Gudumba Shankar Re-Release: ‘ఆరెంజ్’ రీ-రిలీజ్ బ్లాక్‌బస్టర్.. లైన్ కడుతున్న గుడుంబా శంకర్..!
ఇటీవల రీ-రిలీజ్ చిత్రాల జోరు బాగా కనిపిస్తోంది. ఇప్పటికే ఈ కోవలో మహేష్ బాబు ‘పోకిరి’, పవన్ కల్యాణ్ ‘జల్సా’ సినిమాలు ప్రేక్షకులను అమితంగా ఆకట్టుకున్నాయి. పవర్ స్టార్ పవన్ కల్యాణ్ హీరోగా నటించిన ‘గుడుంబా శంకర్’ సినిమాను థియేటర్లలో మళ్లీ రిలీజ్ చేసేందుకు సిద్ధమవుతున్నారు.
- Published By: 10TV Digital Team ,Published On : March 27, 2023 / 11:17 AM IST
Pawan Kalyan Gudumba Shankar To Get Re-Release
Gudumba Shankar: ఇటీవల రీ-రిలీజ్ చిత్రాల జోరు బాగా కనిపిస్తోంది. ఇప్పటికే ఈ కోవలో మహేష్ బాబు ‘పోకిరి’, పవన్ కల్యాణ్ ‘జల్సా’ సినిమాలు ప్రేక్షకులను అమితంగా ఆకట్టుకున్నాయి. ఈ సినిమాలకు ప్రేక్షకులు బ్రహ్మరథం పట్టారు. ఇదిలా ఉండగా, తాజాగా మెగా పవర్ స్టార్ రామ్ చరణ్ నటించిన ‘ఆరెంజ్’ సినిమాను కూడా రీ-రిలీజ్ చేశారు మేకర్స్.
Pawan Kalyan: ఏప్రిల్ మొత్తం బిజీబిజీ అంటోన్న పవన్..!
ఈ సినిమా రిలీజ్ సమయంలో బాక్సాఫీస్ వద్ద డిజాస్టర్‌గా నిలిచింది. దీంతో, ఇప్పుడు ఈ సినిమా రీ-రిలీజ్‌కు ఎలాంటి రెస్పాన్స్ వస్తుందో అని అందరూ అనుకున్నారు. కానీ, అందరినీ అవాక్కయ్యేలా చేస్తూ ఆరెంజ్ సినిమాకు ప్రేక్షకుల నుండి ట్రెమెండస్ రెస్పాన్స్ వస్తోంది. ఈ సినిమాను చూసేందుకు ఆడియెన్స్ ఆసక్తిని చూపడంతో ఆరెంజ్ చిత్రానికి అదిరిపోయే వసూళ్లు వస్తున్నట్లుగా సినీ వర్గాలు చెబుతున్నాయి.
Orange Re Release : జనసేన కోసం చరణ్ బర్త్ డేకి ఆరెంజ్ రీ రిలీజ్..
ఇక ఈ సినిమాకు వస్తున్న రెస్పాన్స్ చూసి, ఇప్పుడు మరో మూవీ కూడా రీ-రిలీజ్‌కు రెడీ అవుతోంది. పవర్ స్టార్ పవన్ కల్యాణ్ హీరోగా నటించిన ‘గుడుంబా శంకర్’ సినిమాను థియేటర్లలో మళ్లీ రిలీజ్ చేసేందుకు సిద్ధమవుతున్నారు. పవన్ ఈ సినిమాతో కొత్త ట్రెండ్ క్రియేట్ చేశాడు. అందాల భామ మీరా జాస్మిన్ ఈ సినిమాలో హీరోయిన్‌గా నటించగా, మణిశర్మ సంగీతం అందించారు. మరి గుడుంబా శంకర్ సినిమాను ఎప్పుడు రీ-రిలీజ్ చేస్తారనే విషయంపై అఫీషియల్ అనౌన్స్‌మెంట్ రావాల్సి ఉంది.
