్లాడింది నిహారిక. ప్రముఖ యూట్యూబర్ నిఖిల్ యూట్యూబ్ లో ‘నిఖిల్ తో నాటకాలు’ అనే పాడ్ కాస్ట్ ఇంటర్వ్యూలు చేస్తున్నాడు. పలువురు సెలబ్రిటీలను తీసుకొచ్చి ఇంటర్వ్యూలు చేస్తాడు. ఈ నేపథ్యంలోనే తన ఫ్రెండ్ అయిన నిహారికని తాజాగా ఈ పాడ్ కాస్ట్ ఇంటర్వ్యూకి నిహారికని తీసుకొచ్చాడు. నిహారిక ఈ ఇంటర్వ్యూలో తన పెళ్లి, విడాకులు, ఫ్యామిలీ, తన ఫ్రెండ్స్, సినిమాలు, పవన్ కళ్యాణ్ రాజకీయాలు.. ఇలా అన్ని విషయాలు మాట్లాడింది.
తన పెళ్లి గురించి, విడాకుల గురించి మాట్లాడుతూ, అప్పుడు జరిగిన సంఘటనలని తలుచుకొని ఎమోషనల్ అయింది. ఈ ఇంటర్వ్యూలో నిహారిక తన పెళ్లి, డైవర్స్ గురించి మాట్లాడుతూ.. నాది లవ్ మ్యారేజ్ కాదు. అరేంజ్ మ్యారేజ్. కొన్ని వర్కౌట్ అవ్వక విడిపోవాల్సి వచ్చింది. పెళ్లి తర్వాత లైఫ్ బాగా ఉండాలని అంతా అనుకుంటారు. నేను అలాగే అనుకున్నాను. కానీ తర్వాత మనుషులని నమ్మకూడదు అని అర్థమైంది. ఈ పెళ్లితో నేను ఒక లైఫ్ లెస్సన్ నేర్చుకున్నాను. నా విడాకుల తర్వాత ఎంతో ఏడ్చాను. చాలా బాధగా ఉంటుంది. అందరూ నన్నే కామెంట్స్ చేశారు. సోషల్ మీడియాలో కామెంట్స్ కూడా చూసి చాలా బాధపడ్డాను. కానీ ఆ సమయంలో నా ఫ్యామిలీ నాకు సపోర్ట్ గా నిలబడింది. దాని నుంచి బయటకి రావడానికి చాలా టైం పట్టింది. ప్రస్తుతానికి నేను సింగిల్. లైఫ్ లో హ్యాపీగా ఉన్నాను అంటూ పలు కామెంట్స్ చేసింది.
అయితే ఈ ఇంటర్వ్యూని ఒక ప్రోమోలాగా కట్ చేసి సోషల్ మీడియాలో కూడా వైరల్ చేశాడు నిఖిల్. ఈ ప్రోమోలో ఎక్కువగా విడాకుల వల్ల నిహారిక బాధపడినట్లు ఎమోషనల్ గా చూపించాడు. అయితే ఈ వీడియోకి నిహారిక మాజీ భర్త సంచలన కామెంట్స్ చేశాడు.
సోషల్ మీడియాలో నిహారిక ఇంటర్వ్యూ ప్రోమో కింద నిహారిక మాజీ భర్త చైతన్య.. హాయ్ నిఖిల్, నిహారికపై వచ్చిన నెగిటివిటి గురించి లేట్ గా అయిన మాట్లాడి అందరికి తెలియచేసినందుకు నేను అభినందిస్తున్నాను. అలాంటి వ్యక్తిగత కామెంట్స్ ఎదుర్కోవడం చాలా కష్టమని తెలుసు. కానీ ఇండైరెక్ట్ గా అందులో ఉన్న బాధితుల గురించి ఇలా ప్రమోట్ చేయడం కరెక్ట్ కాదు. ఇది ఇలా జరగడం రెండోసారి. ఆ బాధ రెండువైపులా ఒకేలా ఉంటుంది. విడాకుల గురించి మాట్లాడకూడదు, ముఖ్యంగా ఒకవైపే మాట్లాడకూడదు. దానివల్ల బాధపడిన వాళ్ళ గురించి జోక్యం చేసుకోకూడదు. దానికంటే వచ్చిన బాధ గురించి, దాని నుంచి ఎలా బయటపడింది మాట్లాడితే ప్రజలకు ఉపయోగపడుతుంది. భవిష్యత్తులో ఇలాంటి వాటి గురించి తెలుసుకోవాలి అనుకుంటే, నమ్మకం లాంటి వాటి గురించి మాట్లాడాలంటే ఆ సంఘటనలతో సంబంధం ఉన్న అందరితో మాట్లాడి ప్రజలకు అవగాహన కల్పించు. కానీ ఏమి తెలియకుండా ప్రజలు ఒకవైపు జడ్జి చేసి కామెంట్స్ చేయడం పూర్తిగా ఎంత తప్పో, ఇలాంటి ప్లాట్ఫార్మ్స్ ఉపయోగించి ప్రజలకు ఒకవైపు జరిగింది మాత్రమే చెప్పడం కూడా అంతే తప్పు. అర్ధం చేసుకుంటావు అనుకుంటున్నాను అని కామెంట్స్ చేశాడు.
