PS 2 Collections : నాలుగు రోజుల్లో 200 కోట్లు.. అయినా PS2 బ్రేక్ ఈవెన్ కావాలంటే ఇంకా కావాలి..
పొన్నియిన్ సెల్వన్ పార్ట్ 1 ప్రపంచవ్యాప్తంగా 400 కోట్ల గ్రాస్ కలెక్షన్స్ వసూలు చేసింది. దీంతో PS2 కూడా ఇదే రేంజ్ లో కలెక్ట్ చేస్తుందని భావిస్తున్నారు. పొన్నియిన్ సెల్వన్ 2 ప్రపంచవ్యాప్తంగా 170 కోట్లకు ప్రీ రిలీజ్ బిజినెస్ అయింది.
- Published By: 10TV Digital Team ,Published On : May 2, 2023 / 06:30 AM IST
Ponniyin Selvan 2 collects 200 crores Gross
PS 2 Collections : విక్రమ్, కార్తీ, జయం రవి, త్రిష, శోభిత, ఐశ్వర్య రాయ్, ఐశ్వర్య లక్ష్మి, ప్రభు, జయరాం.. ఇలా చాలా మంది స్టార్ కాస్ట్ తో మణిరత్నం(Maniratnam) దర్శకత్వంలో తెరకెక్కిన పొన్నియిన్ సెల్వన్(Ponniyin Selvan) పార్ట్ 2 ఏప్రిల్ 28న పాన్ ఇండియా(Pan India) రిలీజయింది. పొన్నియిన్ సెల్వన్ పార్ట్ 1 తమిళ్(Tamil) లో భారీ విజయం సాధించినప్పటికీ మిగిలిన చోట్ల మాత్రం అంతగా విజయం సాధించలేదు. కానీ పొన్నియిన్ సెల్వన్ పార్ట్ 1తో పోలిస్తే పార్ట్ 2 పర్వాలేదనిపిస్తుంది. అన్ని చోట్ల పాజిటివ్ రివ్యూలు వస్తున్నాయి ఈ సినిమాకు.
పొన్నియిన్ సెల్వన్ పార్ట్ 1 ప్రపంచవ్యాప్తంగా 400 కోట్ల గ్రాస్ కలెక్షన్స్ వసూలు చేసింది. దీంతో PS2 కూడా ఇదే రేంజ్ లో కలెక్ట్ చేస్తుందని భావిస్తున్నారు. పొన్నియిన్ సెల్వన్ 2 ప్రపంచవ్యాప్తంగా 170 కోట్లకు ప్రీ రిలీజ్ బిజినెస్ అయింది. అంటే దాదాపు 180 కోట్ల షేర్ కలెక్షన్స్ చేస్తే కానీ ఈ సినిమా బ్రేక్ ఈవెన్ అయినట్టు. PS2 సినిమా మొదటి రెండు రోజుల్లోనే 100 కోట్ల గ్రాస్ ని కలెక్ట్ చేసింది. ఇక ఇప్పటివరకు పొన్నియిన్ సెల్వన్ 2 సినిమా ప్రపంచవ్యాప్తంగా 200 కోట్ల గ్రాస్ కలెక్షన్స్ ని వసూలు చేసింది. అంటే దాదాపు 100 కోట్ల షేర్ కలెక్షన్స్ ని వసూలు చేసింది.
పొన్నియిన్ సెల్వన్ 2 హిట్ అని చెప్పాలన్నా, ఈ సినిమా బ్రేక్ ఈవెన్ అవ్వాలన్నా ఇంకో 80 కోట్ల షేర్ కలెక్షన్స్ సాధించాలి. అంటే ఈ సినిమా కూడా ఓవరాల్ గా దాదాపు 400 కోట్ల గ్రాస్ కలెక్షన్స్ సాధిస్తే బ్రేక్ ఈవెన్ అవుతుంది. ఇప్పటికే 200 కోట్లు వచ్చేసింది. ఇంకో వారంలో మరో 200 కోట్లు వస్తాయని చిత్రయూనిట్ ధీమాతో ఉంది. అయితే PS2 ని బాహుబలి రేంజ్ లో తమిళ్ వాళ్ళు ఊహించుకున్నా ఆ రేంజ్ కలెక్షన్స్ మాత్రం రావు. చూడాలి మరి పొన్నియిన్ సెల్వన్ 2 ఓవరాల్ గా ఎంత కలెక్ట్ చేస్తుందో.
